ನಹಾನ್, ಆಗಸ್ಟ್ 24: ಹಿಮಾಚಲ ಪ್ರದೇಶದ ಪಾಂಟಾ ಸಾಹಿಬ್‌ನ ನಿಹಾಲ್‌ಗಢ ಪ್ರದೇಶದಲ್ಲಿ ನೀರು ತುಂಬಿದ್ದ ಚರಂಡಿಗೆ ಜಾರಿ ಬಿದ್ದು ಇಬ್ಬರು ಮಕ್ಕಳು ಮೃತಪಟ್ಟಿದ್ದಾರೆ ಎಂದು ಪೊಲೀಸರು ಸೋಮವಾರ ತಿಳಿಸಿದ್ದಾರೆ.

ಪೊಲೀಸರ ಪ್ರಕಾರ, ಐವರು ಮಕ್ಕಳು ಜಮ್ಮು ಖಾಲೆ ಪ್ರದೇಶದತ್ತ ತೆರಳಿದ್ದರು. ಅವರಲ್ಲಿ ಮೂವರು ಸುರಕ್ಷಿತವಾಗಿ ಮನೆಗೆ ಮರಳಿದರೆ, ಇಬ್ಬರು ಮಕ್ಕಳು ನೀರು ತುಂಬಿದ್ದ ಕಾಲುವೆಗೆ ಜಾರಿ ಬಿದ್ದು ಮುಳುಗಿ ಮೃತಪಟ್ಟಿದ್ದಾರೆ.

ಮೃತ ಮಕ್ಕಳನ್ನು ನಿಹಾಲ್‌ಗಢ ನಿವಾಸಿ ಅನ್ವರ್ ಅವರ 9 ವರ್ಷದ ಪುತ್ರ ಜಬೀರ್ ಹಾಗೂ ಜಂಬು ಖಾಲೆ ನಿವಾಸಿ ಸಿಕಂದರ್ ಅವರ 8 ವರ್ಷದ ಪುತ್ರ ಸತ್ಯಂ ಎಂದು ಗುರುತಿಸಲಾಗಿದೆ.

ಬಹಳಷ್ಟು ಪ್ರಯತ್ನಗಳ ಬಳಿಕ ಮಕ್ಕಳನ್ನು ನೀರಿನಿಂದ ಹೊರತೆಗೆದು ಪಾಂಟಾ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ, ವೈದ್ಯರು ಇಬ್ಬರೂ ಮೃತಪಟ್ಟಿರುವುದಾಗಿ ಘೋಷಿಸಿದರು.

ಸಿರ್ಮೌರ್ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎನ್.ಎಸ್. ನೇಗಿ ಅವರು ಇಬ್ಬರು ಮಕ್ಕಳ ಮೃತದೇಹಗಳನ್ನು ಪತ್ತೆಹಚ್ಚಿ ಹೊರತೆಗೆಯಲಾಗಿದೆ ಎಂದು ದೃಢಪಡಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.