ನಾಗರಮುನ್ನೋಳಿ ಗ್ರಾಮಲ್ಲಿ ಹೆಸ್ಕಾಮ ಕಛೇರಿಗೆ ಮುತ್ತಿಗೆ ವರದಿ - ಎಂ.ಬಿ. ಘಸ್ತಿ  

ಸಂಕೇಶ್ವರ, 17 : ಚಿಕ್ಕೋಡಿ ತಾಲೂಕಿನ ನಾಗರಮುನ್ನೋಳಿ ಒಳಗೊಂಡು ಹಾಗೂ ಇನ್ನಿತರ 13 ಗ್ರಾಮಗಳು ವಿದ್ಯುಚ್ಛಕ್ತಿ ಪೂರೈಕೆ ಮಾಡುವಲ್ಲಿ ಹೆಸ್ಕಾಮ ಅಧಿಕಾರಿಗಳು ಈ ಗ್ರಾಮಗಳ ಜನತೆಗೆ ವಿದ್ಯುಚ್ಛಕ್ತಿ ಪೂರೈಸುವಲ್ಲಿ ವಿಫಲರಾಗಿದ್ದಾರೆ, ಈ ಗ್ರಾಮದ ಎಲ್ಲ ಜನತೆಯು ದೀಪಾವಳಿ ಕರಗತ್ತಲೆ ಯಲ್ಲಿಯೇ ಕಾಲ ಕಳೆದಿದ್ದಾರೆ ಇದನ್ನು ಪ್ರತಿ ಭಟಿಸಿ ಹೋರಟಗಾರರು ಕಾಂಗ್ರೆಸ್ ಸರ್ಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿ ನೂರಾರು ರೈತರಿಂದ ಕೆ.ಇ.ಬಿ.ಗೆ ಮುತ್ತಿಗೆ ಹಾಕಿ ಅಲ್ಲಿಯ ಅಧಿಕಾರಿಗಳನ್ನು ಹೊರದೂಡಿ ರೈತರು ತಮ್ಮ ಆಕ್ರೋಶವನ್ನು ಹೊರಹಾಕಿ ಸಿಂಗಲ ಫೇಸ್ ವಿದ್ಯುತನ್ನು ಬೇಗನೆ ಕೊಡಬೇಕು, ಕಾಂಗ್ರೆಸ್ ಸರ್ಕಾರದಿಂದ ಕತ್ತಲೆ ಭಾಗ್ಯ ಎಂದು ಆಕ್ರೋಶವ್ಯಕ್ತ ಪಡಿಸಿದರು, ಇದನ್ನು ಬೇಗನೆ ವಿದ್ಯುತನ್ನು ಸಮರ​‍್ಕವಾಗಿ ಪೂರೈಸದೇ ಇದ್ದಲ್ಲಿ ಚಿಕ್ಕೋಡಿ ಭಾಗದ ಹೆಸ್ಕಾಮ ಅಧಿಕಾರಿಗಳ ಕಛೇರಿಗೆ ಮುತ್ತಿಗೆ ಹಾಕಲಾಗುವುದೆಂದು ರೈತರ ಮುಖಂಡ ಪಿ.ಸಿ. ಡಬ್ಬನ್ನವರ ಇವರು ಲೋಕದರ್ಶನ ಪ್ರತಿನಿಧಿಗೆ ತಿಳಿಸಿದ್ದಾರೆ.