ಲೋಕದರ್ಶನ ವರದಿ 

           ಹಾವೇರಿ 21: ಸಮಾಜದಲ್ಲಿ ಸಹಕಾರ ಕ್ಷೇತ್ರ ಬೆಳೆಯಲು ಸಾರ್ವಜನಿಕರ ಸಹಕಾರ ಬಹುಮುಖ್ಯವಾಗಿದ್ದು, ಹಾವೇರಿಯಲ್ಲಿರುವ ಪ್ರಜಾ ಸಂಗ್ರಾಮ ಕೋ-ಆಪರೇಟಿವ್ ಸೊಸೈಟಿ ನಿಯಮಿತ ಇನ್ನೂ ಉಜ್ವಲವಾಗಿ ಬೆಳೆಯಲಿ ಎಂದು ಕರ್ನಾಟಕ ರಾಜ್ಯ ಪರಿಶಿಷ್ಟ ಜಾತಿ/ಪರಿಶಿಷ್ಟ ಪಂಗಡಗಳ ಮತ್ತು ಹಿಂದುಳಿದ ವರ್ಗ,ಅಲ್ಪಸಂಖ್ಯಾತರ ಕಲ್ಯಾಣ ಸಮಿತಿ(ರಿ)ಯ ರಾಜ್ಯಾಧ್ಯಕ್ಷರಾದ ಉಡಚಪ್ಪ ಮಾಳಗಿ ಅವರು ಶುಭ ಕೋರಿದರು. 

      ಇಲ್ಲಿನ ಪ್ರಜಾ ಸಂಗ್ರಾಮ ಕೋ-ಆಪರೇಟಿವ್ ಸೊಸೈಟಿ ನಿಯಮಿತ ಕಛೇರಿಯಲ್ಲಿ ಜರುಗಿದ 2ನೇ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಭಾರತ ಸೇವಾ ಪೋರ್ಸ್‌(ರಿ) ರಾಜ್ಯಾಧ್ಯಕ್ಷರು ಹಾಗೂ ಸೊಸೈಟಿಯ ಅಧ್ಯಕ್ಷರಾದ ಏಳಕೋಟೆಪ್ಪ ಎಸ್‌.ಪಾಟೀಲ ಅವರನ್ನು ಕರ್ನಾಟಕ ರಾಜ್ಯ ಪರಿಶಿಷ್ಟ ಜಾತಿ/ಪರಿಶಿಷ್ಟ ಪಂಗಡಗಳ ಮತ್ತು ಹಿಂದುಳಿದ ವರ್ಗ,ಅಲ್ಪಸಂಖ್ಯಾತರ ಕಲ್ಯಾಣ ಸಮಿತಿ(ರಿ) ವತಿಯಿಂದ ಗೌರವಿಸಿ ಸನ್ಮಾನಿಸಿ ಅವರು ಮಾತನಾಡಿದರು. 

        ಜನರು ಆರ್ಥಿಕವಾಗಿ ಬಲಿಷ್ಠರಾಗಲು ಸಹಕಾರಿ ಸಂಘ-ಸೊಸೈಟಿಗಳ ಪಾತ್ರ ಮುಖ್ಯವಾಗಿವೆ.ಹಾವೇರಿಯಲ್ಲಿ ಪ್ರಜಾ ಸಂಗ್ರಾಮ ಕೋ-ಆಪರೇಟಿವ್ ಸೊಸೈಟಿಯ ಅಧ್ಯಕ್ಷರಾದ ಏಳಕೋಟೆಪ್ಪ ಎಸ್ ಪಾಟೀಲ ಅವರು ಜನರಿಗೆ ಅನುಕೂಲವಾಗಲಿ ಹಾಗೂ ಜನರು ಅರ್ಥಿಕವಾಗಿ ಸಬಲರಾಗಲಿ ಎಂಬ ಉತ್ತಮವಾದ ಗುರಿ ಉದ್ದೇಶಗಳನ್ನು ಇಟ್ಟುಕೊಂಡು ತಮ್ಮ ಟೀಮಿನವರೊಂದಿಗೆ ಸಹಕಾರ ಕ್ಷೇತ್ರದಲ್ಲಿ ತಮ್ಮ ಸೇವೆಯನ್ನು ಮುಂದುವರಿಸುತ್ತಿದ್ದಾರೆ. ಪ್ರಜಾ ಸಂಗ್ರಾಮ ಕೋ-ಆಪರೇಟಿವ್ ಸೊಸೈಟಿ ಉಜ್ವಲವಾಗಿ ಬೆಳೆಯಲಿ.ಇನ್ನೂ ಹೆಚ್ಚು ಜನರಿಗೆ ಅನುಕೂಲವಾಗಲಿ ಎಂದು ಕಲ್ಯಾಣ ಸಮಿತಿ(ರಿ)ಯ ರಾಜ್ಯಾಧ್ಯಕ್ಷರಾದ ಉಡಚಪ್ಪ ಮಾಳಗಿ ಅವರು ಶುಭ ಕೋರಿ ಮಾತನಾಡಿದರು. 

        ಈ ಸಂದರ್ಭದಲ್ಲಿ ಕಲ್ಯಾಣ ಸಮಿತಿ(ರಿ)ಯ ಜಿಲ್ಲಾಧ್ಯಕ್ಷರಾದ ಮಂಜಪ್ಪ ಮರೋಳ,ಸಮಾಜದ ಮುಖಂಡರಾದ ಪ್ರಕಾಶ ಪೂಜಾರ,ಕರಿಯಪ್ಪ ಕಟ್ಟಿಮನಿ,ಬಸವಣ್ಣೆಪ್ಪ ಅರಳಿಹಳ್ಳಿ,ಬಸವರಾಜ ಸಂಗಣ್ಣನವರ,ನಾಗೇಂದ್ರ​‍್ಪ ಹರಿಜನ,ಪರಮೇಶ ಮಲ್ಲಮ್ಮನವರ,ರಮೇಶ ಹರಿಜನ,ನಾಗರಾಜ ಎ.ಕೆ.ನಿಂಗಪ್ಪ ಕಡೂರ,ಪ್ರಕಾಶ ಬಣಕಾರ, ಸುರೇಶ ನಾಗಣ್ಣನವರ,ಫಕ್ಕೀರೇಶ ಬಣಕಾರ, ಮಲ್ಲಪ್ಪ ದೇವರಮನಿ,ರಾಜು ಹಿತ್ತಲಮನಿ, ಸುನೀತಾ ಹಲಗೇರಿ,ಯಲ್ಲಪ್ಪ,ಮಾರುತಿ ಬಣಕಾರ,ಹನಮಂತ ಕಡಹಳ್ಳಿ,ಮಾಲತೇಶ ಪಾಟೀಲ,ಪರಶುರಾಮ ಮಲ್ಲಮ್ಮನವರ,ರವಿ ದೊಡ್ಡಮನಿ, ಶಂಕರ ಹರಿಜನ,ರಾಜು ಮಾಳಗಿ,ಮಾರುತಿ ಸೊಟ್ಟಪ್ಪನವರ,ಮಾದೇವಪ್ಪ ಕರೆಯಣ್ಣನವರ ಸೇರಿದಂತೆ ಅನೇಕರು ಪಾಲ್ಗೊಂಡಿದ್ದರು.