ಕ್ರೀಡಾಕೂಟ: ಕ್ಷೇತ್ರ ಶಿಕ್ಷಣಾಧಿಕಾರಿ ಬಸನ್ನವರ ಉದ್ಘಾಟನೆ 

ಜಮಖಂಡಿ 11: ಜಮಖಂಡಿ ಹಾಗೂ ಸಾವಳಗಿ ಹೋಬಳಿ ಮಟ್ಟದ 2025-26 ಸಾಲಿನ 14 ವಯೋಮಿತಿಯೊಳಗಿನ ಶಾಲಾ ಮಕ್ಕಳ ಕ್ರೀಡಾಕೂಟವನ್ನು ಕ್ಷೇತ್ರ ಶಿಕ್ಷಣಾಧಿಕಾರಿ ಎ.ಕೆ.ಬಸನ್ನವರ ಉದ್ಘಾಟಿಸಿದರು. 

ನಗರದ ತಾಲೂಕಾ ಕ್ರೀಡಾಂಗಣದಲ್ಲಿ ನಡೆದ ಕ್ರೀಡಾಕೂಟದಲ್ಲಿ ತಾಲೂಕಿನ ವಿವಿಧ ಶಾಲೆಯ ವಿದ್ಯಾರ್ಥಿ-ವಿದ್ಯಾರ್ಥಿನಿಯರು ವಾಲಿಬಾಲ್, ಕಬ್ಬಡಿ, ಕೊಕೊ ಕ್ರೀಡಾಕೂಟಗಳಲ್ಲಿ ಭಾಗವಹಿಸಿದರು. ಶಾಲಾ ದೈಹಿಕ ಶಿಕ್ಷಕ, ಶಿಕ್ಷಕಿಯರು ತಮ್ಮ ಶಾಲಾ ಮಕ್ಕಳಿಗೆ ಆಟದ ಸ್ಪರ್ಧೆಯ ಗೆಲುವಿಗಾಗಿ ತಿಳಿ ಹೇಳಿದರು. 

ಶಿಕ್ಷಕರಾದ ಪಿ.ಬಿ.ಅಜ್ಜನ್ನವರ, ಬಾಗೇನ್ನವರ, ಮಾಹಾಲಿಂಗಪ್ಪ ಹುದ್ದಾರ, ಸುರೇಶ ಭೋಸ್ಲೆ, ಸದಾಶಿವ ಕುಂಬಾರ, ಎಸ್‌.ಡಿ.ಬೇಳಿಕಟ್ಟಿ, ಶಿಕ್ಷಕಿಯರಾದ ಎಸ್‌.ಎಮ್‌.ತೆಳಗಿನಮನಿ ಸೇರಿದಂತೆ ಅನೇಕ ಶಾಲಾ ಶಿಕ್ಷಕ, ಶಿಕ್ಷಕಿಯರು ಇದ್ದರು.