ಕಾಗವಾಡ  11 : ಮಹಾರಾಷ್ಟ್ರ ಸಾಂಗಲಿ ನಗರದ ಉತ್ಕರ್ಷಾ ಚಂದ್ರಶೇಖರ ಹಳಿಂಗಳೆ ಇವಳು ನಿಟ್‌-2025 ರ ಪರೀಕ್ಷೆಯಲ್ಲಿ 720 ಅಂಕಗಳಲ್ಲಿ 633 ಅಂಕಗಳನ್ನು ಪಡೆದು, ದೇಶದಲ್ಲಿ 193 ನೇ ರಾ​‍್ಯಂಕ್ ಗಳಿಸುವ ಮೂಲಕ ಅತ್ಯತ್ತಮ ಸಾಧನೆ ಮಾಡಿದ್ದಾರೆ. 

ಉತ್ಕರ್ಷಾ ಇವಳು ಮಿರಜ್ ಪಟ್ಟಣದ ಪ್ರಸಿದ್ಧ ಮನೋವೈದ್ಯರಾದ ಡಾ. ಚಂದ್ರಶೇಖರ ಹಳಿಂಗಳೆ ಮತ್ತು ಡಾ. ನಿಶಾ ಹಳಿಂಗಳೆ ಇವರ ಸುಪುತ್ರಿಯಾಗಿದ್ದು, ಅವರು ತಮ್ಮ ಸಂಪೂರ್ಣ ಶಾಲಾ ಶಿಕ್ಷಣವನ್ನು ಕೊಲ್ಹಾಪೂರ-ಅತಿಗ್ರೆಯ ಸಂಜಯ ಘೋಡಾವತ ಒಲಿಂಪಿಯಾಡ ಶಾಲೆ, ಸಂಜಯ ಘೋಡಾವತ ವೈದ್ಯಕೀಯ ಅಕಾಡೆಮಿಯಲ್ಲಿ ಪಡೆದುಕೊಂಡಿದ್ದಾರೆ. 

ಉತ್ಕರ್ಷಾಳ ತಂದೆ-ತಾಯಿ ಇಬ್ಬರೂ ವೈದ್ಯಕೀಯ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿದ್ದು, ಬಾಲ್ಯದಿಂದಲೂ ಈ ಕ್ಷೇತ್ರದ ಬಗ್ಗೆ ಒಲವು ಹೊಂದಿದ್ದು, ಪೋಷಕರ ಸ್ಫೂರ್ತಿ ಮತ್ತು ಮಾರ್ಗದರ್ಶನದ ಮೂಲಕ ಅವರು ವೈದ್ಯಕೀಯ ಕ್ಷೇತ್ರವನ್ನು ಪ್ರವೇಶಿಸಲು ನಿರ್ಧರಿಸಿದ್ದಾರೆ. 

ಉತ್ಕರ್ಷಾಳ ಈ ಸಾಧನೆಗೆ ಸಂಜಯ ಘೋಡಾವತ ಅಕಾಡೆಮಿಯ ಸಂಜಯ ಘೋಡಾವತ, ವಿನಾಯಕ ಭೋಸಲೆ ಸೇರಿದಂತೆ ಎಲ್ಲ ಪ್ರಾದ್ಯಾಪಕರು, ಉಪನ್ಯಾಸಕರು, ಸಿಬ್ಬಂದಿ ವರ್ಗದವರು ಮತ್ತು ನಿರ್ಮಲ ಆಸ್ಪತ್ರೆಯ ಸಿಬ್ಬಂದಿ ವರ್ಗದವರು ಅಭಿನಂದನೆ ತಿಳಿಸಿದ್ದಾರೆ.