ಲೋಕದರ್ಶನ ವರದಿ 

ಬೆಳಗಾವಿ 07: ನಂದಗಡ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ನಂದಗಡ ಗ್ರಾಮದ ಭೋರಣಕಿ ಗ್ರಾಮದ ಅಪ್ರಾಪ್ತ ವಯಸ್ಸಿನ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ ಅಪರಾಧಿಗಳಿಗೆ 3 ವರ್ಷ ಕಾರಾಗೃಹ ಶಿಕ್ಷೆ ಹಾಗೂ 10 ಸಾವಿರ ರೂ. ದಂಡ ವಿಧಿಸಿ ಜಿಲ್ಲಾ ಪೋಕ್ಸೋ ನ್ಯಾಯಾಲಯ ಗುರುವಾರ ತೀರ​‍್ು ಪ್ರಕಟಿಸಿದೆ.  ಭೋರಣಕಿ ಗ್ರಾಮದ ಮೋಶಿನ ಕಾಶಿಂಸಾಬ ಸಾವಕಾರ(30) ಮತ್ತು ಇರ​‍್ಾನ ನಿಶಾರ ವಸ್ತಾದ(27) ಇವರು ಅಪರಾಧಿಗಳಾಗಿದ್ದಾರೆ.  

ಘಟನೆ ವಿವರ : ದಿ. 24/07/2024ರಂದು ಅಪರಾದಿ ಮೋಶಿನ ಕಾಶಿಂಸಾಬ ಸಾವಕಾರ ಈತನು ಸೀಮ್ ಕಾರ್ಡ ನಂಬರ 7349448320 ನೇದ್ದು ಇರುವ ಮೊಬೈಲನ್ನು ಅಪ್ರಾಪ್ತ ವಯಸ್ಸಿನ ಬಾಲಕಿಗೆ ಕೊಡು ಅಂತಾ ಅಪರಾಧಿ ಇರ​‍್ಾನ ನಿಶಾರ ವಸ್ತಾದ ಈತನ ಕಡೆಗೆ ಕೊಟ್ಟಿದ್ದು ಆತನು ಬಾಲಕಿಗೆ ಕೊಟ್ಟಿದ್ದು, ಅಪರಾದಿ ಮೋಶಿನ ಕಾಶಿಂಸಾಬ ಸಾವಕಾರ ಈತನು ಮಾತನಾಡಿ, ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ವೆಸಗಿದ ಬಗ್ಗೆ ನಂದಗಡ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿತ್ತು.  

ನಂದಗಡ ಠಾಣೆಯ ಆರ್‌.ಎಸ್‌.ಸಪಾಟೆ ಮಹಿಳಾ ಪಿಎಸ್‌.ಐ ಇವರು ತನಿಖೆ ನಡೆಸಿ, ಅಧಿಕ ಜಿಲ್ಲಾ ಹಾಗೂ ಸತ್ರ ನ್ಯಾಯಾಧೀಶರು, ಎಫ್‌.ಟಿ.ಎಸ್‌.ಸಿ-1 ಬೆಳಗಾವಿ (ಪೋಕ್ಸ್‌ ನ್ಯಾಯಾಲಯ) ಬೆಳಗಾವಿ ಇವರ ನ್ಯಾಯಾಲಯಕ್ಕೆ ದೋಷಾರೋಪಣೆ ಪಟ್ಟಿ ಸಲ್ಲಿಸಿದ್ದರು.  ವಿಚಾರಣೆ ನಡೆಸಿದ ನ್ಯಾಯಧೀಶೆ ಸಿ.ಎಂ.ಪುಷ್ಪಲತಾ ಶಿಕ್ಷೆ ವಿಧಿಸಿ ತೀರ​‍್ು ನೀಡಿದ್ದಾರೆ. ಸರಕಾರದ ಪರವಾಗಿ ಅಭಿಯೋಜಕ ಎಲ್‌.ವಿ.ಪಾಟೀಲ ವಾದ ಮಂಡಿಸಿದ್ದರು.