ಉಗಾರದಲ್ಲಿ ಸರಣಿ ಮನೆಗಳ ಕಳ್ಳತನ 

ಕಾಗವಾಡ, 06 ; ತಾಲ್ಲೂಕಿನ ಉಗಾರ ಖುರ್ದ ಪಟ್ಟಣದ ಮೂರು ಮನೆಗಳಲ್ಲಿ ಮಂಗಳವಾರ ನಸುಕಿನ ಜಾವದಲ್ಲಿ ಕಳ್ಳರು ಎರಡು ಮನೆ ಬಾಗಿಲು ಮುರಿದು ಹಣ ಒಡವೆಗಳನ್ನು ದೋಚಿ ಮತ್ತೊಂದು ಮನೆಯ ಹೆಂಚು ಒಡೆದು ಪರಾರಿಯಾಗಿರು ಘಟನೆ ನಡೆದಿದೆ. 

ಉಗಾರ ಖುರ್ದ ಪಟ್ಟಣದ ವೈಶಾಲಿ ಪ್ರವೀಣ ಶೆಟ್ಟಿ ಅವರು ಮನೆಗೆ ಬೀಗ ಹಾಕಿ ಸಂಬಂದಿಗಳ ಮನೆಗೆ ಹೋದಾಗ ಮನೆ ಬೀಗ ಮುರಿದು ಬಟ್ರಿ ಇದ್ದ ಐವತ್ತು ಐದು ಸಾವಿರ ಹಣ ಹಾಗೂ ಅರವತ್ತು  ಗ್ರಾಂ ಬೆಳ್ಳಿ ದೋಚಿದ್ದಾರೆ ಮತ್ತೊಂದು ಮನೆ ಮಾಲೀಕರಾದ ತೋಪಿಕ್ ಮುಲ್ಲಾ ಅವರ ಮನೆ ಮೇಲಿನ ಮಹಡಿಯಲ್ಲಿ ತೆಳಗಡೆ ಮನೆಯ ಬಾಗಿಲು ಬೀಗ ಹಾಕಿ ಮಲಗಿರುವಾಗ ಅವರು ಮಲಗಿರುವ ಮನೆಯ ಬೀಗ ಮುರಿದು ಇಪ್ಪತ್ತು ಸಾವಿರ ನಗದು ಹಣ ಹಾಗೂ ಎಂಟು ಗ್ರಾಂ ಚಿನ್ನ ದೋಚಿದ್ದಾರೆ ಅದರಂತೆ ಕಲ್ಲಪ್ಪ ಅಕ್ಕಿ ಅವರ ಮನೆಯ ಮೇಲಿನ ಹಂಚನ್ನು ತೆಗೆದು ಬೀರೂ ಒಡೆದು ಜಾಲಾಡಿ ಅಲ್ಲಿ ಏನು ಸಿಗದೆ ಇರುವುದರಿಂದ ಅಲ್ಲಿಂದ ಕಾಲಕಿತ್ತಿದ್ದಾರೆ.  

ಸ್ಥಳಕ್ಕೆ ಕಾಗವಾಡ ಠಾಣೆಯ ಪಿಎಸ್‌ಐ ರಾಘವೇಂದ್ರ ಖೋತ ಭೇಟಿ ನೀಡಿ ಪರೀಶೀಲನೆ ನಡೆಸಿದರು ಬೆಳಗಾವಿಯಿಂದ ಬೆರಳಚ್ಚು ತಜ್ಞರು ಹಾಗೂ ಶ್ವಾನದಳ ತಂಡ ತನಿಖೆ ನಡೆಸಿದರು.ಸಮೀಪದ ಸಿ ಸಿ ಟಿವಿಗಳಲ್ಲಿ ಕಳ್ಳರ ಚಲನ ವಲನಗಳ ದೃಶ್ಯ ಸೇರೆಯಾಗಿದ್ದ ಅದನ್ನು ಆಧರಿಸಿ ಕಳ್ಳರಿಗಾಗಿ ಶೋಧ ಕಾರ್ಯ ನಡೆಸಲಾಗುತ್ತಿದೆ ಎಂದು ಪೋಲಿಸರು ತಿಳಿಸಿದ್ದಾರೆ.