ಲೋಕದರ್ಶನ ವರದಿ 

        ಶಿಗ್ಗಾವಿ 24: ಮಠಗಳಲ್ಲಿನ ದಾಸೋಹ ಪರಂಪರೆಯು ಅನ್ನ ಮತ್ತು ಜ್ಞಾನ ನೀಡುವ ಶರಣರ ಸಂಸ್ಕೃತಿಯನ್ನು ಶಿಗ್ಗಾವಿ ವಿರಕ್ತಮಠದಲ್ಲಿಯೂ ಮುಂದುವರಿಸಿಕೊಂಡು ಬರಲಾಗುತ್ತಿದೆ ಎಂದು ಶಿಗ್ಗಾವಿ ವಿರಕ್ತಮಠದ ಸಂಗನಬಸವ ಮಹಾಸ್ವಾಮಿಗಳು ಹೇಳಿದರು. 

ಪಟ್ಟಣದ ವಿರಕ್ತಮಠದಲ್ಲಿ ಶರಣ ಸಂಸ್ಕೃತಿ ಉತ್ಸವ ಕಾರ್ಯಕ್ರಮ ಯಶಸ್ವಿ ಹಿನ್ನೆಲೆಯಲ್ಲಿ ಪ್ರತಿ ವರ್ಷ ಹಮ್ಮಿಕೊಳ್ಳುವ ಪ್ರಸಾದ ಸೇವೆಗೆ ಚಾಲನೆ ನೀಡಿ ಮಾತನಾಡಿದ ಶ್ರೀಗಳು, ಅನ್ನ ದಾಸೋಹವು ಬರುವ ಭಕ್ತರಿಗೆ, ನಿರಂತರ ಉಚಿತ ಆಹಾರ ಒದಗಿಸುವುದಾಗಿದೆ, ಜ್ಞಾನ ದಾಸೋಹವು ಪ್ರವಚನ, ಧಾರ್ಮಿಕ ವಿಚಾರಗಳ ಮೂಲಕ ಜ್ಞಾನಾರ್ಜನೆ ಮಾಡುವುದಾಗಿದೆ, ಮಠಗಳು, ಜನರ ಸೇವೆಗೆ ತಮ್ಮನ್ನು ಸಮರ​‍್ಿಸಿಕೊಳ್ಳಬೇಕು, ಶರಣರ ಕಾಯಕ ಸಂಸ್ಕೃತಿಯು ಈ ಪರಂಪರೆಯ ಮೂಲವಾಗಿದೆ ಎಂದರು. 

ಈ ಸಂದರ್ಭದಲ್ಲಿ ವಿರಕ್ತಮಠದ ಬಸವಲಿಂಗ ದೇವರು, ಈರಣ್ಣ ಅಂಕಲಕೋಟಿ, ಬಸಯ್ಯ ಹಿರೇಮಠ, ರವಿ ವಿರಕ್ತಮಠ, ಸಿ ಡಿ ಯತ್ನಳ್ಳಿ, ವಿಶ್ವನಾಥ ವಾಲಿಶೆಟ್ಟರ, ಯಲ್ಲಪ್ಪ ಸಾಳೋಂಕೆ, ರಾಮಣ್ಣ ಹೊಟ್ಟೂರ, ಡಾ. ಎಂ ಎಂ ತಿರ್ಲಾಪೂರ, ಶಿವಾನಂದ ಮ್ಯಾಗೇರಿ, ನಾಗಪ್ಪ ಬೆಂತೂರ ಸೇರಿದಂತೆ ಮಠದ ಭಕ್ತರು ಇದ್ದರು.