ನಾಳೆ ರೋಟರಿ ಸಂಸ್ಥೆಯಿಂದ ಅನೇಕ ಸೇವಾ ಕಾರ್ಯಗಳು  

ಅಥಣಿ, 12 ; ಕಾಂಗ್ರೆಸ್ ಮುಖಂಡ, ಅಥಣಿ ರೋಟರಿ ಸಂಸ್ಥೆಯ ಸಂಸ್ಥಾಪಕ, ಸಾಮಾಜಿಕ ಕಾರ್ಯಕರ್ತ ಗಜಾನನ ಮಂಗಸೂಳಿಯವರ ಜನ್ಮ ದಿನದ ಅಂಗವಾಗಿ ರೋಟರಿ ಸಂಸ್ಥೆ, ಯೂಥ ಫೆಡರೇಶನ್ ಮತ್ತು ಜಿ.ಎಮ್‌.ಗ್ರುಪ್ ಇವರ ಸಂಯುಕ್ತಾಶ್ರಯದಲ್ಲಿ ಸೆ.13 ಮತ್ತು 14 ರಂದು ವಿವಿಧ ಸೇವಾ ಕಾರ್ಯಗಳನ್ನು ಹಮ್ಮಿಕೊಳ್ಳಲಾಗಿದೆ.    

    ಸೆ.13 ಮುಂಜಾನೆ 10 ಗಂಟೆಗೆ ತೆಲಸಂಗ ಗ್ರಾಮದ ಸರಕಾರಿ ಶಾಲೆಯಲ್ಲಿ ಉಚಿತ ದಂತ ತಪಾಸಣೆ ಶಿಬಿರ ಹಾಗೂ ಟೂತ್‌ಪೇಸ್ಟ್‌ ಮತ್ತು ಬ್ರೆಷ್ ವಿತರಿಸಲಾಗುವುದು, ಸೆ.14 ರಂದು ಮುಂಜಾನೆ 10 ಗಂಟೆಗೆ ಸ್ಥಳೀಯ ಸರಕಾರಿ ಆಸ್ಪತ್ರೆಯಲ್ಲಿ ರೋಗಿಗಳಿಗೆ ಹಣ್ಣು ವಿತರಣೆ ಹಾಗೂ ಮಧ್ಯಾಹ್ನ  3ಗಂಟೆಗೆ ಚಮಕೇರಿ ರಸ್ತೆಯ ಸುಕನ್ಯಾ ವೃದ್ಧಾಶ್ರಮದಲ್ಲಿ ಅನ್ನ ಸಂತರೆ​‍್ಣ ಹಮ್ಮಿಕೊಳ್ಳಲಾಗಿದೆ ಎಂದು ರೋಟರಿ ಸಂಸ್ಥೆಯ ಸಂಘಟನಾ ಸಮಿತಿ ಅಧ್ಯಕ್ಷ ಅರುಣ ಯಲಗುದ್ರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.