ಬ್ಯಾಡಗಿ: ಪರ ಭಾಷಿಕರ ಓಲೈಕೆ ರಾಜಕಾರಣದ ಕಟ್ಟಿಗೆ ಬೀಳುತ್ತಿರುವ ಆಡಳಿತಾರೂಢ ಸಕರ್ಾರಗಳು ಕನ್ನಡದ ಬಗ್ಗೆ  ಕೈಗೊಳ್ಳುತ್ತಿರುವ ನರಸತ್ತ ನೀತಿಗಳಿಂದ ಕನ್ನಡ ನುಡಿ ಹಾಗೂ ರಾಜ್ಯದ ಗಡಿ ಸೊರಗುತ್ತಿವೆ ಎಂದು ಕನ್ನಡ ಸಾಹಿತ್ಯ ಪರಿಷತ್ ಜಿಲ್ಲಾಧ್ಯಕ್ಷ ನಿವೃತ್ತ ಪ್ರಾಚಾರ್ಯ ಎಚ್.ಬಿ.ಲಿಂಗಯ್ಯ ಖೇದ ವ್ಯಕ್ತಪಡಿಸಿದರು.

 ಕನ್ನಡ ಸಾಹಿತ್ಯ ಪರಿಷತ್ ತಾಲೂಕಾ ಘಟಕವು ಮೋಟೆಬೆನ್ನೂರ ನವೋದಯ ವಿದ್ಯಾಸಂಸ್ಥೆಯ ಸಹಯೋಗದಲ್ಲಿ ಏರ್ಪಡಿಸಿದ್ದ ಲಿಂಗೈಕ್ಯ ವಿ.ಬಿ.ಕಳಸೂರಮಠ ದತ್ತಿನಿಧಿ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡು ಮಾತನಾಡಿದ ಅವರು, ಓಲೈಕೆ ರಾಜಕಾರಣದ ಪರಿಣಾಮ ರಾಜ್ಯದ 'ಗಡಿ' ಯನ್ನು ನಾಶಪಡಿಸುವ ಏಕೈಕ ಉದ್ದೇಶವನ್ನಿಟ್ಟುಕೊಂಡು ಜನಿಸಿರುವ 'ಮಹಾರಾಷ್ಟ್ರ ಏಕೀಕರಣ ಸಮಿತಿ' ಪುಂಡರು ಇಂದು ಕನರ್ಾಟಕ ವಿಧಾನಸಭೆ ಪ್ರವೇಶಿಸುತ್ತಿದ್ದಾರೆ ಎಂದರೇ ಇದಕ್ಕಿಂತ ಬಹುದೊಡ್ಡ ದುರಂತ ಇನ್ನೊಂದಿಲ್ಲ, ಸಾರ್ವಜನಿಕ ಜೀವನದ ಅರ್ಥವೇ ಗೊತ್ತಿಲ್ಲದ ಅಂತಹವರಿಂದ ಸಂವಿಧಾನದ ಆಶಯಗಳಿಗೆ ಪೆಟ್ಟು ಬೀಳುವುದಿಲ್ಲವೇ..? ಅಂತಹ ಕ್ಷೇತ್ರಗಳಲ್ಲಿ ಕನ್ನಡಿಗರ ರಕ್ಷಣೆಗೆ ನಿಲ್ಲುವರ್ಯಾರು..? ಎಂದು ಪ್ರಶ್ನಿಸಿದರು.

       ಹೋರಾಟ ಮನೋಭಾವನೆ ಹುಟ್ಟಿಸಿದ್ದೇ ಸಕರ್ಾರ: ಕನ್ನಡ ಶಾಲೆ, ಭಾಷೆ, ಗಡಿ, ಕೃಪಾಂಕ, ಉದ್ಯೋಗ ಹೀಗೆ ರಾಜ್ಯದಲ್ಲಿರುವ ಕನ್ನಡ ಭಾಷಿಕರು ನಿತ್ಯವೂ ಒಂದಿಲ್ಲೊಂದು ಸಮಸ್ಯೆಗಳನ್ನು ಎದುರಿಸಿ ಹೋರಾಟದ ಬದುಕನ್ನು ಸಾಗಿಸುತ್ತಿದ್ದಾರೆ,ವಿಶ್ವದ ಉತ್ತುಂಗಕ್ಕೆ ಕನ್ನಡವನ್ನು ಒಯ್ಯಬೇಕಾಗಿದ್ದ ಸಾಹಿತ್ಯ ಪರಿಷತ್ ತನ್ನ ಕಾರ್ಯವೈಖರಿ ಬದಲಾಯಿಸಿಕೊಳ್ಳುವ ಅನಿವಾರ್ಯತೆಯಲ್ಲಿದ್ದು ಕನ್ನಡಕ್ಕಾಗಿ ನಮ್ಮದೇ ಸಕರ್ಾರದ ವಿರುದ್ಧ ಬೀದಿಗಿಳಿದು ಹೋರಾಟ ಮಾಡಬೇಕಾದ ಪರಿಸ್ಥಿತಿ ಎದುರಾಗಿದೆ ಎಂದು ವಿಷಾದಿಸಿದರು.

      ಗೊತ್ತಿರುವ ಭಾಷೆಯನ್ನೇ ಉಳಿಸಿಕೊಳ್ಳಲಾಗದವರು:

     ಶಿಗ್ಗಾವಿ ಕಸಾಪ ತಾಲೂಕ ಘಟಕದ ಅಧ್ಯಕ್ಷ ನಾಗರಾಜ ದ್ಯಾಮನಕೊಪ್ಪ ಮಾತನಾಡಿ, 'ವಚನ ಸಾಹಿತ್ಯ ಕನ್ನಡ ಭಾಷೆಗೆ ಬಹುದೊಡ್ಡ ಅಡಿಪಾಯ ಎಂದರೆ ತಪ್ಪಾಗಲಾರದು, ಎಲ್ಲರಿಗೂ ಅರ್ಥವಾಗುವಂತಹ ಕನ್ನಡ ಭಾಷಾ ಪ್ರಾವೀಣ್ಯವನ್ನು ತಮ್ಮ ವಚನದ ಸಾಲುಗಳಲ್ಲಿ ಪದ ಪ್ರಯೋಗಗಳ ಮೂಲಕ ಸಾಬೀತುಪಡಿಸಿದ್ದಾರೆ, ಆದರೆ ಅಭಿಮಾನ ಶೂನ್ಯರಾಗುತ್ತಿರುವ ನಮ್ಮ ರಾಜ್ಯದ ಜನಪ್ರತಿನಿಧಿಗಳು ತಮಗೆ ಗೊತ್ತಿರುವ ಏಕೈಕ ಭಾಷೆಯನ್ನೇ ಉಳಿಸಿಕೊಳ್ಳಲಾಗದೇ ಹೋಗುತ್ತಿರುವುದು ದುರಂತ ಕನ್ನಡದ ಉಳಿವಿಗಾಗಿ ಪರಿಷತ್ ಹುಟ್ಟಿದೆ ಅದಕ್ಕಾಗಿ ಸಾಯಲೂ ಸಿದ್ಧವಿದೆ ಎಂದರು.

         'ಹುಟ್ಟಿನ ಭಾಷೆ-ಹೊಟ್ಟೆಯ ಭಾಷೆ'ಯಾಗುತ್ತಿಲ್ಲ: ಶಿಕ್ಷಣ ಇಲಾಖೆ ನಿವೃತ್ತ ಉಪನಿದರ್ೇಶಕ ಪ್ರಕಾಶ ಮನ್ನಂಗಿ ಮಾತನಾಡಿ, 'ಕನ್ನಡ' ಆಡಳಿತ ಭಾಷೆಯಾಗಬೇಕೆಂಬ ಕೂಗು ಕನರ್ಾಟಕದಲ್ಲಿಯೇ ಕೇಳಿ ಬರುತ್ತಿರುವುದು ನಾಚಿಕೆಗೇಡಿನ ಸಂಗತಿ, ಹುಟ್ಟಿನ ಭಾಷೆ ಹೊಟ್ಟೆಯ ಭಾಷೆಯಾಗದಿರುವುದೇ ಇದಕ್ಕೆ ಕಾರಣ, ಸಾಹಿತ್ಯ ಪರಿಷತ್ನ ಉದ್ದೇಶಗಳಿಗೆ ಪೂರಕವಾಗಿ ಆಡಳಿತಾರೂಢ ಸಕರ್ಾರಗಳು ಕೆಲಸ ಮಾಡುತ್ತಿಲ್ಲ, ಪರಿಷತ್ ಕೈಗೊಂಡ ನಿರ್ಣಯಗಳಿಗೆ ಮಾನ್ಯತೆ ಸಿಗುತ್ತಿಲ್ಲ ಎಂದರು.

 ನವೋದಯ ಸಂಸ್ಥೆ ಅಧ್ಯಕ್ಷ ದತ್ತಾತ್ರೇಯ ಕುಂಠೆ ಅಧ್ಯಕ್ಷತೆ ವಹಿಸಿದ್ದರು, ವೇದಿಕೆಯಲ್ಲಿ ಕಸಾಪ ತಾಲೂಕ ಘಟಕದ ಅಧ್ಯಕ್ಷ ಬಿ.ಎಂ.ಜಗಾಪೂರ, ಪ್ರೋ.ಡಾ.ಪ್ರೇಮಾನಂದ ಲಕ್ಕಣ್ಣನವರ, ವೈದ್ಯೆ ಉಮಾದೇವಿ ಕಳಸೂರಮಠ, ಬಿ.ಸಿ.ಹಾವೇರಿಮಠ, ಎಸ್.ಎನ್.ಯಮನಕ್ಕನವರ, ವಿರೇಂದ್ರ ಶೆಟ್ಟರ, ಜಿ.ವೈ.ಕೊರಗರ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು. ಎ.ಟಿ.ಪೀಠದ ಸ್ವಾಗತಿಸಿದರು, ರಾಘವೇಂದ್ರ ಎಲಿ ನಿರೂಪಿಸಿದರು, ಪ್ರಶಾಂತ ಗೊರವರ ವಂದಿಸಿದರು.