ಲೋಕದರ್ಶನ ವರದಿ

ಕಾಗವಾಡ 14: ಸೋತವರು ನೂರಾರು ಕಾರಣಗಳನ್ನು ಹುಡುಕಿದರೆ, ಜಯ ಸಾಧಿಸಿದವರು ತಮ್ಮ ಪ್ರಾಮಾಣಿಕತೆ ಮತ್ತು ಕಠಿಣ ಪರಿಶ್ರಮವನ್ನು ಹೇಳುತ್ತಾರೆ. ವಿದ್ಯಾರ್ಥಿ ಜೀವನದಲ್ಲಿ ಪಠ್ಯ ಮೊದಲು ಮತ್ತು ಜೊತೆಗೆ ಪಠ್ಯೇತರ ಚಟುವಟಿಕೆಗಳಲ್ಲಿ ಆಸಕ್ತಿ ಹೊಂದಿ, ಉನ್ನತ ಸಾಧನಕ್ಕೇರುವ ಕನಸು ಕಂಡರೆ ನಿಜವಾಗಿಯೂ ಎನನ್ನೂ ಸಾಧಿಸಬಹುದು.ಅಂತಹ ಸಾಧನೆಯನ್ನು ಕುಮಾರಿ ಆರತಿ ಜಬರ್ದಸ್ತ್ ತಳವಾರ ಅವರು ಮಾಡಿ, ಇತರರಿಗೆ ಮಾದರಿಯಾಗಿದ್ದಾಳೆಂದು ಪ್ರಾಚಾರ್ಯಡಾ.ಎಸ್.ಓ. ಹಲಸಗಿ ಹೇಳಿದರು.

ಗುರುವಾರರಂದು ಶಿವಾನಂದ ಮಹಾವಿದ್ಯಾಲಯದ ಎನ್.ಸಿ.ಸಿ ಮತ್ತು ಕ್ರೀಡಾ  ವಿಭಾಗದವರು ಆಯೋಜಿಸಿದ ಸತ್ಕಾರ ಕಾರ್ಯಕ್ರಮದ ಅಧ್ಯಕ್ಷೀಯ ಸಮಾರೋಪದಲ್ಲಿ ಹೇಳಿದರು. ಕುಮಾರಿ ಆರತಿ ಭಾರತೀಯ ಸೇನೆಯ ಮಹಿಳಾ ಪೊಲೀಸ್ ಹುದ್ದೆಗೆ ಆಯ್ಕೆಯಾಗಿ ಸಂಸ್ಥೆಗೆ ಕೀರ್ತಿ ತಂದಿದ್ದಾಳೆ.ಎಲ್ಲರೂ ಆರತಿ ಎತ್ತಿ ಅಭಿನಂದನೆ ಹೇಳುವ ಕಾರ್ಯಗೈಯ್ದಿದ್ದಾಳೆಂದು ಹೇಳಿದರು. 

ಅತಿಥಿಗಳಾದ ನಿವೃತ್ತ ಪ್ರಾಚಾರ್ಯಡಾ.ಜಿ.ಜಿ.ಕರಲಟ್ಟಿ ಮಾತನಾಡಿ, ಯಾವಾಗಲೂ ಆಸಕ್ತಿಯಿಂದ ಎಲ್ಲದರಲ್ಲೂ ಭಾಗವಹಿಸುತ್ತಿದ್ದ ಆರತಿಯವರು ಉತ್ತಮ ಕ್ರೀಡಾಪಟು ಸಹಿತವಾಗಿದ್ದು, ಹೆಮ್ಮೆಯ ಸಾಧನೆ ಮಾಡಿದ್ದಾರೆಂದು ಹೇಳಿದರು.

ಮಹಾವಿದ್ಯಾಲಯದ ಉಪ ಪ್ರಾಚಾರ್ಯ ಪ್ರೊ.ಎಸ್.ಎಸ್. ಬಾಗನೆ ಮಾತನಾಡಿ, ಜಿಲ್ಲೆಯ ಸಾವಿರಾರು ಅಭ್ಯರ್ಥಿಗಳಲ್ಲಿ ಕೇವಲ ಎಳು ಮಹಿಳೆಯರು ಭರ್ತಿಯಾಗಿದ್ದು, ಅವರಲ್ಲಿ ನಮ್ಮ ವಿದ್ಯಾರ್ಥಿನಿಯು ಒಬ್ಬಳಾಗಿದ್ದು, ಅಭಿಮಾನದ ಸಂಗತಿ. ಅದಕ್ಕೆ ಅವರ ಶ್ರಮ, ಸಾಮಾಥ್ರ್ಯ ಮತ್ತು ಪ್ರತಿಭೆಗಳೇ ಕಾರಣವೆಂದು ಹೇಳಿದರು. ಎನ್.ಸಿ.ಸಿ ಅಧಿಕಾರಿ ಮೇಜರ್ ವ್ಹಿ.ಎಸ್. ತುಗಶೆಟ್ಟಿ, ಮಹಾವಿದ್ಯಾಲಯದ ಘಟಕವು ಉತ್ತಮ ತರಬೇತಿ ನೀಡುತ್ತಿದೆ. ಪ್ರತಿವರ್ಷ ಸಾಕಷ್ಟು ವಿದ್ಯಾರ್ಥಿಗಳು 'ಬಿ' ಮತ್ತು'ಸಿ' ಸರ್ಟಿಫಿಕೇಟ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗುತ್ತಾರೆ. ಮತ್ತು 6ರಿಂದ8 ಕೆಡೆಟ್ಗಳು ಸೇನೆಗೆ ಭರ್ತಿಯಾಗಿ ದೇಶ ಸೇವೆಗೆ ತೊಡಗುತ್ತಾರೆಂದು ಹೇಳಿದರು.

ವಿದ್ಯಾರ್ಥಿ ಕಲ್ಯಾಣಾಧಿಕಾರಿ ಪ್ರೊ. ಬಿ.ಎ.ಪಾಟೀಲ, ಬೆಳಗಾವಿ ಬಟಾಲಿಯನ್ ದತ್ರಿಲೋಕತೋಮರ್ ಮತ್ತು ಪಪ್ಪುರೂಕೆ ಉಪಸ್ಥಿತರಿದ್ದರು.ಎನ್.ಸಿ.ಸಿ ಜೊತೆಗೆ ಇವಳು ಚೆಸ್ ಕ್ರೀಡೆಯಲ್ಲಿ ಅಂತರ್ ಕಾಲೇಜು ಸ್ಪರ್ಧೆಗಳಲ್ಲಿ ಭಾಗವಹಿಸಿ ಉತ್ತಮ ಸಾಧನೆ ಮಾಡಿದ್ದಾಳೆಂದು ದೈಹಿಕ ನಿರ್ಧೆಶಕರಾದ ಪ್ರೊ. ಆರ್.ಎಸ್.ನಾಗರಡ್ಡಿಯವರು ಅಭಿಪ್ರಾಯಿಸಿದರು.

ಮೇಜರ್ ವ್ಹಿ.ಎಸ್. ತುಗಶೆಟ್ಟಿ ಸ್ವಾಗತಿಸಿದರು. ಡಾ. ಎಸ್.ಎ.ಕಕರ್ಿಯವರು ನಿರೂಪಿಸಿದರು. ಕುಮಾರಿ ಪೂಜಾತೇಲಿ ವಂದಿಸಿದರು.