ನೇಸರಗಿ.ಮಾ. 13: .ಇಲ್ಲಿಗೆ ಸಮೀಪದ ಮದನಭಾವಿ ಗ್ರಾಮದ ಸುಕ್ಷೇತ್ರ ಶ್ರೀ ಚನ್ನವೃಷಬೇಂದ್ರ ದೇವರಕೊಂಡ ಅಜ್ಜನವರ ಲೀಲಾಮಠದ ಜಾತ್ರಾ ಮಹೋತ್ಸವ ಹಾಗೂ ಮಾತೋಶ್ರೀ ನೀಲಗಂಗಮ್ಮ ನವರ 58 ನೇ ಪುಣ್ಯರಾಧನೆಯು  ರವಿವಾರ ದಿ. 16ರಿಂದ 18ರವರೆ ನಡೆಯಲಿದೆ.  

ದಿ 16 ರಂದು ಹಾರುಗೊಪ್ಪ ಶ್ರೀ   ಶಿವಪ್ಪ ಅಜ್ಜನವರಿಂದ ಕರ್ತುಗದ್ದುಗೆಗೆ ರುದ್ರಾಭಿಷೇಕ, ಕಳಸಾರೋಹಣ, ಸಂಜೆ ಪ್ರವಚನ, ಕೀರ್ತನೆ, ಶ್ರೀಗಳ ಕೀರೀಟ ಪೂಜೆ, ಮಹಾಪ್ರಸಾದ ನಡೆಯುವದು. ದಿ. 17 ರಂದು ರಾತ್ರಿ ಪ್ರವಚನ, ಕೀರ್ತನೆ, ಮಹಾಪ್ರಸಾದ ನೆರವೇರುವವು. ದಿ. 18 ರಂದು ಬೆಳಿಗ್ಗೆ 8 ಕ್ಕೆ ಶಿವಪಂಚಾಕ್ಷರಿ ಜಪಯಜ್ಞ, ಮದ್ಯಾಹ್ನ 11-30 ಕ್ಕೆ ಸಾಮೂಹಿಕ ವಿವಾಹ,ಮಹಾಪ್ರಸಾದ, ಸಂಜೆ 5 ಕ್ಕೆ ಅಜ್ಜನವರ ಮಹಾರಾಥೋತ್ಸವ  ಜರುಗಲಿದೆ.  

ದಿ. 18 ರಂದು ಸಂಜೆ 6 ಘಂಟೆಗೆ ಮಧನಭಾವಿಯ  ಶ್ರೀ ಮಹಾಂತೇಶ ದೊಡ್ಡಗೌಡರ ಅಭಿಮಾನಿ ಬಳಗದ ವತಿಯಿಂದ  ಹೊನಲು ಬೆಳಕಿನ ವಾಲಿಬಾಲ್ ಪಂದ್ಯಾವಳಿ ನಡೆಯುತ್ತವೆ. ಈ ಜಾತ್ರಾ ಮಹೋತ್ಸವದ ದಿವ್ಯ ಸಾನಿಧ್ಯವನ್ನು ಇಂಚಲ ಸಾಧು ಸಂಸ್ಥಾನ ಮಠದ ಡಾ. ಶ್ರೀ ಶಿವಾನಂದ ಭಾರತಿ ಮಹಾಸ್ವಾಮಿಗಳು ವಹಿಸುವರು. ಸಾನಿಧ್ಯವನ್ನು ಶ್ರೀ ಮಠದ ಪ ಪೂ. ಮಾತೋಶ್ರೀ ಶಿವದೇವಿ ತಾಯಿ ( ಆನಂದ ಭಾರತಿ ) ವಹಿಸುವರು. ಇ 

ಾತ್ರಾ ಮಹೋತ್ಸವದ ಜ್ಞಾನದಾಸೋಹದಲ್ಲಿ  ಬೈಲಹೊಂಗಲದ  ಮಹಾದೇವ ಸರಸ್ವತಿ ಶ್ರೀಗಳು, ಇಂಚಲದ ಪೂರ್ನಾನಂದ ಭಾರತಿ  ಶ್ರೀಗಳು, ತೊಂಡಿಕಟ್ಟಿಯ ಅಭಿನವ ವೆಂಕಟೇಶ ಶ್ರೀಗಳು, ಸವಟಗಿಯ ಲಿಂಗಯ್ಯ ಶ್ರೀಗಳು, ಹಾರುಗೊಪ್ಪದ  ಮಾತೋಶ್ರೀ ಶಿವಯೋಗಿಣಿ ತಾಯಿ, ಧತ್ತವಾಡದ ಹೃಶಿಕಾನಂದ ಶ್ರೀಗಳು, ನೇಸರಗಿ ಮಲ್ಲಾಪೂರ ಗಾಳೇಶ್ವರ ಮಠದ ಚಿದಾನಂದ ಶ್ರೀಗಳು, ಮುರಕಿಭಾವಿಯ ಮಾತೋಶ್ರೀ ಪರಮೇಶ್ವರಿ ಅಮ್ಮನವರು, ಹಡಗಿನಹಾಳದ ಮಲ್ಲೇಶ್ವರ ಶರಣರು   3 ದಿನಗಳ ಪ್ರವಚನ ಕೀರ್ತನೆ, ಜಾತ್ರಾ  ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಮಠದ ಜಾತ್ರಾ ಕಮಿಟಿ ಸದಸ್ಯರು ತಿಳಿಸಿದ್ದಾರೆ.