ಹುಬ್ಬಳ್ಳಿ 31:  ನವಕಾರ ನವಯುವಕ ಮಂಡಲ, ಹುಬ್ಬಳ್ಳಿಯವರು ಸಮಾಜಸೇವೆಯ ಕ್ಷೇತ್ರದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡ ಭಾರತ ಜೈನ್ ಮಹಾಮಂಡಲದ ಅಧ್ಯಕ್ಷರಾದ ಸುಭಾಷ್ ಡಂಕ್ ಅವರನ್ನು ಶಾಲು ಹಾಗೂ ಸ್ಮರಣಿಕೆ  ನೀಡಿ ಸನ್ಮಾನಿಸಿದರು. ಮಂಡಲದ ಅಧ್ಯಕ್ಷರಾದ ಗೌರವ್ ಬಡೋಲಾ ಮಾತನಾಡಿ, ಸುಭಾಷ್ ಡಂಕ್‌ಶಿಕ್ಷಣ, ಆರೋಗ್ಯ, ಸಮಾಜಸೇವೆ ಹಾಗೂ ಯುವ ಚಟುವಟಿಕೆಗಳ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿದ್ದು ಅವರ ಕೊಡುಗೆ ಅತ್ಯಂತ ಪ್ರೇರಣಾದಾಯಕವಾಗಿದೆ ಎಂದರು. ಈ ಸಂದರ್ಭದಲ್ಲಿ ಮಹಾವೀರ ಡಂಕ್, ಬಿಜೆಪಿ ಮುಖಂಡ ಅಭಿಷೇಕ್ ಮೆಹತಾ ಸೇರಿದಂತೆ ಇತರ ಪದಾಧಿಕಾರಿಗಳು ಹಾಗೂ ಸದಸ್ಯರು ಉಪಸ್ಥಿತರಿದ್ದರು. ಈ ಆತ್ಮೀಯ ಗೌರವಕ್ಕೆ ಸುಭಾಷ್ ಡಂಕ್ ಅವರು ನವಕಾರ ನವಯುವಕ ಮಂಡಲದ ಎಲ್ಲಾ ಪದಾಧಿಕಾರಿಗಳು ಹಾಗೂ ಸದಸ್ಯರಿಗೆ ಕೃತಜ್ಞತೆ ಸಲ್ಲಿಸಿದರು.