ತಾಳಿಕೋಟೆ 16 : ಪಟ್ಟಣದ ನಾಗರಿಕರ ಅನುಕೂಲಕ್ಕಾಗಿ ನಿರ್ಮಾಣವಾಗಬೇಕಿರುವ ’ಪ್ರಜಾಸೌಧ’ವನ್ನು ಪಟ್ಟಣದ ವ್ಯಾಪ್ತಿಯನ್ನು ಬಿಟ್ಟು ಮೈಲೇಶ್ವರ ಗ್ರಾಮದ ಸಮೀಪ ನಿರ್ಮಿಸುತ್ತಿರುವುದನ್ನು ವಿರೋಧಿಸಿ ನಡೆಯುತ್ತಿರುವ ಅನಿರ್ದಿಷ್ಟಾವಧಿ ಧರಣಿ ಸತ್ಯಾಗ್ರಹವು ಗುರುವಾರಕ್ಕೆ 51ನೇ ದಿನ ಪೂರೈಸಿದೆ. ದೀರ್ಘಕಾಲದ ಈ ಹೋರಾಟಕ್ಕೆ ಸರ್ಕಾರ ಹಾಗೂ ಆಡಳಿತ ವರ್ಗ ಮೌನ ವಹಿಸಿರುವುದು ಹೋರಾಟಗಾರರ ಕೆಂಗಣ್ಣಿಗೆ ಗುರಿಯಾಗಿದೆ.ಸರ್ಕಾರದ ಮೌನಕ್ಕೆ ಹೋರಾಟಗಾರರ ಬೇಸರಈ ಸಂದರ್ಭದಲ್ಲಿ ಮಾತನಾಡಿದ ಹೋರಾಟ ಸಮಿತಿಯ ಮುಖಂಡರಾದ ಕಾಶಿನಾಥ ಮುರಾಳ ಮತ್ತು ಪರಶುರಾಮ ತಂಗಡಗಿ, "ಸಾರ್ವಜನಿಕ ಹಿತಾಸಕ್ತಿಗಾಗಿ ನಡೆಯುತ್ತಿರುವ ಈ ಹೋರಾಟ ಅರ್ಧಶತಕದ ಗಡಿ ದಾಟಿದೆ.

ಇಲ್ಲಿ ಭಾಗವಹಿಸಿರುವ ಪ್ರತಿಯೊಬ್ಬರೂ ತಮ್ಮ ವೈಯಕ್ತಿಕ ಕೆಲಸಗಳನ್ನು ಬದಿಗಿಟ್ಟು ಊರಿನ ಹಿತಕ್ಕಾಗಿ ಹೋರಾಡುತ್ತಿದ್ದಾರೆ. ಆದರೆ, ಸರ್ಕಾರ ಕೇವಲ ಪ್ರಸ್ತಾವನೆಗಳಲ್ಲೇ ಕಾಲಹರಣ ಮಾಡುತ್ತಿರುವುದು ವಿಷಾದನೀಯ," ಎಂದು ಆಕ್ರೋಶ ವ್ಯಕ್ತಪಡಿಸಿದರು.ವರದಿಯಲ್ಲೇ ಉಳಿದ ಪ್ರಸ್ತಾವನೆಗಳು?ತಹಶೀಲ್ದಾರರು ಐ.ಬಿ. (ಋಃ) ಮತ್ತು ಕೆ.ಇ.ಬಿ (ಏ.ಇ.ಃ) ಜಾಗಗಳ ಕುರಿತು ಪ್ರಸ್ತಾವನೆ ಕಳುಹಿಸಿರುವುದಾಗಿ ಹೇಳುತ್ತಿದ್ದಾರೆ.

ಆದರೆ, ಸ್ಥಳ ಬದಲಾವಣೆಗೆ ಸಂಬಂಧಿಸಿದಂತೆ ಯಾವುದೇ ಅಧಿಕೃತ ಆದೇಶ ಅಥವಾ ಗಟ್ಟಿ ನಿರ್ಧಾರ ಹೊರಬಿದ್ದಿಲ್ಲ. ಸರ್ಕಾರದ ಈ ’ಆಮೆ ವೇಗ’ದ ಧೋರಣೆಯು ಜನಸಾಮಾನ್ಯರ ಆಕ್ರೋಶಕ್ಕೆ ತುಪ್ಪ ಸುರಿದಂತಾಗಿದೆ.ಗ್ರಾಮ ಮಟ್ಟಕ್ಕೆ ಹರಡಲಿದೆ ಹೋರಾಟದ ಕಿಚ್ಚುಮುಂದಿನ ದಿನಗಳಲ್ಲಿ ಹೋರಾಟವನ್ನು ಕೇವಲ ಪಟ್ಟಣಕ್ಕೆ ಸೀಮಿತಗೊಳಿಸದೆ, ತಾಲ್ಲೂಕಿನ ಪ್ರತಿ ಗ್ರಾಮಗಳ ಜನತೆಯನ್ನು ಒಗ್ಗೂಡಿಸಿ ಬೃಹತ್ ಸಭೆ ನಡೆಸಲು ಸಮಿತಿ ತೀರ್ಮಾನಿಸಿದೆ.ಹೋರಾಟದ ಪ್ರಮುಖ ಹಕ್ಕೊತ್ತಾಯಗಳು:ಪ್ರಜಾಸೌಧವನ್ನು ಯಾವುದೇ ಕಾರಣಕ್ಕೂ ನಗರ ವ್ಯಾಪ್ತಿಯಿಂದ ದೂರ ಕೊಂಡೊಯ್ಯಬಾರದು.

ಸಾರ್ವಜನಿಕರಿಗೆ ಸುಲಭವಾಗಿ ಎಟುಕುವ ಪಟ್ಟಣದ ಪ್ರಮುಖ ಜಾಗದಲ್ಲೇ ಕಟ್ಟಡ ನಿರ್ಮಿಸಬೇಕು.ಪ್ರಸ್ತಾವನೆಯ ನೆಪದಲ್ಲಿ ಕಾಲಹರಣ ಮಾಡದೆ ಸರ್ಕಾರ ತಕ್ಷಣವೇ ಸ್ಥಳ ನಿಗದಿಪಡಿಸಬೇಕು.ಧರಣಿಯಲ್ಲಿ ಮುತ್ತಪ್ಪ ಚಮಲಾಪುರ, ಎಂ.ಎಸ್‌.ಸರಶೆಟ್ಟಿ, ಆರ್‌.ಎಸ್‌.ಪಾಟೀಲ ಕೂಚಬಾಳ, ಮಡು ಸಾಹುಕಾರ್, ಮಯೂರ ಪಾಟೀಲ, ರಾಮಣ್ಣ ಕಟ್ಟಿಮನಿ, ಸಂಜು ಬರದೇನಾಳ, ಸದ್ದಾಂ ಬೀಳಗಿ, ರವಿ ಕಟ್ಟಿಮನಿ, ಅನಿಲಸಿಂಗ್ ವಿಜಾಪುರ, ಸುರೇಶ ಫುಲೂಸ್, ಸಿರಸ ಕುಮಾರ ಹಜೇರಿ, ಮಹೇಶ ಛಲವಾದಿ, ಸುರೇಶ ಹಜೇರಿ, ನಾಗೇಶ ಕಟ್ಟಿಮನಿ, ಬಸವರಾಜ ಕಟ್ಟಿಮನಿ ಸೇರಿದಂತೆ ನೂರಾರು ಹೋರಾಟಗಾರರು ಪಾಲ್ಗೊಂಡು ಸರ್ಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿದರು.ನಮ್ಮ ಧ್ವನಿ: "ಜನರ ತೆರಿಗೆ ಹಣದಲ್ಲಿ ನಿರ್ಮಾಣವಾಗುವ ಸೌಧ ಜನರಿಗೆ ಹತ್ತಿರವಿರಬೇಕೇ ಹೊರತು, ಮೈಲುಗಳಷ್ಟು ದೂರವಲ್ಲ. ಸರ್ಕಾರ ಕೂಡಲೇ ಎಚ್ಚೆತ್ತುಕೊಳ್ಳದಿದ್ದರೆ ಹೋರಾಟದ ಸ್ವರೂಪ ಬದಲಾಗಲಿದೆ."