ಕೊಪ್ಪಳ 19: ಶ್ರೀ ಗವಿಸಿದ್ಧೇಶ್ವರ ಜಾತ್ರಾಮಹೋತ್ಸವ 2026ರ ಪ್ರಯುಕ್ತ ಶ್ರೀಮಠದ ಆವರಣದಲ್ಲಿ ಜಾತ್ರೆಗೆ ಸಂಬಂಧಿಸಿದ ಸಿದ್ಧತೆಗಳು ಭರದಿಂದ ಸಾಗಿವೆ.  ಮಠದ ಮಹಾರಥೋತ್ಸವದ  ದಿನಗಣನೆ ಆರಂಭವಾಗಿದ್ದು ಜಾತ್ರಾ ಮೈದಾನ ಹಾಗೂ ಜಾತ್ರಾ ಆವರಣದ ಸ್ವಚ್ಛತೆ ಕಾರ್ಯಗಳನ್ನು ಹಮ್ಮಿಕೊಂಡಿದ್ದು, ಪ್ರತಿ ವರ್ಷದಂತೆ ಈ ವರ್ಷವು ಜಾತ್ರೆಗೆ ಆಗಮಿಸುವ ಲಕ್ಷಾಂತರ ಭಕ್ತರಿಗಾಗಿ ಮಹಾರಥೋತ್ಸವದ ವಿಶಾಲವಾದ ಮೈದಾನವನ್ನು ಸ್ವಚ್ಛಗೊಳಿಸಲಾಗುತ್ತಿದೆ. ಮಠದ ಮಹಾರಥೋತ್ಸವದ ಮೈದಾನ, ಹಾಗೂ ಜಾತ್ರಾ ಆವರಣದಲ್ಲಿ ಭಕ್ತರ ಅನೂಕೂಲಕ್ಕಾಗಿ ಹಾಗೂ  ಸೌಂದರ್ಯಗೂಳಿಸುವ ವಿದ್ಯುತ್ ದೀಪಗಳ ಸೌಂದರೀಕರಣ ಸಿದ್ಧತಾ ಕಾರ್ಯ ಭರದಿಂದ ಸಾಗುತ್ತಿದೆ. ಜಾತ್ರಾ ಆವರಣ ವಿದ್ಯುತ್ ದೀಪಗಳು ಜಾತ್ರೆ ಆಕರ್ಷಣೆ ಮತ್ತು ಮೆರಗು ಹೆಚ್ಚಿಸುತ್ತವೆ.