ಯಲಬುರ್ಗಾ 29:   ಪ್ರೀತಿ, ವಿಶ್ವಾಸ ಹಾಗೂ ರಕ್ಷಣೆಯ ಸಂಕೇತವಾದ ರಕ್ಷಾಬಂಧನವನ್ನು 56 ವರ್ಷಗಳ ಬಳಿಕ ಅಕ್ಕ ತನ್ನ ತಮ್ಮನ ಕೈಗೆ ರಾಖಿ ಕಟ್ಟುವ ಮೂಲಕ ಭಾವನಾತ್ಮಕವಾಗಿ ಆಚರಿಸಿದ ಅಪರೂಪದ ಘಟನೆ ಯಲಬುರ್ಗಾ ತಾಲ್ಲೂಕಿನಲ್ಲಿ ನಡೆದಿದೆ.  

ಬಾಲ್ಯದಲ್ಲಿ ಒಟ್ಟಿಗೆ ಬೆಳೆದಿದ್ದ   ಜೀವನದ ವಿವಿಧ ಕಾರಣಗಳಿಂದಾಗಿ ದೂರವಾಗಿದ್ದರು. ಹಲವು ವರ್ಷಗಳ ಬಳಿಕ ಮತ್ತೆ ಒಂದಾದ ಅವರು, ಈ ಬಾರಿ ರಕ್ಷಾಬಂಧನದಂದು ಬಾಲ್ಯದ ನೆನಪುಗಳನ್ನು ಮೆಲುಕು ಹಾಕುತ್ತಾ ಅಕ್ಕನ ಕೈಯಿಂದ ತಮ್ಮನ ಕೈಗೆ ರಾಖಿ ಕಟ್ಟಿಸಿಕೊಂಡರು.  

ಅಕ್ಕ ರಾಖಿ ಕಟ್ಟುವ ಸಂದರ್ಭದಲ್ಲಿ ತಮ್ಮ ಈಶಪ್ಪ ಸ್ಟಾಂಪಿನ್ ಅವರ ಮುಖದಲ್ಲಿ ಸಂತಸ ಹಾಗೂ ಭಾವುಕತೆ ಕಾಣಿಸಿಕೊಂಡಿತು. ಅಕ್ಕನ ಕಣ್ಣಲ್ಲೂ ಹಲವು ವರ್ಷಗಳ ಬಳಿಕ ತಮ್ಮನಿಗೆ ರಾಖಿ ಕಟ್ಟಿದ ಸಂತೃಪ್ತಿ ಮೂಡಿತು.  

“ವರ್ಷಗಳು ಕಳೆದರೂ   ಬಾಂಧವ್ಯಕ್ಕೆ ವಯಸ್ಸಿನ ಮಿತಿ ಇಲ್ಲ. 56 ವರ್ಷಗಳ ಬಳಿಕ ಅಕ್ಕ ನನ್ನ ಕೈಗೆ ರಾಖಿ ಕಟ್ಟಿರುವುದು ಜೀವನದ ಅತ್ಯಂತ ಸಂತಸದ ಕ್ಷಣ,” ಎಂದು ಈಶಪ್ಪ ಭಾವುಕರಾಗಿ ಹೇಳಿದರು.  

ಅಕ್ಕ ಶಿವಗಂಗಮ್ಮ ರೇವಣಸಿದ್ದಪ್ಪ ಪಲ್ಲೇದ ಮಾತನಾಡಿ, “ತಮ್ಮನ ಕೈಗೆ ರಾಖಿ ಕಟ್ಟಬೇಕೆಂಬ ಆಸೆ ಮನಸ್ಸಿನಲ್ಲಿತ್ತು. ಇಷ್ಟು ವರ್ಷಗಳ ನಂತರ ಆ ಅವಕಾಶ ಸಿಕ್ಕಿರುವುದು ಬಹಳ ಸಂತೋಷ ತಂದಿದೆ.

ಈ ದಿನ ನಮ್ಮಿಬ್ಬರಿಗೂ ವಿಶೇಷವಾದದ್ದು,” ಎಂದು ಸಂತಸ ಹಂಚಿಕೊಂಡರು.  ಈ ಅಪರೂಪದ ರಕ್ಷಾಬಂಧನ ಆಚರಣೆ ಕುಟುಂಬದ ಸದಸ್ಯರಲ್ಲಿ ಭಾವನಾತ್ಮಕ ಕ್ಷಣಕ್ಕೆ ಸಾಕ್ಷಿಯಾಗಿದ್ದು,   ಬಾಂಧವ್ಯಕ್ಕೆ ವರ್ಷಗಳ ಅಂತರವೂ ಅಡ್ಡಿಯಾಗುವುದಿಲ್ಲ ಎಂಬ ಸಂದೇಶ ಸಾರಿತು.