ಲೋಕದರ್ಶನ ವರದಿ 

 ಉಗರಗೋಳ 28 :  ಅಂಗವೈಕಲ್ಯ ಸೇರಿದಂತೆ ಹಲವು ಸಾಂಕ್ರಾಮಿಕ ರೋಗಗಳಿಂದ ಮಕ್ಕಳನ್ನು ರಕ್ಷಿಸಲು ಪೋಷಕರು ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು ಎಂದು ಮಂಜುನಾಥ ಅಂಗಡಿ ಹೇಳಿದರು.  ಶ್ರೀಕ್ಷೇತ್ರ ಯಲ್ಲಮ್ಮನ ಗುಡ್ಡದಲ್ಲಿ ಆಯೋಜಿಸಿದ್ದ ರಾಷ್ಟ್ರೀಯ ಪಲ್ಸ್‌ ಪೋಲಿಯೊ ಲಸಿಕಾ ಅಭಿಯಾನಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಐದು ವರ್ಷದೊಳಗಿನ ಎಲ್ಲ ಮಕ್ಕಳಿಗೂ ಎರಡು ಹನಿ ಪಲ್ಸ್‌ ಪೋಲಿಯೊ ಲಸಿಕೆಯನ್ನು ತಪ್ಪದೇ ಹಾಕಿಸಬೇಕು. ಯಾವುದೇ ಮಗು ಲಸಿಕೆಯಿಂದ ವಂಚಿತವಾಗದಂತೆ ಪೋಷಕರು ಸಹಕರಿಸಬೇಕು ಎಂದು ಮನವಿ ಮಾಡಿದರು.  

ಈ ಸಂದರ್ಭದಲ್ಲಿ ಪ್ರಭು ಹಂಜಗಿ, ಐ.ಎಂ. ಕಗದಾಳ, ಎಂ.ಜಿ. ಪವಾರ, ಬಸವರಾಜ, ಆನಂದ, ವರುಣ ಅರಗಂಜಿ, ಮಹೇಶ್ ಸೋಮನಟ್ಟಿ, ಅಕ್ಕಮ್ಮ ಮಾದರ, ಗಡಿಗೆಪ್ಪ ಕಂಕಣವಾಡಿ, ಉಣಕಲ್ಲದ ಸಿದ್ದಪ್ಪ ಸಣ್ಣತಂಗಿ, ರಘು ಓಲೆಕಾರ, ಪರಶುರಾಮ ಸಣ್ಣತಂಗಿ, ವನಜಾಕ್ಷಿ ಓಲೆಕಾರ, ಯಲ್ಲಪ್ಪ ಹಿರೇಕುಂಬಿ, ಸವದತ್ತಿ ಆರೋಗ್ಯ ಕೇಂದ್ರದ ಸಿಬ್ಬಂದಿ ಹಾಗೂ ದೇವಸ್ಥಾನದ ಸಿಬ್ಬಂದಿ ಉಪಸ್ಥಿತರಿದ್ದರು.