ಹರಿಪುರ ಗ್ರಾಮದ ರೇಷ್ಮೆ ಕೃಷಿ ತೋಟಕ್ಕೆ ಭೇಟಿ ಅಧ್ಯಯನ

ಗದಗ 12 : -ಸ್ಥಳಿಯ ಪ್ರತಿಷ್ಟೀತಕೆ.ಎಲ್‌.ಇ ಸಂಸ್ಥೆಯ ಕಲಾ ಹಾಗೂ ವಾಣಿಜ್ಯ ಮಹಾವಿದ್ಯಾಲಯದ ಬಿ.ಎ ಹಾಗೂ ಬಿ.ಕಾಂ ಅರ್ಥಶಾಸ್ತ್ರ ವಿಭಾಗದ ಪ್ರಾಯೋಜಿತ‘ ಸೂಕ್ಷ್ಮಸಣ್ಣಹಾಗೂ ಮಧ್ಯಮ ಉದ್ಯಮಗಳ ಸಮಸ್ಯಗಳು ಹಾಗೂ ಮಹತ್ವ ಕುರಿತ ಸರ್ಟಿಫೀಕಟ್ ಕೋರ್ಸ ವಿದ್ಯಾರ್ಥಿಗಳು ಹಾಗೂ ಗೃಹ ವಿಜ್ಞಾನ ವಿಭಾಗದ ವಿದ್ಯಾರ್ಥಿಗಳು ಗದಗ ಜಿಲ್ಲೆಯ ಶಿರಹಟ್ಟಯ ತಾಲೂಕಿನ ಹರಿಪುರಗ್ರಾಮದ ಸಂತೋಷ ಮುರಶಿಳ್ಳಿಯವರ ರೇಷ್ಮೆ ಕೃಷಿ ತೋಟಕ್ಕೆ ಭೇಟಿ ಅಧ್ಯಯನ ನಡೆಸಿದರು. 

ರೇಷ್ಮೆ ಕೃಷಿಯು ಒಟ್ಟಾರೆಯಾಗಿ ನಮ್ಮ ಸೈದ್ಧಾಂತಿಕ ಜ್ಞಾನವನ್ನು ಹೆಚ್ಚಿಸಿದರೂ, ಅದುಯಾವುದೇ ಪ್ರಾಯೋಗಿಕ ಜ್ಞಾನವನ್ನು ನೀಡುವುದಿಲ್ಲ. ಆದ್ದರಿಂದ ಪ್ರಾಯೋಗಿಕ ಜ್ಞಾನವನ್ನು ಹೆಚ್ಚಿಸಲು ಮತ್ತು ಈ ಅವಶ್ಯಕತೆಯನ್ನು ಪೂರೈಸಲು ಮತ್ತುಕ್ಷೇತ್ರ ವರದಿಯನ್ನುತಯಾರಿಸಲು ವಿದ್ಯಾರ್ಥಿಗಳ ಅಧ್ಯಯನ ಭೇಟಿಯನ್ನು ಹಮ್ಮಿಕೊಳ್ಳಲಾಗಿತ್ತು   

ಮೇ 09, 2025 ರಂದು ಮಹಾವಿದ್ಯಾಲಯದ ಬಿ.ಎ ಹಾಗೂ ಬಿ.ಕಾಂ ಅರ್ಥಶಾಸ್ತ್ರ ವಿಭಾಗದ ಪ್ರಾಯೋಜಿತ ‘ಸೂಕ್ಷ್ಮ ಸಣ್ಣ ಹಾಗೂ ಮಧ್ಯಮ ಉದ್ಯಮಗಳ ಸಮಸ್ಯಗಳು ಹಾಗೂ ಮಹತ್ವ ಕುರಿತ ಸರ್ಟಿಫೀಕಟ್ ಕೋರ್ಸ ವಿದ್ಯಾರ್ಥಿಗಳು ಹಾಗೂ ಗೃಹ ವಿಜ್ಞಾನ ವಿಭಾಗದ ವಿದ್ಯಾರ್ಥಿಗಳು ಶಿರಹಟ್ಟಿಯ ಹರಿಪುರಗ್ರಾಮದಎಸ್,ಎನ್,ಎಂರೇಷ್ಮೆ ಕೃಷಿ ತೋಟಕ್ಕೆ ಭೇಟಿ ನೀಡಿದರು. ವಿಭಾಗದ ಮುಖ್ಯಸ್ಥರು ಮತ್ತು ಸಿಬ್ಬಂದಿ ಸದಸ್ಯರ ಸಮ್ಮುಖದಲ್ಲಿರೇಷ್ಮೆ ಕೃಷಿ ಕ್ಷೇತ್ರದಲ್ಲಿ ತಮ್ಮ ಅನುಭವದ ಕಲಿಕೆಯನ್ನು ಹೆಚ್ಚಿಸಿಕೊಳ್ಳಲು ವಿದ್ಯಾರ್ಥಿಗಳನ್ನು ರೇಷ್ಮೆ ಕೃಷಿ ತೋಟಕ್ಕೆ ಕರೆದೊಯ್ಯಲಾಯಿತು. ಈ ಅಧ್ಯಯನ ಭೇಟಿಯು ವಿದ್ಯಾರ್ಥಿಗಳು ಪಾಠದಲ್ಲಿ ಪ್ರಾಯೋಗಿಕ ಅನುಭವವನ್ನು ಪಡೆಯಲು ಮತ್ತು ಅವರ ಜೀವನ ಕೌಶಲ್ಯಗಳನ್ನು ವೃದ್ದಿಸಿಕೊಳ್ಳಲು ಹಾಗೂ ರೇಷ್ಮೆ ಹುಳುಗಳ ಸಾಕಾಣಿಕೆ ಕುರಿತು ಅವರ ಜ್ಞಾನವನ್ನು ವಿಕಸಿತಗೊಳಿಸಲು ಸಹಾಯಕಾರಿಯಾಯಿತು. ರೇಷ್ಮೆ ಕೃಷಿ ಕುರಿತು ಅಪಾರ ಅನುಭವ ಹೊಂದಿರುವ ರೈತ ಶ್ರೀ ಸಂತೋಷ್ ಮುರಶಿಳ್ಳಿಯವರು ರೇಷ್ಮೆ ಕೃಷಿ ಉದ್ಯಮದಲ್ಲಿ ಅಡಕವಾಗಿರುವ ಕಾರ್ಯವಿಧಾನಗಳ ಕುರಿತು ವಿವರಿಸಿದರು. ಎಲ್ಲಾ ವಿದ್ಯಾರ್ಥಿಗಳನ್ನು ರೇಷ್ಮೆ ಕೃಷಿಯ ಎರಡು ಪ್ರಮುಖ ವಿಭಾಗಗಳಾದ ರೇಷ್ಮೆ ಹುಳುಗಳ ಸಾಕಣೆ ಶೆಡ್ ಮತ್ತು ಹಿಪ್ಪೆನರಳೆ ಸಸ್ಯ ಕೃಷಿ ಕ್ಷೇತ್ರಕ್ಕೆ ಕರೆದೊಯ್ಯಲಾಯಿತು. ಸಾಮಾನ್ಯ ಭಾಷೆಯಲ್ಲಿ ರೇಷ್ಮೆ ಕೃಷಿ ಎಂದರೆ ಕಚ್ಚಾ ರೇಷ್ಮೆ ಉತ್ಪಾದನೆ. ಇದು ಕೃಷಿ ಆಧಾರಿತಕೈಗಾರಿಕೆಯಾಗಿದ್ದು, ಇದರಲ್ಲಿರೇಷ್ಮೆ ಹುಳುಗಳ ಆಹಾರ ಸಸ್ಯಗಳನ್ನು ಬೆಳೆಸುವುದು, ರೇಷ್ಮೆ ಹುಳುಗಳಿಗೆ ಆಹಾರ ಸಸ್ಯಗಳ ಎಲೆಗಳನ್ನು ಆಹಾರವಾಗಿ ನೀಡುವ ಮೂಲಕ ಗೂಡು ಪಡೆಯಲು ರೇಷ್ಮೆ ಹುಳುಗಳನ್ನು ಸಾಕುವುದು ಮತ್ತು ಗೂಡುಗಳಿಂದ ರೇಷ್ಮೆ ನೂಲುಗಳನ್ನು ಸುತ್ತುವ ಮೂಲಕ ಹೊರತೆಗೆಯುವುದು ಸೇರಿವೆ.  

ಮಾಲಿಕರಾದ ಸಂತೋಷ್ ಮುರಶಿಳ್ಳಿ ರೇಷ್ಮೆ ಕೃಷಿಯ ಉದ್ಯಮದ ಸ್ಥಾಪನೆ, ಅದಕ್ಕೆ ಸರ್ಕಾರದಿಂದ ಸಿಗುವ ಹಣಕಾಸಿನ ನೆರವು,ರೇಷ್ಮೆ ಹುಳಗಳ ಮೊಟ್ಟೆಗಳ ಲಭ್ಯತೆ, ಅದರ ನಿರ್ವಹಣೆ, ಈ ಉದ್ಯಮಕ್ಕೆ ಅಗತ್ಯವಾಗಿರುವ ನೈಸರ್ಗಿಕ ಅಂಶಗಳು ಅದರ ಖರ್ಚುಗಳು, ಆದಾಯ ಗಳಿಕೆ ,ದೇಶದಲ್ಲಿ ರೇಷ್ಮೆ ಉದ್ಯಮಕ್ಕಿರುವ ಅವಕಾಶಗಳು,ತೊಡಕುಗಳುಇತ್ಯಾದಿ ಅಂಶಗಳನ್ನು ಕುರಿತು ಸ್ಪಷ್ಟವಾಗಿ ವಿವರಿಸಿದರು . 

ಮಹಾವಿದ್ಯಾಲಯದ ಪ್ರಾಚಾರ್ಯರಾದ ಡಾ. ಎ. ಕೆ. ಮಠ ವಿದ್ಯಾರ್ಥಿಗಳಿಗೆ ಪ್ರಾಯೋಗಿಕ ಅನುಭವವನ್ನು ನೀಡುವ ಇಂತಹ ವಿದ್ಯಾರ್ಥಿ ಅಧ್ಯಯನ ಭೇಟಿಯನ್ನು ಹಮ್ಮಿಕೊಂಡಿದ್ದ ಗೃಹ ವಿಜ್ಞಾನ ಮತು ್ತಅರ್ಥಶಾಸ್ತ್ರ ವಿಭಾಗದ ಮುಖ್ಯಸ್ಥರನ್ನು ಹಾಗೂ ವಿದ್ಯಾರ್ಥಿಗಳನ್ನು ಅಭಿನಂದಿಸಿದರು.ಕೆ.ಎಲ್‌.ಇ ಸಂಸ್ಥೆಯಆಡಳಿತ ಮಂಡಳಿ ಗೌರವಾನ್ವಿತ ಸದಸ್ಯರು ಮತ್ತು ಪ್ರಾಂಶುಪಾಲರಾದ ಡಾ. ಎ. ಕೆ. ಮಠ ಅವರ ನಿರಂತರ ಬೆಂಬಲ ಮತ್ತು ಪ್ರೋತ್ಸಾಹಕ್ಕಾಗಿ ಪ್ರೊ.ಆಯ್ ಬಿ.ಪಾಟೀಲ ಹಾಗೂ ಪ್ರೊ. ವ್ಹಿ.ಆರ್‌.ತಿರ್ಲಾಪೂರ ಮತ್ತು ಅಧ್ಯಯನ ಕೈ ಕೊಂಡಿದ್ದ ವಿದ್ಯಾರ್ಥಿಗಳು ಧನ್ಯವಾದಗಳನ್ನು ತಿಳಿಸಿದರು.