ಬೆಳಗಾವಿ 30- ಇಂಪು ಸಂಗೀತ ವೇದಿಕೆಯ 24 ನೇ ವರ್ಷದ ಹುಕ್ಕೇರಿ ಬಾಳಪ್ಪ ಪ್ರಶಸ್ತಿಗೆ ಧಾರವಾಡದಖ್ಯಾತಗಾಯಕಿ ವಿದುಷಿ ಶ್ರೀಮತಿ ಸುಜಾತಾಗುರವಅವರುಆಯ್ಕೆಯಾಗಿದ್ದುಇದೇ ದಿ. 14 ರವಿವಾರ ಸಂಜೆ 5 ಗಂಟೆಗೆ ಟಿಳಕವಾಡಿಯ ಲಾಯಿನ್ಸ್‌ ಭವನದಲ್ಲಿ ಪ್ರಶಸ್ತಿ ಪ್ರದಾನ ಮತ್ತು ಸ್ವರಸುಧಾಕಾರ್ಯಕ್ರಮ ನಡೆಯಲಿದೆ. ಮುಖ್ಯ ಅತಿಥಿಗಳಾಗಿ ಹಿರಿಯ ಸಂಗೀತ ವಿದ್ವಾಂಸರೂಗಾಯಕರೂ ಆದ ಪಂ. ನಂದನ ಹೆರ್ಲೆಕರ ಅವರು ಆಗಮಿಸಲಿದ್ದಾರೆ.     

ಪ್ರಶಸ್ತಿ ಪ್ರದಾನದ ನಂತರ ವಿದುಷಿ ಸುಜಾತಾಗುರವಅವರಿಂದ ಹಾಡುಗಾರಿಕೆಯಿದ್ದುಅಲ್ಲಮಪ್ರಭು ಕಡಕೋಳ ಮತ್ತು ಯೋಗೇಶರಾಮದಾಸ ಅವರು ತಬಲಾ , ಹಾರ್ಮೋನಿಯಂ ಸಾಥ್ ನೀಡಲಿದ್ದಾರೆ. ಬೆಂಗಳೂರಿನ ಸಪ್ತಕ ಸಂಗೀತ ಸಂಸ್ಥೆಯ ಸಹಯೋಗದೊಂದಿಗೆ ಈ ಕಾರ್ಯಕ್ರಮ ನಡೆಯಲಿದೆ. ಸಂಗೀತ ಕಲಾರಸಿಕರಿಗೆ ಕಾರ್ಯಕ್ರಮದ ಸಂಚಾಲಕರಾದ ಎಲ್‌. ಎಸ್‌. ಶಾಸ್ತ್ರಿ ಮತ್ತು ಜಿ. ಎಸ್‌. ಹೆಗಡೆ ಸ್ವಾಗತಕೋರಿದ್ದಾರೆ.