ಹೊಸದಿಲ್ಲಿ 10: ಎಂಜಿನ್‌ಗೆ ಇಂಧನ ಪೂರೈಕೆ ಮಾಡುವ ಸ್ವಿಚ್‌ ಆಫ್ ಮಾಡಿದ್ದು ಅಹ್ಮದಾಬಾದ್‌ ವಿಮಾನ ಪತ ನಕ್ಕೆ ಕಾರಣವಾಗಿರಬಹುದು ಎಂದು ವರದಿಯೊಂದು ತಿಳಿಸಿದೆ. ದಿ ಏರ್‌ ಕರೆಂಟ್‌ ಜರ್ನಲ್‌ ಲೇಖನ ವೊಂದರಲ್ಲಿ ಈ ಅಂಶವನ್ನು ಉಲ್ಲೇಖೀಸಲಾಗಿದೆ.

ವಿಮಾನ ಪತನ ಕುರಿತು ತನಿಖೆ ನಡೆಸಿದವರು ನೀಡಿದ ಮಾಹಿತಿಯನ್ನು ಆಧರಿಸಿ ವರದಿ ಪ್ರಕಟಿಸಲಾ ಗಿದೆ‌. ದಿ ಏರ್‌ ಕರೆಂಟ್‌ನಲ್ಲಿರುವ ಲೇಖನವು ಸ್ಪಷ್ಟವಾಗಿ ಹೆಚ್ಚಿನದನ್ನು ಹೇಳದಿದ್ದರೂ, ಬೋಯಿಂಗ್‌ 787 ವಿಮಾನದ ಇಂಧನ ನಿಯಂತ್ರಣ ಸ್ವಿಚ್‌ಗಳ ಆಫ್ಗೆ ಸಂಬಂಧಿಸಿದಂತೆ ಪೈಲಟ್‌ಗಳತ್ತ ಬೆಟ್ಟು ಮಾಡುತ್ತಿದೆ.

ಡಿಜಿಸಿಎಯಲ್ಲಿ ಹೆಚ್ಚಿನ ಸಂಖ್ಯೆಯ ಹುದ್ದೆಗಳು ಖಾಲಿ ಇರುವ ಬಗ್ಗೆ ಕೆಲವು ಸದಸ್ಯರು ಸಂಸದೀಯ ಸಭೆಯಲ್ಲಿ ಕಳವಳ ವ್ಯಕ್ತಪಡಿಸಿದರು ಎನ್ನಲಾಗಿದೆ.

ವಿಮಾನ ಪತನ ಕುರಿತು ಎಎಐಬಿ ತಯಾರಿಸಿ­ರುವ ಪ್ರಾಥಮಿಕ ತನಿಖಾ ವರದಿ ಇನ್ನೆರಡು ದಿನ­ ಗಳಲ್ಲಿ ಬಹಿರಂಗವಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ. ಈ ಬಗ್ಗೆ ಸಂಸದೀಯ ಸಮಿತಿಗೆ ಎಎಐಬಿ ಮಾಹಿತಿ ನೀಡಿದೆ ಎಂದು ಮೂಲಗಳು ತಿಳಿಸಿವೆ.