ಜನ ಜಾಗೃತಿ ಸಮಿತಿ ಸ್ವಾಸ್ಥ ಸಮಾಜ ನಿರ್ಮಾಣಕ್ಕೆ ಕೆಲಸ ಮಾಡುತ್ತಿದೆ

ರಾಣಿಬೆನ್ನೂರು 07: ಸ್ವಾಸ್ಥ ಸಮಾಜ ನಿರ್ಮಾಣಕ್ಕಾಗಿ ಜನಜಾಗೃತಿ ಕಾರ್ಯಕ್ರಮಗಳು ಮೇಲಿಂದ ಮೇಲೆ ನಡೆಯಬೇಕಾದ ಇಂದಿನ ಬಹು ಅಗತ್ಯವಿದೆ ಎಂದು ಜಿಲ್ಲಾ ಯೋಜನಾ ನಿರ್ದೇಶಕ, ಜಿಲ್ಲಾ ಸಮಿತಿ ಕಾರ್ಯದರ್ಶಿ ಶಿವರಾಯ ಪ್ರಭು ಹೇಳಿದರು.  ಅವರು, ಹಾವೇರಿ ಜಿಲ್ಲಾ ಕೇಂದ್ರದಲ್ಲಿ ನಡೆದ ಎಸ್ ಕೆ. ಡಿ. ಆರ್‌. ಡಿ. ಪಿ ಬಿಸಿ ಟ್ರಸ್ಟ್‌ ಯೋಜನೆಯ, ನೂತನ ಜಿಲ್ಲಾ ಜನ  ಜಾಗೃತಿ ಸಮಿತಿಯ ನೂತನ ಪದಾಧಿಕಾರಿಗಳ ಆಯ್ಕೆ ಸಭೆಯಲ್ಲಿ ಮಾತನಾಡಿದರು.     

ಜನ ಜಾಗೃತಿ ಸಮಿತಿಯ ಅಧ್ಯಕ್ಷ ಪದಾಧಿಕಾರಿಗಳು, ಮಧ್ಯ ಸೇವನೆ, ಗುಟ್ಕಾ, ತಂಬಾಕು ವ್ಯರ್ಜನ, ಸೇರಿದಂತೆ ಮತ್ತಿತರ ದುಶ್ಚಟಗಳನ್ನು ನಿರ್ಮೂಲನೆ ಮಾಡುವ ನಿಟ್ಟಿನಲ್ಲಿ ಉದ್ದೇಶೀತ ಯೋಜನೆಯನ್ನು ಜಾರಿಗೊಳಿಸುವ ನಿಟ್ಟಿನಲ್ಲಿ ತಮ್ಮ ಕರ್ತವ್ಯ ನಿಭಾಯಿಸುವ ಪ್ರಾಮಾಣಿಕ ಪ್ರಯತ್ನವನ್ನು ಮಾಡಲು ಮುಂದಾಗಬೇಕು ಎಂದರು.        

  ಕಳೆದ ಅವಧಿಯಲ್ಲಿ, ಹಾನಗಲ್ಲಿನ ಕಲ್ಯಾಣ ಶೆಟ್ಟರ್ ಮತ್ತವರ ಪದಾಧಿಕಾರಿಗಳು ಅತ್ಯುತ್ತಮ ಕಾರ್ಯವೇಶಗಿ, ತಮ್ಮ ಸಾಧನೆ ಮೆರೆದಿದ್ದಾರೆ.  ಅದೇ ಮಾದರಿಯಲ್ಲಿ ಈ ಬಾರಿ ಸರ್ವಾನುಮತದಿಂದ ನೇಮಕಗೊಂಡಿರುವ  ಮೇಡ್ಲೆರಿಯ, ಬಸವರಾಜ ಹುಲ್ಲತ್ತಿ, ಉಪಾಧ್ಯಕ್ಷ ಬ್ಯಾಡಗಿಯ ನಾಗರಾಜ್ ಆನ್ವೇರಿ, ಹಿರೇಕೆರೂರಿನ ಮಂಜುನಾಥ್ ಎಳೇಹೂಳೆ, ಉಪಾಧ್ಯಕ್ಷ  ಭಾರತಿ ಕುಲಕರ್ಣಿ, ಹಾವೇರಿಯ ಮಂಜುನಾಥ ಸೀತಾಳದ, ಮತ್ತು ಇತರರು ಉಪಸ್ಥಿತರಿದ್ದರು.  

 ಈ ಸಂದರ್ಭದಲ್ಲಿ, ಜಿಲ್ಲೆಯ ವಿವಿಧ ತಾಲೂಕುಗಳ ಯೋಜನಾಧಿಕಾರಿಗಳಾದ  ಮಂಜುನಾಥಗೌಡ ಎಂ, ಮೊದಲಾದವರು ಉಪಸ್ಥಿತರಿದ್ದರು. ನೂತನ ಅಧ್ಯಕ್ಷ ಪದಾಧಿಕಾರಿಗಳಿಗೆ ಕಲ್ಯಾಣ ಶೆಟ್ಟರ್ ಅವರು, ನೂತನ ಅಧ್ಯಕ್ಷ ಬಸವರಾಜ ಹುಲ್ಲತ್ತಿ ಮತ್ತವರ ತಂಡಕ್ಕೆ ತಮ್ಮ ಅಧಿಕಾರ ಹಸ್ತಾಂತರ ಮಾಡಿದರು ಶುಭ ಹಾರೈಸಿದರು.