ಬ್ಯಾಡಗಿ 28:  ಮೋಟೆಬೆನ್ನೂರು ಗ್ರಾಮದಿಂದ ಕೋಡಿಹಳ್ಳಿ ಗ್ರಾಮಕ್ಕೆ ತೆರಳುವ ಮಾರ್ಗ ಮಧ್ಯದಲ್ಲಿ ಇರುವ ರೈಲ್ವೆ ಹಳಿ ಪಕ್ಕದಲ್ಲಿ ಪೂರ್ಣ ಪ್ರಮಾಣದ ಕಾಂಕ್ರೀಟ್ ರಸ್ತೆ ನಿರ್ಮಾಣವನ್ನು ಶಿಘ್ರವೇ  ಮಾಡಿಕೊಡಿ ಇಲ್ಲದಿದ್ದರೆ ಏಪ್ರಿಲ್ ಆರನೇ ತಾರೀಖಿನಂದು ರೈಲ್ವೆ ಹಳಿ ತಡೆದು ಪ್ರತಿಭಟನೆ ಮಾಡಲಾಗುವುದೆಂದು ಕರ್ನಾಟಕ ರಾಜ್ಯ ರೈತ ಸಂಘದ ಜಿಲ್ಲಾ ಕಾರ್ಯದರ್ಶಿ ಮಲ್ಲಿಕಾರ್ಜುನ ಬಳ್ಳಾರಿ ಹೇಳಿದರು. ಪಟ್ಟಣದ ತಹಶೀಲ್ದಾರ್ ಕಚೇರಿಯ ಎದುರಿಗೆ ರೈತರೊಂದಿಗೆ  ಪ್ರತಿಭಟನೆ ಮಾಡುವ ಮೂಲಕ ತಹಶೀಲ್ದಾರ್ ಅವರಿಗೆ ಮನವಿ ಪತ್ರ ನೀಡುವ ಮೂಲಕ ಒತ್ತಾಯಿಸಿ ಮಾತನಾಡಿದವರು ಮೋಟೆಬೆನ್ನೂರು ಗ್ರಾಮದಲ್ಲಿ ರೈಲ್ವೆ ಹಳಿಯ  ಎಡಭಾಗದ ಸರ್ವೆ ನಂಬರ್ 42 ರಿಂದ 133 ವರೆಗೆ ಹಾಗೂ ಬಲಭಾಗದ ಸರ್ವೆ ನಂಬರ್ 45 ರಿಂದ 210 ವರೆಗೆ ಒಂದೇ ದಾರಿ ಇದೆ ಇದೇ ದಾರಿಯನ್ನು ಬಳಸಿಕೊಂಡು ರೈತರು ಬರುತ್ತಿದ್ದಾರೆ ಆದರೆ ಇತ್ತೀಚೆಗೆ ರೈಲ್ವೆ ಇಲಾಖೆಯಿಂದ ಡಬಲ್ ಹಳಿ ನಿರ್ಮಾಣದ ಹಿನ್ನೆಲೆಯಲ್ಲಿ ರೈತರಿಗೆ ಚಕ್ಕಡಿಗಾಡಿ ಸಂಚಾರಕ್ಕೆ ಸಮಸ್ಯೆ ಉಂಟಾಗಿದೆ

ಈ ಮಧ್ಯೆ ರೈಲ್ವೆ ಬ್ರಿಜ್ನಿಂದ ಕೇವಲ ಐದನೂರು ಮೀಟರ್ ವರೆಗೆ ಮಾತ್ರ ಕಾಂಕ್ರೀಟ್ ರಸ್ತೆ ನಿರ್ಮಾಣ ಮಾಡಿರುವುದರಿಂದ ಉಳಿದ ಭಾಗದಲ್ಲಿ ಸಂಚಾರ ದುಸ್ತರವಾಗಿದೆ ಮಳೆ ಬಂದಿ ತೆಂದರೆ ರೈತರ ಗೋಳು ಕೇಳುವರು ಯಾರು? ಪರಿಣಾಮ ರೈತರು ತಮ್ಮ ಕೃಷಿ ಚಟುವಟಿಗಳನ್ನು ನಡೆಸಲು ಸಮಸ್ಯೆ ಉಂಟಾಗುತ್ತಿದೆ ಕೂಡಲೇ ರಸ್ತೆ ನಿರ್ಮಾಣ ಮಾಡಿಕೊಡುವಂತೆ ಆಗ್ರಹಿಸಿದರು. ಕೋಟ್ ಹಾಕಿ "ಮಾನ್ಯ ಸಂಸದರಾದ ಶ್ರೀ ಬಸವರಾಜ ಬೊಮ್ಮಾಯಿ ಅವರು ಗ್ರಾಮಕ್ಕೆ ಭೇಟಿ ನೀಡಿದಾಗ ನಾವು ಹಲವು ಬಾರಿ ರಸ್ತೆ ನಿರ್ಮಾಣ ಮಾಡಿಕೊಡುವಂತೆ ಮನವಿ ಮಾಡಿದ್ದೆವೆ ಆದರೆ ಅವರು ರಸ್ತೆ ಮಾಡಿಕೊಡುತ್ತೇನೆಂದು ಭರವಸೆ ನೀಡಿದ್ದರು ಆದರೆ ಅದು ಕೇವಲ ಭರವಸೆಯಾಗಿ ಉಳಿದಿದೆ ಯಾವುದೇ ಪ್ರಯೋಜನವಾಗಿಲ್ಲ ರೈತರ ಸಮಸ್ಯೆ ಕೇಳುವರ್ಯಾರು ಇಲ್ಲ ಸಂಸದರ ಭರವಸೆಯು ಭರವಸೆಯಾಗಿ ಉಳಿದಿದೆ ಹಾಗಾಗಿ ಕೂಡಲೇ ಇಲಾಖೆಯವರು ಎಚ್ಚೆತ್ತು ಕಾಂಕ್ರೀಟ್ರ ರಸ್ತೆ ನಿರ್ಮಾಣ ಮಾಡಿಕೊಡದೆ ಇದ್ದರೆ ಎಪ್ರಿಲ್ ಆರನೇ ತಾರೀಖನಂದು ರೈಲ್ವೆ ತಡೆದು ಬೃಹತ್ ಪ್ರಮಾಣದಲ್ಲಿ ರೈತರು ಪ್ರತಿಭಟನೆ ಮಾಡುತ್ತೇವೆ ಎಂದು ಹೇಳಿದರು" ಈ ವೇಳೆ ಪ್ರತಿಭಟನೆಯಲ್ಲಿ ಇಂದೂಧರ್ ರುದ್ರದೇವರ ಮಠ. ಮಾಲತೇಶ್ ಮೈಲಾರ. ನಿಂಗಪ್ಪ ಅಂಗರಗಟ್ಟಿ .ಸುರೇಶ್ ಹಿತ್ತಲಮನಿ. ದಾನಪ್ಪ ಬಳ್ಳಾರಿ. ರಮೇಶ್ ಹೊಳಲ. ಮುತ್ತಪ್ಪ ಅನ್ವೇರಿ. ಬಸವರಾಜ್ ಚಂದ್ರ​‍್ಪನವರ. ಪ್ರದೀಪ್ ಮಲ್ಲು ಹಾಗೂ ಇನ್ನು ಅನೇಕ ರೈತರು ಉಪಸ್ಥಿತರಿದ್ದರು.