ಲೋಕದರ್ಶನ ವರದಿ 

  ಧಾರವಾಡ, ಸೆ.10: ಕ್ರೀಡೆ ವಿದ್ಯಾರ್ಥಿಗಳಲ್ಲಿ ಶಿಸ್ತು, ನಾಯಕತ್ವ ಹಾಗೂ ನಿರಂತರ ಪರಿಶ್ರಮದ ಗುಣಗಳನ್ನು ಬೆಳೆಸುವುದರ ಜೊತೆಗೆ ಅವರ ಸರ್ವಾಂಗೀಣ ಅಭಿವೃದ್ಧಿಗೆ ಸಹಕಾರಿಯಾಗಿದೆ ಎಂದು ಜನತಾ ಶಿಕ್ಷಣ ಸಮಿತಿಯ ಆಡಳಿತಾಧಿಕಾರಿ **ಅರಿಹಂತ ಪ್ರಸಾದ್** ಹೇಳಿದರು.  

ಧಾರವಾಡದ ಜೆ.ಎಸ್‌.ಎಸ್‌. ಶ್ರೀ ಮಂಜುನಾಥೇಶ್ವರ ಕಲಾ ಮತ್ತು ವಾಣಿಜ್ಯ ಕಾಲೇಜಿನಲ್ಲಿ ಗುರುವಾರ ನಡೆದ 2026-27ನೇ ಸಾಲಿನ ಧಾರವಾಡ ನಗರ ತಾಲೂಕು ಮಟ್ಟದ ಬಾಲಕ ಮತ್ತು ಬಾಲಕಿಯರ ಥ್ರೋಬಾಲ್ ಪಂದ್ಯಾವಳಿಯ ಉದ್ಘಾಟನಾ ಸಮಾರಂಭದಲ್ಲಿ ಅವರು ಮಾತನಾಡಿದರು.  

ಜನತಾ ಶಿಕ್ಷಣ ಸಮಿತಿಯ ಎಲ್ಲ ಅಂಗಸಂಸ್ಥೆಗಳಲ್ಲಿ ಪಠ್ಯ ಬೋಧನೆಯೊಂದಿಗೆ ಕ್ರೀಡೆಗೂ ವಿಶೇಷ ಪ್ರೋತ್ಸಾಹ ನೀಡಲಾಗುತ್ತಿದೆ. ಇದರ ಫಲವಾಗಿ ಜೆ.ಎಸ್‌.ಎಸ್‌. ಸಂಸ್ಥೆಗಳ ಕ್ರೀಡಾಪಟುಗಳು ರಾಜ್ಯ, ರಾಷ್ಟ್ರ ಹಾಗೂ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಸಾಧನೆ ಮಾಡುತ್ತಿದ್ದಾರೆ ಎಂದು ಅವರು ತಿಳಿಸಿದರು.  

ಮುಖ್ಯ ಅತಿಥಿಯಾಗಿದ್ದ ಧಾರವಾಡ ಜಿಲ್ಲಾ ಕ್ರೀಡಾ ಸಂಯೋಜನಾಧಿಕಾರಿ **ಶ್ರೀಕಾಂತ್ ಹುಬ್ಬಳ್ಳಿ** ಮಾತನಾಡಿ, ಜನತಾ ಶಿಕ್ಷಣ ಸಮಿತಿ ಪಂದ್ಯಾವಳಿಯನ್ನು ಅಚ್ಚುಕಟ್ಟಾಗಿ ಆಯೋಜಿಸಿದೆ. ಎಲ್ಲ ಕ್ರೀಡಾಪಟುಗಳು ಉತ್ತಮ ಪ್ರದರ್ಶನ ನೀಡಬೇಕು ಎಂದು ಶುಭ ಹಾರೈಸಿದರು.  

ಪ್ರಾಚಾರ್ಯ ಡಾ. ಬಿ.ಎನ್‌. ಭಾವಿ** ಅತಿಥಿಗಳನ್ನು ಸಸಿ ವಿತರಿಸುವ ಮೂಲಕ ಸ್ವಾಗತಿಸಿದರು.   ಪೂಜಾ ನಿರೂಪಿಸಿದರು.   ಶಿವಕುಮಾರ್ ವಂದಿಸಿದರು. ಕಾರ್ಯಕ್ರಮದಲ್ಲಿ   ತ್ರಿವೇಣಿ,   ಭೀಮಣ್ಣವರ, ಶ್ರೀ ಜಿನ್ನಪ್ಪ ಕುಂದಗೋಳ,   ರಾಹುಲ್ ಉಪಾಧ್ಯೆ,   ನಾಗರಾಜ ತೋಟಗೇರ್, ಕಾಲೇಜಿನ ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.