ಮುಂಬೈ, ಜುಲೈ 5: ಭಾನುವಾರ ಮಧ್ಯಾಹ್ನ ಮುಂಬೈ ನಗರದಲ್ಲಿ ಸುರಿದ ಭಾರಿ ಮಳೆಯ ನಡುವೆಯಲ್ಲಿ ಕುರ್ಲಾ ಪಶ್ಚಿಮ ಭಾಗದಲ್ಲಿ ಮರ ಬಿದ್ದು ಅಂಗಡಿಗೆ ಬಡಿದ ಪರಿಣಾಮ 63 ವರ್ಷದ ಹಿರಿಯ ನಾಗರಿಕರು ಸಾವಿಗೀಡಾದರು.

ಸಿವಿಕ್ ಅಧಿಕಾರಿಗಳ ಪ್ರಕಾರ, ಈ ಘಟನೆ ಮಧ್ಯಾಹ್ನ ಸುಮಾರು 12:40ಕ್ಕೆ ನೌಪಾಡಾ ಪ್ರದೇಶದಲ್ಲಿ, ಹಿಂದಿ ಬಿಎಂಸಿ ಶಾಲೆ ಸಮೀಪದ ಗಾಮ್ಸ್ ಗೌನ್ ಬಿಲ್ಡಿಂಗ್, ಕಾಮಾನಿ ಪ್ರದೇಶದಲ್ಲಿ ಸಂಭವಿಸಿದೆ. ಮೃತರನ್ನು ಯೂನಸ್ ಕುಂದಾವಾಲಾ ಎಂದು ಗುರುತಿಸಲಾಗಿದೆ. ಗಂಭೀರವಾಗಿ ಗಾಯಗೊಂಡ ಅವರನ್ನು ಫೌಜಿಯಾ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಆದರೆ ವೈದ್ಯರು ಅವರನ್ನು ಮೃತಪಟ್ಟಿದ್ದಾರೆ ಎಂದು ಘೋಷಿಸಿದರು.

ಸ್ಥಳೀಯ ಕಾರ್ಪೊರೇಟರ್ ಅವರ ಪಿಎ ಶ್ರೀ ರೋಷನ್ ಶಿಂಧೆ ಅವರು ಘಟನೆ ಬಗ್ಗೆ ಮಾಹಿತಿ ನೀಡಿದರು. ಮಾಹಿತಿ ದೊರಕುತ್ತಿದ್ದಂತೆ ಮುಂಬೈ ಅಗ್ನಿಶಾಮಕ ದಳ, ಪೊಲೀಸ್ ಇಲಾಖೆ, BEST ಸಿಬ್ಬಂದಿ ಹಾಗೂ ವಾರ್ಡ್ ಸಿಬ್ಬಂದಿಯನ್ನು ಸ್ಥಳಕ್ಕೆ ಕಳುಹಿಸಲಾಯಿತು.

ಸ್ಥಳದಲ್ಲಿ ರಕ್ಷಣಾ ಹಾಗೂ ತೆರವು ಕಾರ್ಯಾಚರಣೆ ನಡೆಸಲಾಯಿತು.

ಶನಿವಾರದಿಂದ ಮುಂಬೈ ನಗರದಲ್ಲಿ ನಿರಂತರವಾಗಿ ಭಾರಿ ಮಳೆ ಸುರಿಯುತ್ತಿದ್ದು, ಹಲವು ಪ್ರದೇಶಗಳಲ್ಲಿ ಮರಗಳು ಬಿದ್ದು ಹಾಗೂ ನೀರು ನಿಂತಿರುವ ಘಟನೆಗಳು ವರದಿಯಾಗುತ್ತಿವೆ.