ಯಮಕನಮರಡಿ, 26 : ಸ್ಥಳೀಯ ಸರಕಾರಿ ಪದವಿ ಪೂರ್ವ ಮಹಾವಿದ್ಯಾಲಯದಲ್ಲಿ ರಾಜ್ಯಶಾಸ್ತ್ರ ವಿಭಾಗದ ವತಿಯಿಂದ  ಕಾಲೇಜು ಸಂಸತ್ ಚುನಾವಣೆ ನಡೆಸಲಾಯಿತು. ಕಾರ್ಯಕ್ರಮದಲ್ಲಿ  ರಾಜ್ಯಶಾಸ್ತ್ರ ಉಪನ್ಯಾಸಕರಾದ ಶ್ರೀಮತಿ. ಸವಿತಾ ಗುರುವ ಇವರು ಮಾತನಾಡಿ ಇಂದಿನ ಯುವಕರೇ ನಾಳಿನ ಮತದಾರರು, ರಾಷ್ಟ್ರ ನಿರ್ಮಾಣದಲ್ಲಿ ಮತದಾರರ ಪಾತ್ರ ಪ್ರಮುಖವಾಗಿದ್ದು ಇಂತಹ ಅಣುಕು ಚುನಾವಣೆಗಳು ಮಕ್ಕಳಲ್ಲಿ ಚುನಾವಣಾ ಪ್ರಕ್ರಿಯೆಗಳ ಬಗ್ಗೆ ಅರಿವು ಮೂಡಿಸುತ್ತವೆ ಎಂದು ತಿಳಿಸಿದರು. ನಂತರದಲ್ಲಿ ವಿದ್ಯಾರ್ಥಿಗಳು ಸ್ವಯಂ ಪ್ರೇರಣೆಯಿಂದ ಶಾಲಾ ಸಂಸತ್ತು ಚುನಾವಣೆಯಲ್ಲಿ ಸ್ಪರ್ಧಿಸಿದರು. ಉಳಿದ ವಿದ್ಯಾರ್ಥಿ ವಿದ್ಯಾರ್ಥಿನಿಯರು ಸರದಿ ಸಾಲಿನಲ್ಲಿ ಬಂದು ಇ.ವಿ.ಎಂ.ಯಂತ್ರದ ಮೂಲಕ ತಮ್ಮ ಮತ ಚಲಾಯಿಸಿದರು.   

ಚುನಾವಣೆ ಮುಗಿದ ನಂತರ ಫಲಿತಾಂಶದಲ್ಲಿ ಕುಮಾರಿ ಲಕ್ಷ್ಮೀ ಪಾಟೀಲ ಅತೀ ಹೆಚ್ಚು ಮತಗಳನ್ನು ಗಳಿಸಿದರೆ ನಂತರದ ಸ್ಥಾನದಲ್ಲಿ ಕುಮಾರಿ ಸೃಷ್ಟಿ ದೇಸಾಯಿ ಹಾಗೂ ಪ್ರೀತಿ ಗಸ್ತಿ ಕ್ರಮವಾಗಿ ಎರಡು ಮತ್ತು  ಮೂರನೇ ಸ್ಥಾನದಲ್ಲಿ ಆಯ್ಕೆಯಾದರು. ಚುನವಣಾ ಅಧಿಕಾರಿಗಳಾಗಿ ಉಪನ್ಯಾಸಕರುಗಳಾದ ಬಿ.ಬಿ.ಕೊಡ್ಲಿ ಎಸ್‌.ಆರ್ತಬರಿ ಸುಪ್ರಿಯಾ ಮಲಗೌಡನವರ ವಿದ್ಯಾ ಹೊಳೆಪ್ಪಗೊಳ ಎಸ್‌.ಆರ್‌.ಹುನ್ನರಗಿ ಭಾಗವಹಿಸಿ ಚುನಾವಣಾ ಕರ್ತವ್ಯ ನಿರ್ವಹಿಸಿದರು.  

ಕಾರ್ಯಕ್ರಮದ ಕೊನೆಯಲ್ಲಿ ಎಸ್‌.ಆರ್‌.ತಬರಿ ವಂದನೆಗಳನ್ನು ಸಲ್ಲಿಸಿದರು.