ಲೋಕದರ್ಶನ ವರದಿ 

      ಹಾನಗಲ್  28:  ಇಲ್ಲಿನ ರಾಮದೇವರ ದೇವಸ್ಥಾನದಲ್ಲಿ ಶ್ರೀರಾಮ ನವಮಿ ಅಂಗವಾಗಿ ನಡೆದ ತೊಟ್ಟಿಲೋತ್ಸವದಲ್ಲಿ ಶಾಸಕ ಶ್ರೀನಿವಾಸ ಮಾನೆ ಭಾಗವಹಿಸಿದರು. ದೇವಸ್ಥಾನದಲ್ಲಿ ಬೆಳಗ್ಗೆಯಿಂದಲೇ ವಿಶೇಷ ಪೂಜೆ, ಹೋಮ, ಹವನಗಳು ನಡೆದವು. ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ದರ್ಶನ ಪಡೆದರು. ಶ್ರೀರಾಮನ ಮೂರ್ತಿಯನ್ನು ಹೂವುಗಳಿಂದ ವಿಶೇಷವಾಗಿ ಅಲಂಕರಿಸಲಾಗಿತ್ತು.  

     ಈ ವೇಳೆ ಶಾಸಕ ಮಾನೆ, ಶ್ರೀರಾಮನು ಸತ್ಯ, ಧರ್ಮ ಮತ್ತು ನೀತಿಯ ಪ್ರತೀಕ. ಇಂದಿನ ಯುವ ಜನತೆ ಶ್ರೀರಾಮನ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕಿದೆ. ಸಮಾಜದಲ್ಲಿ ಶಾಂತಿ, ಸೌಹಾರ್ದತೆ ಹಾಗೂ ಒಗ್ಗಟ್ಟು ಬೆಳೆಸುವಲ್ಲಿ ಶ್ರೀರಾಮ ನವಮಿಯ ಮಹತ್ವ ಅಪಾರವಾಗಿದೆ ಎಂದು ತಿಳಿಸಿದರು. 

    ಪ್ರಮುಖರಾದ ರವಿ ದೇಶಪಾಂಡೆ, ಘನಶಾಮ ದೇಶಪಾಂಡೆ, ಆದರ್ಶ ಶೆಟ್ಟಿ, ವಿದ್ಯಾಶಂಕರ ದೇಶಪಾಂಡೆ, ಪ್ರಮೋದ ದೇಸಾಯಿ, ಭಾಸ್ಕರ್ ಸೋಹನೆ, ವಿನಯ ಬಂಕನಾಳ, ಈರಣ್ಣ ಕಳಸದ, ಗಾಯಿತ್ರಿ ದೇಸಾಯಿ ಸೇರಿದಂತೆ ಇನ್ನಿತರರು ಇದ್ದರು.