ರೆಡ್ಡಿಗಳು ವೀರಶೈವರಲ್ಲ: ಮುಖಂಡ ಪ್ರಭುಗೌಡ  

ತಾಳಿಕೋಟಿ 30: ರೆಡ್ಡಿ ಸಮಾಜದ ಜನರು ಲಿಂಗಾಯತರು ಅಲ್ಲ, ವೀರಶೈವರೂ ಅಲ್ಲ ನಾವು ಹಿಂದು ರೆಡ್ಡಿಗಳು ಆದ್ದರಿಂದ ಬರುವ ಜಾತಿಗಣತಿಯಲ್ಲಿ ಹಿಂದೂ ರೆಡ್ಡಿ ಅಂತಾ ಬರೆಯಿಸುವಂತೆ ಸಮಾಜದ ಮುಖಂಡ ಪ್ರಭುಗೌಡ ನಾಡಗೌಡ(ಶಳ್ಳಗಿ) ತಿಳಿಸಿದ್ದಾರೆ. ಈ ಕುರಿತು ಬುಧವಾರ ಪತ್ರಿಕಾ ಪ್ರಕಟಣೆ ನೀಡಿರುವ ಅವರು ರಾಷ್ಟ್ರಕೂಟರ ಕಾಲದಿಂದಲೂ ಹಾಗೂ ಅದಕ್ಕಿಂತ ಹಿಂದಿನಿಂದ ನಮ್ಮ ರೆಡ್ಡಿ ಸಮುದಾಯದ ಇತಿಹಾಸವಿದೆ. ಆದರೆ ನಮ್ಮದೇ ಸಮಾಜದ ಕೆಲವರು ಯಾವುದೋ ಆಸೆ ಆಮಿಷಕ್ಕೆ ಒಳಗಾಗಿ ಕೆಲವರು ಲಿಂಗಾಯತರು ಎಂದು ಹೇಳಿಕೊಂಡರೆ ಇನ್ನೂ ಕೆಲವರು ವೀರಶೈವರೆಂದು ಹೇಳುತ್ತಾ ಹೊರಟಿದ್ದಾರೆ, ಹಿಂದು ರೆಡ್ಡಿ ಎಂದು ಜಾತಿಗಣತಿಯಲ್ಲಿ ನಮೂದಿಸಿದರೆ ಮಾತ್ರ ನಮಗೆ "ಥರ್ಡ್‌ ಎ" ಸೌಲಭ್ಯ ಮುಂದುವರಿಯುತ್ತದೆ. ಇದನ್ನು ಬಿಟ್ಟು ಬೇರೆಯದನ್ನು ಬರೆಯಿಸಿದರೆ ಥರ್ಡ್‌ ಬಿ ಸೌಲಭ್ಯಕ್ಕೆ ಹೋಗಬೇಕಾಗುತ್ತದೆ ಈ ರೀತಿ ಆಗುವುದು ಬೇಡ ಎಂದು ಸಮಾಜ ಬಾಂಧವರಿಗೆ ಮನವಿ ಮಾಡಿಕೊಂಡಿದ್ದಾರೆ.