ರಾಣೇಬೆನ್ನೂರು 12 : ಗ್ರಾಮೀಣ ಪ್ರದೇಶದ ಮಕ್ಕಳಲ್ಲಿ ಶಿಕ್ಷಣದ ಜೊತೆಗೆ ಮಾನಸಿಕ ದೈಹಿಕ ಬೌದ್ಧಿಕ ಬೆಳವಣಿಗೆ ಇದ್ದೇ ಇರುತ್ತದೆ. ಪ್ರತಿಬೆಗಳು ಕ್ರೀಡೆಗಳಲ್ಲಿ ತಮ್ಮ ಸಾಧನೆ ನಡೆದು ಗ್ರಾಮಕ್ಕೆ, ನಗರಕ್ಕೆ, ತಾಲೂಕಿಗೆ ಮತ್ತು ಜಿಲ್ಲೆಗೆ ಹೆಸರು ತರಲು ಮುಂದಾಗಬೇಕು ಎಂದು ಅಕ್ಷರ ದಾಸೋಹ ಸಹಾಯಕ ನಿರ್ದೇಶಕ ಟಸಿ.ವಿ. ಅಡವೇರ ಹೇಳಿದರು. 

ಅವರು ತಾಲೂಕಿನ ಬಿಲ್ಲಹಳ್ಳಿ ಗ್ರಾಮದ ಶ್ರೀ ಮಾತಾರವಿಂದ ಪ್ರೌಢಶಾಲೆ ಆವರಣದಲ್ಲಿ ಹಲಗೇರಿ ಮಂಡಲದ 2025-26 ನೇ ಸಾಲಿನ ಕ್ರೀಡಾಕೂಟ ಉದ್ಘಾಟಿಸಿ ಮಾತನಾಡಿದರು. ಪ್ರತಿಭೆ ಯಾರೊಬ್ಬರ ಸ್ವತ್ತಲ್ಲ ಅದು ಎಲ್ಲರಲ್ಲೂ ಇದ್ದೇ ಇರುತ್ತದೆ. ಸ್ಪರ್ಧಾತ್ಮಕ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳುವುದರ ಮೂಲಕ ಮತ್ತಷ್ಟು ಪ್ರತಿಭೆಯನ್ನು ತಮ್ಮ ನಿತ್ಯದ ಬದುಕಿನಲ್ಲಿ ಅಳವಡಿಸಿಕೊಂಡಾಗ ಮಾತ್ರ ಸಮಾಜದಲ್ಲಿ ಸಮಾನತೆ ಕಾಣಲು ಸಾಧ್ಯವಾಗುವುದು ಎಂದರು. ಪ್ರೌಢಶಾಲೆಯ ಮುಖೋಪಾಧ್ಯಾಯ ಕ್ರೀಡೆಗಳು ಆರೋಗ್ಯ ಬದುಕಿಗೆ ತುಂಬಾ ಸಹಕಾರಿಯಾಗಿದೆ. ಕ್ರೀಡೆಗಳಲ್ಲಿ ಸೋಲು ಗೆಲುವು ಸಮಾನವಾಗಿ ಸ್ವೀಕರಿಸಬೇಕು. ಇಂದಿನ ಸೋಲು ಮುಂದೇನೆ ಗೆಲುವು ಎನ್ನುವ ತಾತ್ವಿಕ ಮನೋಭಾವ ಹೊಂದಬೇಕು ಅಂದಾಗ ಮಾತ್ರ ಭವಿಷ್ಯದಲ್ಲಿ ಪ್ರಗತಿ ಸಾಧಿಸಲು ಸಾಧ್ಯವಿದೆ ಎಂದರು. 

ಶ್ರೀ ಮಾತಾರವಿಂದ ಸಮಿತಿಯ ಆಡಳಿತ ಮಂಡಳಿ ಅಧ್ಯಕ್ಷ ಕೆ. ಬಿ. ಪೊಲೀಸಗೌಡ್ರ, ಕಾರ್ಯದರ್ಶಿ ವಿ.ಎಸ್‌. ಸೋಮಕ್ಳವರ, ಮುಖ್ಯೋಪಾಧ್ಯಾಯ ಚಂದ್ರಶೇಖರ ಅಸುಂಡಿ, ಬೆನಕನಕೊಂಡ ಪ್ರೌಢಶಾಲೆ ಮುಖ್ಯೋಪಾಧ್ಯಾಯ ಆರ್ ಮಂಜಪ್ಪ, ದೈಹಿಕ ಶಿಕ್ಷಣಾಧಿಕಾರಿ ಪ್ರಭಾಕರ ಚಿಂದಿ, ಶಿಕ್ಷಣ ಸಂಯೋಜಕ  ಆರ್‌.ಎಂ. ಗುಂಜಾಳದ, ಪ್ರೌಢಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ರಮೇಶ್ ಅಳಲಗೇರಿ, ಸ. ನೌ. ಸಂ. ನಿರ್ದೇಶಕ ಹೇಮಗಿರಿ ಕೋರಿ, ಶಿಕ್ಷಕ ಜಗದೀಶ್ ಮಳಿಮಠ, ಮಾಲತೇಶ ಹೊಸಳ್ಳಿ, ವಿವೇಕಾನಂದ ಜೆ.ಬಿ. ಮಿರ್ಜಾ ಐ. ಕೆ. ಗ್ರಾಮದ ಗಣ್ಯರು ಸಹ ಶಿಕ್ಷಕರು ಯುವಕರು ಕ್ರೀಡಾಪಟುಗಳು ಪಾಲ್ಗೊಂಡಿದ್ದರು.