ಬೆಳಗಾವಿ 23: ಭಾರತೀಯ ಕಲೆ ಮತ್ತು ಸಂಸ್ಕೃತಿಗೆ ಸಮರ್ಪಿತ ಸಂಸ್ಕಾರ ಭಾರತೀಯ ಬೆಳಗಾವಿ ಶಾಖೆ ಆಯೋಜಿಸಿದ್ದ ಗಾಯಕರಾದ ವಿನಾಯಕ್ ಮೋರೆ ಮತ್ತು ಗಾಯಕಿ ಅಕ್ಷತಾ ಮೋರೆ ಅವರಿಂದ ವಿಶೇಷ ಸ್ವರಾಂಜಲಿ ಸುಗಮ ಸಂಗೀತ ಕಾರ್ಯಕ್ರಮ ಐಎಂಇಆರ್ ಸಭಾಂಗಣದಲ್ಲಿ ಆಯೋಜಿಸಲಾಗಿತ್ತು.  

ವಿವಿಧ ಭಾವ-ಭಕ್ತಿ ಹಾಗೂ ದೇಶಭಕ್ತಿ ಗೀತೆಗಳನ್ನು ಹಾಡುವ ಮೂಲಕ ಎಲ್ಲರನ್ನೂ ಮಂತ್ರಮುಗ್ಧಗೊಳಿಸಲಾಯಿತು. ಸ್ವರಾ ಮತ್ತು ಶ್ರೀಶಾ ಮೋರೆ ಅವರ ಹಾಡುಗಳು ಪ್ರೇಕ್ಷಕರ ಹೃದಯ ಗೆದ್ದವು. ಅವರಿಗೆ ತಬಲಾದಲ್ಲಿ ನಾರಾಯಣ್ ಗಣಾಚಾರಿ ಮತ್ತು ಆಕ್ಟೋಪ್ಯಾಡ್‌ನಲ್ಲಿ ಸ್ನೇಹಲ ಜಾಧವ ಉತ್ಕೃಷ್ಟ ಸಾಥ್ ನೀಡಿದರು. ವಿನಾಯಕ ಮೋರೆ ಮತ್ತು ಅಕ್ಷತಾ ಮೋರೆ ಅವರನ್ನು ನೀತಾ ದೇಶಪಾಂಡೆ ಮತ್ತು ಪ್ರಸಾದ ಪಂಡಿತ ಸನ್ಮಾನಿಸಿದರು.  

ಸಂಸ್ಕಾರ ಭಾರತಿ ಬೆಳಗಾವಿ ಶಾಖೆಯ ಅಧ್ಯಕ್ಷೆ ಡಾ. ನೀತಾ ದೇಶಪಾಂಡೆ ಸ್ವಾಗತ ಹಾಗೂ ಪ್ರಾಸ್ತಾವಿಕ ಮಾತನಾಡಿದರು. ದೀಪ ಬೆಳಗಿಸಿದ ನಂತರ ಭಾರತ ಮಾತೆ ಮತ್ತು ನಟರಾಜ್ ಅವರನ್ನು ಪೂಜಿಸಲಾಯಿತು. ಪೂಜಾ ನಾಗ್ಲಿಕರ ಅವರ ಶಿಷ್ಯರು ಸ್ವಾಗತ ನೃತ್ಯ ಪ್ರದರ್ಶಿಸಿದರು. ಪ್ರಾಂತ ಸಂಯೋಜಕ ಮಾರುತಿ ಹುಟಗಿ ಸಂಸ್ಕಾರ ಭಾರತಿಯ ಪರಿಕಲ್ಪನೆಯನ್ನು ವಿವರಿಸಿದರು. ಮುಖ್ಯ ಅತಿಥಿಗಳಾಗಿ ಪಂ. ನಂದನ್ ಹೆರ್ಲೇಕರ ಮತ್ತು ಪ್ರಸಾದ ಪಂಡಿತ ಉಪಸ್ಥಿತರಿದ್ದರು.  

 ಅವರನ್ನು ಸನ್ಮಾನಿಸಲಾಯಿತು. ಕಿಶೋರ ಕಾಕಡೆ ನಿರ್ವಹಿಸಿದರು ಮತ್ತು ಅಂತಿಮವಾಗಿ ವಂದಿಸಿದರು. ಅನೇಕ ಗಣ್ಯರು ಮತ್ತು ಶಾಖೆಯ ಸದಸ್ಯರು ಉಪಸ್ಥಿತರಿದ್ದರು.