ಬೆಳಗಾವಿ 26 : ಸಮಾಜದಲ್ಲಿ ವೃದ್ಧಾಶ್ರಮಗಳು ಕಡಿಮೆಯಾಗಬೇಕು.ಕುಟುಂಬ ಸದಸ್ಯರು ವೃದ್ಧ ತಂದೆ ತಾಯಿಗಳನ್ನು ವೃಧ್ಧಾಶ್ರಮಗಳಿಗೆ ಕಳುಹಿಸದೆ  ಮನೆ ಯಲ್ಲಿಯೇ ಅವರ ಆರೈಕೆ ಮಾಡಬೇಕು. ಅವರ ಸೇವೆಯೇ ಭಗವಂತನ ಸೇವೆ ಎಂದರಿತಾಗ ಮಾತ್ರ ತಂದೆ ತಾಯಿಯ ಋಣ ತೀರಿಸಬಹುದಾಗಿದೆ.ಅವರಿಂದ ಪಡೆದ ನಮ್ಮ ಜನ್ಮ ಸಾರ್ಥಕವಾಗುವದು ಅಂತಾ ಇಂದಿಲ್ಲಿ ರೋಟರಿ ಕ್ಲಬ್ ಬೆಳಗಾವಿ ಮಿಡ್ ಟೌನ್ ಅದ್ಯಕ್ಷರಾದ ಪ್ರೊ.ಉದಯಸಿಂಗ ರಜಪೂತ ಹೇಳಿದರು.     

ನಾಗನೂರ  ಶಿವಬಸವ ಟ್ರಸ್ಟಿನ ಚಿನ್ನಮ್ಮ ಹಿರೆಮಠ ವೃಧ್ಧಾಶ್ರಮ  ಬಸವನಕುಡಚಿಯಲ್ಲಿರು ವೃಧ್ಧಾಶ್ರಮಕ್ಕೆ ರೋಟರಿ ಕ್ಲಬ್ ಬೆಳಗಾವಿ ಮಿಡ್ ಟೌನ್ ವತಿಯಿಂದ ಸುಮಾರು 50,000 ರೂಪಾಯಿ ಮೌಲ್ಯದ ದಿನನಿತ್ಯದ ಅವಶ್ಯಕ ವಸ್ತುಗಳನ್ನು ನೀಡಿದರು.ಇದೇ ಸಂದರ್ಭದಲ್ಲಿ ರೊ.ಅಶೋಕ ಮಳಗಲಿ ಅವರು ಹಾಸ್ಯ ಕಾರ್ಯಕ್ರಮ ನೀಡಿ  ರಂಜಿಸಿದರು.      

ನಂದನ ಬಾಗಿ,ರಾಜೀವ ದೇಶಪಾಂಡೆ, ರೂಪಾ ದೇಶಪಾಂಡೆ, ಅನಿಲ ಬಾಗಿ,ಅಶೋಕ ಬದಾಮಿ,ರಾಮ ಸಾಂಗಲೆ,ಸತೀಶ ಮಿಠಾರೆ,ಸತೀಶ ನಾಯಿಕ,ಡಾ.ವಿಜಯ ಪೂಜಾರ,ಪ್ರೊ.ಕೊಲ್ಹಾಪುರೆ,ಮಹಿಳಾ ಸಾಂತ್ವನ ಕೇಂದ್ರದ ಮಧು,ಆಶ್ರಮದ ಆಡಳಿತಾಧಿಕಾರಿ  ಚೌಗಲಾ ಉಪಸ್ಥಿತರಿದ್ದರು.