ಕೊಪ್ಪಳ 25:  ಶ್ರೀ ಜಗದ್ಗುರು ಗವಿಸಿದ್ದೇಶ್ವರ ಆಯುರ್ವೇದ ಮಹಾವಿದ್ಯಾಲಯದ ವಿದ್ಯಾರ್ಥಿಗಳ ತಂಡ "ಎಸ್ ಜೆ ಜಿ ಎ ಎಮ್ ಸಿ ಸುಹಾಸ" ಎಂಬ ತಂಡ ಪ್ರತಿಷ್ಟಿತ ಆರ್ ಜಿ ಇ ಎಸ್ ಆಯುರ್ವೇದ ಮಹಾವಿದ್ಯಾಲಯ ರೋಣ ಇಲ್ಲಿ ನಡೆದ  10ನೇ ರಾಷ್ಟ್ರೀಯ ಆಯುರ್ವೇದ ದಿನಾಚರಣೆ ಆಂಗವಾಗಿ ಆಯೋಜಿಸಿದ್ದ ರಾಷ್ಟ್ರಮಟ್ಟದ ವಿಡಿಯೋ ಸ್ಪರ್ಧೆಯಲ್ಲಿ ಕೇವಲ 5 ದಿನಗಳಲ್ಲಿ 26000 ಕ್ಕೂ ಅಧಿಕ ವೀಕ್ಷಕರಿಂದ ವೀಕ್ಷಣೆಗೊಳಪಟ್ಟು ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನವನ್ನು ಪಡೆದಿದ್ದಾರೆ. 

ಮಹಾವಿದ್ಯಾಲಯದ ಈ ಸಾಧನೆಯನ್ನು ಮೆಚ್ಚಿ ಸಂಸ್ಥೆಯ ಅಧ್ಯಕ್ಷರಾದ ಸಂಜಯ ಕೋತಬಾಳ ಮಾತನಾಡಿ ಈ ಸಾಧನೆ ಮಹಾವಿದ್ಯಾಲಯದ ಎಲ್ಲ ವಿದ್ಯಾರ್ಥಿಗಳಿಗೆ ಮಾಧರಿಯಾಗಲಿ ಎಂದು ತಂಡದ ಎಲ್ಲ ಸದಸ್ಯರಿಗೆ ಶುಭ ಕೋರಿದರು. ಶ್ರೀ ಜಗದ್ಗುರು ಗವಿಸಿದ್ದೇಶ್ವರ ಆಯುರ್ವೇದ ಮಹಾವಿದ್ಯಾಲಯದಲ್ಲಿ ನಡೆದ  10ನೇ ರಾಷ್ಟ್ರೀಯ ಆಯುರ್ವೇದ ದಿನಾಚರಣೆಯ ವೇದಿಕೆ ಕಾರ್ಯಕ್ರಮದಲ್ಲಿ ಪ್ರಾಚಾರ್ಯರಾದ ಡಾ ಮಹಾಂತೇಶ ಸಾಲಿಮಠ ಮಾತನಾಡುತ್ತಾ ಇದು ಮಹಾವಿದ್ಯಾಲಯಕ್ಕೆ ಮತ್ತೊಂದು ರಾಷ್ಟ್ರಮಟ್ಟದ ಸಾಧನೆಯಾಗಿದ್ದು , ಈ ಸ್ಪರ್ಧೆಯಲ್ಲಿ ಒಟ್ಟು 45 ತಂಡಗಳು ಪಾಲ್ಗೊಂಡಿದ್ದು ನಮ್ಮ ಮಹಾವಿದ್ಯಾಲದ ದ್ವಿತೀಯ ಸ್ಥಾನ ಪ್ರಥಮ ಸ್ಥಾನಕ್ಕೆ ಸಮ ಎಂದು ವಿದ್ಯಾರ್ಥಿಗಳಿಗೆ ಹಾರೈಸಿದರು.  

ತಂಡದ ಸದಸ್ಯರಾದ ಸುಹಾಸ , ಶಾಂತಕುಮಾರ , ಸಂಜನಾ , ಮತ್ತು ವೈಷ್ಣವಿ ಇವರಿಗೆ ವೇದಿಕೆಯ ಮೇಲೆ ಉಪಸ್ಥಿತರಿದ್ದ ಎಲ್ಲ ಗಣ್ಣ್ಯರು ಮೆಡಲ್ ನೀಡಿ ಸನ್ಮಾನಿಸಿದರು, ಈ ಕಾರ್ಯಕ್ರಮದಲ್ಲಿ ಉಪಪ್ರಾಚಾರ್ಯರಾದ ಡಾ ಸುರೇಶ ಹಕ್ಕಂಡಿ, ಡಾ ಕೆ ಬಿ ಹಿರೇಮಠ , ಡಾ ವೀರಯ್ಯ ಹಿರೇಮಠ, ಡಾ ಗವಿ ಪಾಟೀಲ್, ಡಾ ಸಂತೋಷ ಕುಲಕರ್ಣಿ ಉಪಸ್ಥಿತರಿದ್ದರು.