ಬೆಳಗಾವಿ 09: ಎಂಡಿಎಂಎ ಎಂಬ ಮಾದಕ ವಸ್ತು ಮಾರಾಟ ಮಾಡುತ್ತಿದ್ದಾಗ ದಾಳಿ ನಡೆಸಿದ ಮಾರ್ಕೆಟ್ ಠಾಣೆ ಪೊಲೀಸರು ಆರೋಪಿಯನ್ನು ಬಂಧಿಸಿ 20,000ರೂ. ಮೌಲ್ಯದ ಎಂಡಿಎಂಎ ಮಾದಕ ವಸ್ತುವನ್ನು ವಶಪಡಿಸಿಕೊಂಡಿದ್ದಾರೆ. ಪೀರನವಾಡಿ ಸಿದ್ಧೇಶ್ವರ ಗಲ್ಲಿ ನಿವಾಸಿ ವಿನೋದ ತಾನಾಜಿ ಹರಾಜಿ, ಬೆಳಗಾವಿ ಕೋನವಾಳ ಗಲ್ಲಿ ನಿವಾಸಿ ಓಂ ಪುರುಷೋತ್ತಮ, ಪೀರನವಾಡಿ ಮಹಾವೀರ ನಗರ ನಿವಾಸಿ ಕೌಶಿಕ ಕಿರಣ ಮುತಗೇಕರ ಬಂಧಿತ ಆರೋಪಿಗಳಾಗಿದ್ದಾರೆ. 

ದಿ. 7ರಂದು ಮೂವರು ಆರೋಪಿಗಳು ಹಳೇ ಭಾಜಿ ಮಾರ್ಕೆಟ್ ಹತ್ತಿರ ಎಂಡಿಎಂಎ ಎಂಬ ಮಾದಕ ವಸ್ತು ಮಾರಾಟ ಮಾಡುತ್ತಿದ್ದಾಗ ರ್ಮಾಟ್ ಠಾಣೆ ಪಿಎಸ್‌ಐ ವಿಠ್ಠಲ ಹಾವನ್ನವರ ಮತ್ತು ಅವರ ಸಿಬ್ಬಂದಿ ದಳಿ ನಡೆಸಿ 20,000 ರೂ. ಮೌಲ್ಯದ 3.45 ಗ್ರಾಂ ಎಂಡಿಎಂಎ ಮಾದಕ ವಸ್ತುವನ್ನು ಹಾಗೂ 1,20,000 ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ. ಆರೋಪಿಗಳನ್ನು ಮಾದಕ ವಸ್ತು ಎಲ್ಲಿಂದ ತಂದಿದ್ದೀರಿ ಎಂದು ವಿಚಾರಿಸಿದಾಗ ಬೆಳಗಾವಿ ಸಮರ್ಥ ನಗರ ನಿವಾಸಿ ರುತಿಕ ಪಾಟೀಲ ಬಳಿ ತಂದಿದ್ದಾಗಿ ತಿಳಿಸಿದ್ದಾರೆ. ಪೊಲೀಸರು ನಾಲ್ವರ ಮೇಲೆ ಪ್ರಕರಣ ದಾಖಲಿಸಿ ತನಿಖೆ ಮುಂದುವರೆಸಿದ್ದಾರೆ.