ಚಿಕ್ಕೋಡಿ 02: ತಾಲೂಕಿನ ಹಿರೇಕೊಡಿ ಗ್ರಾಮ ಪಂಚಾಯತಿಗೆ ಎರಡನೆ ಅವಧಿಗೆ ಅಧ್ಯಕ್ಷ ಸ್ಥಾನದ ಚುನಾವಣೆ ಬುಧವಾರ ನಡೆಯಿತು. ಅಧ್ಯಕ್ಷರಾಗಿ ರಮಾದೇವಿ ಮುಕುಂದ ಅವಿರೋಧವಾಗಿ ಆಯ್ಕೆಯಾದರು. 

30 ಸದಸ್ಯರನ್ನು ಹೊಂದಿರುವ ಹಿರೇಕೊಡಿ ಗ್ರಾಮ ಪಂಚಾಯತಿಯಲ್ಲಿ 19 ಜನ ಸದಸ್ಯರು ಒಂದು ಕಡೆಯಾದರೆ ಉಳಿದ 11 ಜನ ಮತ್ತೊಂದು ಬಣದಲ್ಲಿ ಗುರ್ತಿಸಿಕೊಂಡಿದ್ದರು. ಹೀಗಾಗಿ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಹಾವೀರ ಮೋಹಿತೆ ನೇತೃತ್ವದಲ್ಲಿ 19 ಜನ ಸದಸ್ಯರು ರಮಾದೇವಿ ಮುಕುಂದ ಅವರ ಜೊತೆ ಗುರ್ತಿಸಿಕೊಂಡಿದ್ದರಿಂದ ಅವರು ಅವಿರೋಧವಾಗಿ ಅಧ್ಯಕ್ಷರಾಗಿ ಆಯ್ಕೆಯಾದರು. 

ಬೃಹತ್ ವಿಜಯೋತ್ಸವ: ಗ್ರಾಮ ಪಂಚಾಯತಿಗೆ ನಡೆದ ಅಧ್ಯಕ್ಷರ ಆಯ್ಕೆ ಚುನಾವಣೆಯಲ್ಲಿ ಒಂದೇ ಒಂದು ನಾಮಪತ್ರ ಸಲ್ಲಿಕೆಯಾದ್ದರಿಂದ ರಮಾದೇವಿ ಆಯ್ಕೆಯಾಗುತ್ತಿದ್ದಂತೆ ಮಹಾವೀರ ಮೋಹಿತೆ ಬಣದ ಸದಸ್ಯರು ಮತ್ತು ಬೆಂಬಲಿಗರು ಗುಲಾಲ ಎರಚಿ ಪಟಾಕಿ ಸಿಡಿಸಿ ವಿಜಯೋತ್ಸವ ಆಚರಿಸಿದರು. 

ಧುರೀಣ ಗಣೇಶ ಮೋಹಿತೆ, ಶಂಕರ ಟೋಣ್ಣೆ ಸೇರಿದಂತೆ 19 ಜನ ಗ್ರಾಮ ಪಂಚಾಯತಿ ಸದಸ್ಯರು ಮತ್ತು ಕಾಂಗ್ರೆಸ್ ಕಾರ್ಯಕರ್ತರು ಉಪಸ್ಥಿತರಿದ್ದರು.