ಲೋಕದರ್ಶನ ವರದಿ 

ಶಿಗ್ಗಾವಿ 27 : ಶ್ರೀಸಾಯಿ ಮಂದಿರದಲ್ಲಿ ಶ್ರೀರಾಮನವಮಿ ನಿಮಿತ್ಯ ಶ್ರೀರಾಮ, ಸಾಯಿಬಾಬಾ ಮೂರ್ತಿಗಳಿಗೆ ವಿಶೇಷವಾದ ಫಲ ಪುಷ್ಪಗಳ ಅಲಂಕಾರದೊಂದಿಗೆ ಪೂಜೆ ಸಲ್ಲಿಸಿ ಶ್ರೀಸಾಯಿ ಬಾಬಾ ಮೂರ್ತಿಗೆ ರುದ್ರಾಭಿಷೇಕ ಸೇರಿದಂತೆ ವಿವಿಧ ಅಭಿಷೇಕ ಮಾಡಲಾಯಿತು. ಮಧ್ಯಾಹ್ನ ಶ್ರೀರಾಮನ ಮೂರ್ತಿಯನ್ನು ತೊಟ್ಟಿಲಲ್ಲಿ ಹಾಕಿ ವಿಶೇಷ ಪೂಜೆಗಳೊಂದಿಗೆ ತೊಟ್ಟಿಲೋತ್ಸವ ಸಾಯಿ ನಗರದಲ್ಲಿ ನೇರವೇರಿಸಲಾಯಿತು. ನಂತರ ಮುತ್ತೈದೆಯರಿಗೆ ಉಡಿ ತುಂಬುವ ಮೂಲಕ ಭಕ್ತಾದಿಗಳಿಗೆ ಪ್ರಸಾದ ವ್ಯವಸ್ಥೆಯನ್ನು ಮಾಡಲಾಯಿತು.  ಈ ಸಂದರ್ಭದಲ್ಲಿ ಶಶಿಧರ್ ಸುರಗಿಮಠ, ಬಸವರಾಜ ಹೆಸರೂರ, ವಿಶ್ವನಾಥ್ ವಾಲಿ ಶೆಟ್ಟರ್, ವಿ ಎಸ್ ಪಾಟೀಲ್‌. ಮಂಜುನಾಥ್ ಬಾಣದ, ನಾಗಯ್ಯ ಹಿರೇಮಠ, ಉಮೇಶ್ ಗೌಳಿ, ಕಲ್ಲಪ್ಪ ಹೆಸರೂರ, ತೋಟಯ್ಯ ಕುಂಬಾರಗೆರಿಮಠ, ಗುರುನಾಥ ಅಣ್ಣಿಗೇರಿ,ನವೀನ್ ಸಾಸನೂರ್, ವಿಶ್ವನಾಥ ಗಾಣಿಗೇರ್, ಪ್ರಸಾದ್ ಹಿರೇಮಠ ಸೇರಿದಂತೆ ನೂರಾರು ಭಕ್ತಾಧಿಗಳು ಉಪಸ್ಥಿತರಿದ್ದರು.