ತಾಲೂಕಿನಾದ್ಯಂತ ಶೀಗೆ ಹುಣ್ಣಿಮೆ ಸಂಭ್ರಮ ಸಡಗರದಿಂದ ಆಚರಣೆ  

ಮುಂಡಗೋಡ 08: ತಾಲೂಕಿನಾದ್ಯಂತ ರೈತರು ಶ್ರದ್ಧೆ ಹಾಗೂ ಸಡಗರದಿಂದ ಶೀಗೆ ಹುಣ್ಣಿಮೆ(ಭೂಮಿ ಪೂಜೆ)ಯನ್ನು ಮಂಗಳವಾರ ಆಚರಿಸಿದರು.  

ತಾಲೂಕಿನ ಹಾಗೂ ಗ್ರಾಮೀಣ ಭಾಗಗಳಲ್ಲಿ ರೈತರು ವಿವಿಧ ಬಗೆಯ ಸಿಹಿ ಜೋಳದ ಕಡುಬು ಪುಂಡಿ ಪಲ್ಯ ಸಜ್ಜಿ ಕಡುಬು ಮತ್ತು ಖಾರದ ಪದಾರ್ಥಗಳನ್ನು ತಯಾರಿಸಿ ಹೊಲಗಳಿಗೆ ಹಾಗೂ ತೋಟಗಳಿಗೆ ಚಕ್ಕಡಿ, ಟ್ಯಾಕ್ಟರ್ ಹಾಗೂ ಬೈಕ್‌ಗಳಲ್ಲಿ ತೆರಳಿದರು. ಒಂದು ಜಾಗದಲ್ಲಿ ಉಡಿ ತುಂಬೀಸೀರೆ, ಕುಪ್ಪಸ ತೊಡಿಸಿ ಪೂಜಿಸಿ ಆರಾಧಿಸಿದ ರೈತ ಕುಟುಂಬದವರು ಅಲ್ಲಿ ಪಾಂಡವರ ಮೂರ್ತಿಗಳನ್ನು ಮಾಡಿ ಅವುಗಳಿಗೆ ಪೂಜೆ ಸಲ್ಲಿಸಿ, ಸಾಮೂಹಿಕ ಭೋಜನ ಸವಿದರು.  

ರೈತರು ಚರಗ ಚೆಲ್ಲುವುದು: ತಾವು ತಯಾರಿಸಿದ ಖಾದ್ಯಗಳ ಮಿಶ್ರಣವನ್ನು ಭೂತಾಯಿಗೆ ಚರಗ ಚೆಲ್ಲುವ ಮೂಲಕ ರೈತರು ಸಂಭ್ರಮಿಸುತ್ತಾರೆ.