ರಾಯಬಾಗ 24: ಹೈದರಾಬಾದಿನಲ್ಲಿ ನ.15 ರಿಂದ 18 ರವರೆಗೆ ನಡೆದ 25ನೇ ರಾಷ್ಟ್ರೀಯ ಪ್ಯಾರಾ ಈಜು ಸ್ಪರ್ಧೆಯಲ್ಲಿ ಬೆಳಗಾವಿ ಮಾಹೇಶ್ವರಿ ಪ್ರೌಢ ಶಾಲೆಯ ವಿದ್ಯಾರ್ಥಿಗಳಾದ ರಾಯಬಾಗ ತಾಲೂಕಿನ ಮೊರಬ ಗ್ರಾಮದ ಸೋನಮ ಮಲ್ಲು ಪಾಟೀಲ ಹಾಗೂ ಸಾಕ್ಷಿ ಮಲ್ಲು ಪಾಟೀಲ ಸಹೋದರಿಯರು ಚಿನ್ನದ ಪದಕ ಪಡೆದು ನಾಡಿಗೆ ಕೀರ್ತಿ ತಂದಿದ್ದಾರೆ. 

ಸೋನಮ ಪಾಟೀಲ ಇವಳು ಜೂನಿಯರ್ ವಿಭಾಗದ ಈಜು ಸ್ಪರ್ಧೆಯಲ್ಲಿ 50ಮೀ ಪ್ರೀಸ್ಟೈಲ್, 50ಮೀ ಬ್ಯಾಕ್ ಸ್ಟ್ರೋಕ್ ಮತ್ತು 100ಮೀ ಬ್ಯಾಕ್ ಸ್ಟ್ರೋಕ್, ಒಟ್ಟು 3 ಚಿನ್ನದ ಪದಕ ಪಡೆದಿದ್ದಾಳೆ. ಸಾಕ್ಷಿ ಪಾಟೀಲ ಇವಳು ಸಬ್ ಜೂನಿಯರ್ ವಿಭಾಗದ ಈಜು ಸ್ಪರ್ಧೆಯಲ್ಲಿ 100ಮೀ ಪ್ರೀಸ್ಟೈಲ್, 50ಮೀ ಪ್ರೀಸ್ಟೈಲ್ ಮತ್ತು 50ಮೀ ಬ್ಯಾಕ್ ಸ್ಟ್ರೋಕ್, ಒಟ್ಟು 3 ಚಿನ್ನದ ಪದಕ ಪಡೆದಿದ್ದಾಳೆ.ಈ ಇಬ್ಬರು ಸಹೋದರಿಯರು ಸತತ 3ನೇ ಬಾರಿ ರಾಷ್ಟ್ರೀಯ ಪ್ಯಾರಾ ಸ್ವಿಮ್ಮಿಂಗ್ ಚಾಂಪಿಯನಷಿಪ್ ದಲ್ಲಿ ಭಾಗವಹಿಸಿ ಚಿನ್ನದ ಪದಕ ಪಡೆದಿದ್ದಾರೆ, ಈ ಹಿಂದೆ ಗ್ವಾಲಿಯರ್ ಮತ್ತು ಗೋವಾದಲ್ಲಿ ನಡೆದ ರಾಷ್ಟ್ರೀಯ ಪ್ಯಾರಾ ಈಜು ಸ್ಪರ್ಧೆಯಲ್ಲಿ ಕೂಡ ಚಿನ್ನದ ಪದಕ ಪಡೆದಿದ್ದಾರೆ. ವೈಯಕ್ತಿಕವಾಗಿ ಇಬ್ಬರು ಸಹೋದರಿಯರು ತಲಾ 9 ಚಿನ್ನದ ಪದಕ ಪಡೆದಿದ್ದಾರೆ.