ಚಿಕ್ಕೋಡಿ  23: ಪಟ್ಣಣದ ಸ್ವಚ್ಛತೆಗೆ ಶ್ರಮಿಸುತ್ತಿರುವ ಪೌರಕಾರ್ಮಿಕರ ಸೇವೆ ಶ್ಲಾಘನೀಯವಾಗಿದೆ. ಅವರ ಪರಿಶ್ರಮದಿಂದಲೇ ಸಾರ್ವಜನಿಕ ಆರೋಗ್ಯ ಕಾಪಾಡಲಾಗುತ್ತಿದೆ ಎಂದು ಯಕ್ಸಂಬಾ ಪಟ್ಟಣ ಪಂಚಾಯತ್ ಅಧ್ಯಕ್ಷ ಸುನೀಲ ಸಪ್ತಸಾಗರ ಪ್ರಶಂಸೆ ವ್ಯಕ್ತಪಡಿಸಿದರು.

ಬೆಳಗಾವಿ ಜಿಲ್ಲೆಯ ಯಕ್ಸಂಬಾ ಪಟ್ಟಣ ಪಂಚಾಯತ್ ಕಚೇರಿಯಲ್ಲಿ  ಪೌರಕಾರ್ಮಿಕರ ಜಯಂತಿ ಆಚರಣೆ ನಡೆಯಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.ಮುಖ್ಯಾಧಿಕಾರಿ ಮಹಾಂತೇಶ ನಿಡವಣಿ  ಮಾತನಾಡಿ, ಪೌರಕಾರ್ಮಿಕರಿಗೆ ಸರ್ಕಾರದ ಆದೇಶದಂತೆ ಎಲ್ಲ ಸೌಲಭ್ಯಗಳನ್ನು ತಲುಪಿಸುವುದು ಆದ್ಯತೆ ಎಂದು ತಿಳಿಸಿದರು. ಈಗಾಗಲೇ ಶಾಸಕ ಗಣೇಶ ಹುಕ್ಕೇರಿ ಹಾಗೂ ವಿಧಾನ ಪರಿಷತ್ ಸದಸ್ಯ ಪ್ರಕಾಶ ಹುಕ್ಕೇರಿ ಅವರ ವಿಶೇಷ ಪ್ರಯತ್ನದಿಂದ ನಗರೋತ್ತಾನ ಅನುದಾನದಡಿ ಸುರಕ್ಷಾ ಧಿರಿಸು, ಸೋಲಾರ್ ವ್ಯವಸ್ಥೆ ಮತ್ತು ಇತರ ಸೌಲಭ್ಯ ದೊರಕಲು ಸಹಕಾರವಾಗಿದೆ ಎಂದು ಅವರು ಕೃತಜ್ಞತೆ ಸಲ್ಲಿಸಿದರು.ಕಾರ್ಯಕ್ರಮದಲ್ಲಿ ಖಾಯಂ ಪೌರಕಾರ್ಮಿಕರು ಹಾಗೂ ಇತರೆ ಸ್ವಚ್ಛತಾ ಸಿಬ್ಬಂದಿಗೆ ಸನ್ಮಾನ ಮಾಡಿ, ಪೌರಕಾರ್ಮಿಕರ ಕಲ್ಯಾಣ ಯೋಜನೆಯಡಿ ಪ್ರಶಂಶನಾ ಪತ್ರ, ವಿಶೇಷ ಭತ್ಯೆ ಚೆಕ್ ವಿತರಣೆ ಮಾಡಲಾಯಿತು. ವೈಯಕ್ತಿಕ ಆರೋಗ್ಯದ ಬಗ್ಗೆ ತಿಳುವಳಿಕೆ ನೀಡಿ, ಎಲ್ಲ ಅಧಿಕಾರಿಗಳು, ಸಿಬ್ಬಂದಿ ಹಾಗೂ ಜನಪ್ರತಿನಿಧಿಗಳಿಗೆ ಸ್ವಚ್ಛತಾ ಪ್ರತಿಜ್ಞೆ ಬೋಧಿಸಲಾಯಿತು.

ಕಾರ್ಯಕ್ರಮದಲ್ಲಿ ಉಪಾಧ್ಯಕ್ಷೆ ಸುಜಾತಾ ವಿನೋದ ಚೀತಳೆ, ಸದಸ್ಯರಾದ ಉಮೇಶ್ ಸಾತ್ವರ್, ಅಂಕುಶ ಖೋತ್, ವಿಠ್ಠಲ್ ನಾಯಕ, ಪ್ರೇಮಾ ಮಹಾದೇವ ಮಾಳಗೆ, ರಾಜಶ್ರೀ ಸತ್ಯಪ್ಪ ಮಗದುಮ್, ರವೀಂದ್ರ ಶಿವಾಜಿ ಮಾನೆ, ಸಂಗೀತಾ ಶಿವಾಜಿ ಪವಾರ್, ಶಾನಕ್ಕ ಅಣ್ಣಾಸಾಬ್ ರಾಂಗೋಳೆ, ಜ್ಯೋತಿ ಸಾತ್ವರ್, ಮಹಾಲಿಂಗಪ್ಪ ವಸ್ತ್ರದ, ಮುನೀರ್ ದಾಡಿವಾಲೆ, ಸಿಬ್ಬಂದಿಗಳಾದ ಆರೋಗ್ಯ ನೀರೀಕ್ಷಕ ಚಂದ್ರಕಾಂತ ಶಿರಗುರೆ ಸೇರಿದಂತೆ ಪಟ್ಟಣ ಪಂಚಾಯತ್ ಎಲ್ಲಾ ಸಿಬ್ಬಂದಿಗಳು ಹಾಗೂ ಪೌರಕಾರ್ಮಿಕರು ಹಾಜರಿದ್ದರು.ಕಾರ್ಯಕ್ರಮವನ್ನು ಸಂತೋಷ ಹುದ್ದಾರ್ ನಿರ್ವಹಿಸಿದರು. ಡಾ. ಎಸ್‌. ಆರ್‌. ರೋಗಿ ಸ್ವಾಗತಿಸಿ, ಗಂಗಾಧರ ಚೌಗಲಾ ವಂದಿಸಿದರು.ಪೋಟೋ: ಚಿಕ್ಕೋಡಿ: ತಾಲೂಕಿನ ಯಕ್ಸಂಬಾ ಪಟ್ಟಣ ಪಂಚಾಯತಿ ಪೌರಕಾರ್ಮಿಕ ದಿನಾಚರಣೆಯಲ್ಲಿ ಪೌರಕಾರ್ಮಿಕರನ್ನು ಗಣ್ಯರು ಸನ್ಮಾನಿಸಿದರು.