ಲೋಕದರ್ಶನ ವರದಿ 

    ಹಾನಗಲ್  11: ಮಹತ್ವಾಕಾಂಕ್ಷೆಯ ಮನರೇಗಾ ಯೋಜನೆಯ ಸ್ವರೂಪ ಬದಲಿಸಿ ಕೇಂದ್ರ ಸರ್ಕಾರ ರಾಜ್ಯದ 50 ಲಕ್ಷ ಗ್ರಾಮೀಣರ ಉದ್ಯೋಗಕ್ಕೆ ಕಂಟಕ ತಂದಿದೆ. ಹೊಸ ಸ್ವರೂಪದ ಮಾರ್ಗಸೂಚಿ ಇಲ್ಲದೇ ಆತಂಕದ ಕಾರ್ಮೋಡ ಆವರಿಸಿದೆ ಎಂದು ಶಾಸಕ ಶ್ರೀನಿವಾಸ ಮಾನೆ ಆತಂಕ ವ್ಯಕ್ತಪಡಿಸಿದರು. 

   ತಾಲೂಕಿನ ಡೊಮ್ಮನಾಳ ಗ್ರಾಮದಲ್ಲಿ   10 ಲಕ್ಷ ವೆಚ್ಚದಲ್ಲಿ ನಾನಾ ಅಭಿವೃದ್ಧಿ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇರಿಸಿದ ಅವರು ಹೊಸ ಸ್ವರೂಪದ ಯೋಜನೆ ಕುರಿತಂತೆ ಕೇಂದ್ರ ಸರ್ಕಾರ ಇದುವರೆಗೂ ರಾಜ್ಯ ಸರ್ಕಾರಗಳಿಗೆ ಮಾರ್ಗಸೂಚಿ ಕಳುಹಿಸಿಲ್ಲ.

    ಹಾಗಾಗಿ ಯಾವುದೇ ಸ್ಪಷ್ಟತೆ ಇಲ್ಲದಂತಾಗಿದೆ. ಮನರೇಗಾದಡಿ ಬೇಸಿಗೆ ಅವಧಿಯಲ್ಲಿ ಕಾರ್ಮಿಕರಿಗೆ ಹೆಚ್ಚು ಉದ್ಯೋಗಾವಕಾಶ ಲಭಿಸುತ್ತಿತ್ತು. ಆದರೀಗ ಕಾರ್ಮಿಕರು ಉದ್ಯೋಗ ಇಲ್ಲದೇ ತೊಂದರೆಗೀಡಾಗಿದ್ದಾರೆ. ಗ್ರಾಮೀಣಾಭಿವೃದ್ಧಿಯ ಸಂಕಲ್ಪವೂ ಕೇಂದ್ರ ಸರ್ಕಾರದ ನಿರ್ಧಾರದಿಂದ ಈಡೇರದಂತಾಗಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು. 

   ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಂಜು ಗೊರಣ್ಣನವರ, ಕೆಪಿಸಿಸಿ ಸದಸ್ಯ ಟಾಕನಗೌಡ ಪಾಟೀಲ, ಮುಖಂಡರಾದ ಪ್ರಕಾಶ ಈಳಿಗೇರ, ಅಕ್ಬರಸಾಬ ದೊಡ್ಡಮನಿ, ಪ್ರವೀಣ ಹರಿಜನ, ಮಕ್ಬೂಲಸಾಬ ದೊಡ್ಡಮನಿ, ಜಗದೀಶಗೌಡ ಪಾಟೀಲ, ಚಮನಸಾಬ ಮುಲ್ಲಾ, ನಾಗಪ್ಪ ಚಲವಾದಿ, ರಾಮಪ್ಪ ಹರಿಜನ, ಸೋಮು ಕಾಳೇರ ಸೇರಿದಂತೆ ಇನ್ನೂ ಹಲವರು ಇದ್ದರು.