ರಾಣೇಬೆನ್ನೂರು 22: ತಾಲೂಕಿನ ಕರೂರ ಗ್ರಾಮದಲ್ಲಿ ಯುಡಿಐಡಿ ಮಾಶಚಾರಣೆಯ ವಿಶೇಷ ಚೇತನರು ಗ್ರಾಮ ಪಂಚಾಯತಿಯ ಪುನರ್ವಸತಿ ಕಾರ್ಯಕರ್ತರ ಬಳಿ 13 ಯೋಜನೆಗಳ ಬಗ್ಗೆ ಸಮಗ್ರ ಮಾಹಿತಿ ಪಡೆದು ಸಮಾಜದ ಮುಖ್ಯ ವಾಹಿನಿಗೆ ಬರಬೇಕು ಎಂದು ಗ್ರಾಮೀಣ ಪುನರ್ವಸತಿ ಕಾರ್ಯಕರ್ತರ ನಾಯಕಿ ಶಾಂತ ಪಟ್ಟಣಶೆಟ್ಟಿ ಹೇಳಿದರು.  

 ಅವರು ಗ್ರಾಮದ ಸತ್ಯ ಶಿವಾನಂದ ಮಠದಲ್ಲಿ ಬುಧವಾರ ನಡೆದ ಜಿಲ್ಲಾ ವಿಕಲ ಚೇತನರ ಹಾಗೂ ಹಿರಿಯ  ನಾಗರಿಕರ ಸಬಲೀಕರಣ ಇಲಾಖೆ ಹಾವೇರಿ ಕರ್ನಾಟಕ ಗ್ರಾಮೀಣ ಪುನರ್ವಸತಿ ಕಾರ್ಯಕರ್ತರ ಜಿಲ್ಲಾ ಘಟಕ, ಕರೂರು  ಶ್ರೀ ರೇಣುಕಾಬಾ        ಕ್ಷೇಮಾಭಿವೃದ್ಧಿ ಸಹಕಾರಿ ಸಂಘ, ಕರೂರ ಗ್ರಾಮ ಪಂಚಾಯತ ಏರಿ​‍್ಡಸಿದ್ದರು.   

 ಕಾರ್ಯಕ್ರಮದಲ್ಲಿ ತಾಲೂಕ ಘಟಕದ ಅಧ್ಯಕ್ಷ ಗಣೇಶ ನಂದಿಗಾವಿ ಮಾತನಾಡಿ, ಜಿಲ್ಲೆಯ 231 ಗ್ರಾಮ ಪಂಚಾಯತಿಗಳಲ್ಲಿ ಕಾರ್ಯ ನಿವಹಿಸುತ್ತಿರುವ ಪುನರ್ವಸತಿ ಕಾರ್ಯಕರ್ತೆಯರಿಗೆ, ಪ್ರತೇಕ ಕೊಠಡಿ, ಮೂಲಭೂತ ಸೌಲಭ್ಯ, ಕಂಪ್ಯೂಟರ್ ಮತ್ತು ಪ್ರಿಂಟರ್ ಒದಗಿಸಬೇಕೆಂದರು. ಸಿಇಓ ಆದೇಶ ಇದ್ದರೂ ಇದುವರೆಗೂ ಸೌಲಭ್ಯಗಳ ವಿತರಣೆಯಾಗಿಲ್ಲ. ಈ ಕೂಡಲೇ ವಿತರಣೆಗೆ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.  

 ಸಭೆಯಲ್ಲಿ ಅರೋಗ್ಯ ಇಲಾಖೆಯ ರಾಘವೇಂದ್ರ, ಸುಧಾ, ಅನಿತಾ, ಗಂಗಮ್ಮ, ಮಂಜುನಾಥ್ ಕನ್ನಗೌಡ್ರ, ಮಮತಾ ಕನ್ನಾಳ, ಕವಿತಾ ಹೆಗಡೆ ಸೇರಿದಂತೆ  ವಿಶೇಷ ಚೇತನರು ಪೋಷಕರು ಪಾಲ್ಗೊಂಡಿದ್ದರು.