ವಿಜಯಪುರ 29:  ಕ್ರೀಡೆ ಮಾನವ ಜೀವನದ ಅವಿಭಾಜ್ಯ ಅಂಗ, ಕ್ರೀಡಾ ಚಟುವಟಿಕೆಗಳಿಂದ ಮನುಷ್ಯನ ದೈಹಿಕ ಹಾಗೂ ಮಾನಸಿಕ ಆರೋಗ್ಯ ವೃದ್ಧಿಸುತ್ತದೆ, ಕ್ರೀಡಾ ಚಟುವಟಿಕೆಗಳು ಸಮಸ್ಯೆಯನ್ನು ಎದುರಿಸುವ ಮನೋಭಾವವನ್ನು ವೃದ್ಧಿಸುತ್ತದೆ, ಹೀಗಾಗಿ ಕ್ರೀಡಾ ಚಟುವಟಿಕೆಗಳಲ್ಲಿ ಭಾಗವಹಿಸುವ ಮನೋಭಾವ ಬೆಳೆಸಿಕೊಳ್ಳಬೇಕು ಎಂದು ಕಾನೂನು ಮಹಾವಿದ್ಯಾಲಯದ ಅಧ್ಯಕ್ಷ ಜಹಾಂಗೀರ ಭಾಷಾ ಶಿರಸಗಿ ಅವರು ಹೇಳಿದರು. 

ಕಲಕೇರಿಯ  ಆರ್‌.ಎ. ಶಿರಸಗಿ ಮೆಮೋರಿಯಲ್ ಕಾನೂನು ಮಹಾವಿದ್ಯಾಲಯದ ನೇತೃತ್ವದಲ್ಲಿ ವಿಜಯಪುರದ ಮನಿಯಾರ್ ಕ್ರಿಕೆಟ್ ಟರ್ಫ್ನಲ್ಲಿ ಆಯೋಜಿಸಲಾಗಿದ್ದ ಕ್ರಿಕೆಟ್ ಪಂದ್ಯಾವಳಿಗೆ ಚಾಲನೆ ನೀಡಿ ಅವರು ಮಾತನಾಡಿದರು. 

ಇಂದು ಕ್ರೀಡಾಪಟುಗಳಿಗೆ ಪ್ರೋತ್ಸಾಹ ನೀಡುವ ಕಾರ್ಯ ಪರಿಣಾಮಕಾರಿಯಾಗಿ ನಡೆಯಬೇಕಿದೆ, ಕ್ರೀಡಾಪ್ರತಿಭೆಗಳನ್ನು ಗುರುತಿಸುವ ಕಾರ್ಯ ನಡೆಯಬೇಕಿದೆ, ಹೀಗಾಗಿ ಕ್ರೀಡಾ ಪ್ರತಿಭೆಗಳನ್ನು ಪ್ರಕಾಶಿಸುವ ದೃಷ್ಟಿಯಿಂದ ಈ ಟೂರ್ನಾಮೆಂಟ್ ಆಯೋಜಿಸಲಾಗಿದೆ ಎಂದು ವಿವರಿಸಿದರು.  

ಪ್ರಾಚಾರ್ಯ ಸನಾ ತೆವರಮನಿ ಮಾತನಾಡಿದರು. 

ವಿವಿಧ ತಂಡಗಳಿಗೆ ವಿವಿಧ ಬಣ್ಣಗಳ ಹೆಸರುಗಳನ್ನು ನೀಡಲಾಗಿತ್ತು. ಹಲವಾರು ತಂಡಗಳು ಉತ್ಸಾಹದಿಂದ ಭಾಗವಹಿಸಿದ್ದವು.  

ವಿವಿಧ ತಂಡಗಳ ನಾಯಕರಾದ ಆಕೀಬ್ ಆಲಮೇಲಕರ, ಅಸದ್ ಶೇಖ್, ಸಮೀರ್ ಕುಂಟೋಜಿ, ಆರೀಪ್ ಅಂಜುಟಗಿ, ಜಾಫರ್ ಅಬ್ಬಾಸ ಕಲಕೇರಿ, ಫರಹಾನ್ ಮೊದಲಾದವರು ಪಾಲ್ಗೊಂಡಿದ್ದರು.