ಲೋಕದರ್ಶನ ವರದಿ 

ಹೂವಿನಹಡಗಲಿ  25:  ಕೇಂದ್ರ ಸರಕಾರ ಪೆಟ್ರೋಲ್ ಹಾಗೂ ಡೀಸೆಲ್ ಮತ್ತು ರಸ ಗೊಬ್ಬರ ದರ ಹೆಚ್ಚಳ ಮಾಡಿರುವ ಕ್ರಮ ಖಂಡಿಸಿ ರೈತ ಸಂಘದವರು ಸೋಮವಾರ  ಪ್ರತಿಭಟನೆ ನಂತರ ತಹಶಿಲ್ದಾರರ ಹೆಚ್‌.ಎಂ.ಗುರುಬಸವರಾಜ ಅವರಿಗೆ ಬೇಡಿಕೆಯ ಮನವಿಯನ್ನು  ಸಲ್ಲಿಸಿದರು. ರಾಜ್ಯದಲ್ಲಿ ಮುಂಗಾರು ಬಿತ್ತನೆಗೆ ಸಿದ್ಧತೆ ನಡೆಸುತ್ತಿರುವ ರೈತರಿಗೆ ರಸಗೊಬ್ಬರ ಮತ್ತು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ  ನಿರಂತರವಾಗಿ ಏರಿಕೆಯಿಂದ ಟ್ರ್ಯಕ್ಟರ್ ಉಳುಮೆ ವೆಚ್ಚ ದುಪ್ಪಟ್ಟು ಆಗಿದ್ದು ಕೃಷಿ ವೆಚ್ಚದ ಈ ಹೊರೆ ರೈತರ ಬೆನ್ನುಮೂಳೆ ಮುರಿದಂತಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.  ಬೇಡಿಕೆಗಳು :  ಕೃಷಿ ಚಟುವಟಿಕೆಗಳಿಗೆ ಅನುಕೂಲವಾಗುವಂತೆ ಡೀಸೆಲ್ ಅನ್ನು ರಿಯಾಯಿತಿ ದರದಲ್ಲಿ (ಕಾರ್ಡ್ಗಳ ಮೂಲಕ) ವಿತರಿಸಬೇಕು. ರೈತರು ಬೆಳೆದ ಬೆಳೆಗಳಿಗೆ ಸ್ವಾಮಿನಾಥನ್ ಆಯೋಗದ ಶಿಫಾರಸಿನಂತೆ ವೈಜ್ಞಾನಿಕ ಬೆಂಬಲ ಬೆಲೆಯನ್ನು ನಿಗದಿಪಡಿಸಬೇಕು.   

ರಸಗೊಬ್ಬರಗಳ (ಯೂರಿಯಾ, ಡಿಎಪಿ, ಇತ್ಯಾದಿ) ಬೆಲೆ ಏರಿಕೆ ಮತ್ತು ಡೀಸೆಲ್ ದರ ಹೆಚ್ಚಳದಿಂದಾಗಿ ಕೃಷಿ ಉತ್ಪಾದನಾ ವೆಚ್ಚವು ಗಣನೀಯವಾಗಿ ಹೆಚ್ಚಾಗಿದೆ.ಕೃತಕ ಅಭಾವ ತಡೆದು ಲಿಂಕ್ ತಪ್ಪಿಸಿ ರಸಗೊಬ್ಬರಗಳ ಮೇಲಿನ ಇತ್ತೀಚಿನ ಬೆಲೆಯನ್ನು ಇಳಿಸಬೇಕು ಜತೆಗೆ ರೈತರಿಗೆ ಹೆಚ್ಚುವರಿ ಸಬ್ಸಿಡಿ (ಸಹಾಯಧನ) ನೀಡಬೇಕು.ಬೆಳೆಗಳಿಗೆ ವೈಜ್ಞಾನಿಕ ಬೆಲೆ ನಿಗದಿ ಮಾಡಬೇಕು ಎಂದು ಒತ್ತಾಯಿಸಿದರು. ಈ  ಸಂದರ್ಭದಲ್ಲಿ ತಾಲೂಕು ಅಧ್ಯಕ್ಷರು ಸಿದ್ದಪ್ಪ ಹೊಸಮನಿ. ಜಿಲ್ಲಾ ಮಹಿಳಾ ಅಧ್ಯಕ್ಷೆ ವಿಜಯಲಕ್ಷ್ಮಿ. ಉಪಾಧ್ಯಕ್ಷರು ವಿಠಲ ನಾಯಕ್ ವಿ ಬಿ ಚನ್ನಬಸಪ್ಪ. ಜಿಲ್ಲಾ ಉಪಾಧ್ಯಕ್ಷ ಕೆ ಗಣಿಸಾಬ್‌.  ಕಾರ್ಯ ಅಧ್ಯಕ್ಷ ಡಕ್ಯ ನಾಯಕ್‌. ಕಾರ್ಯದರ್ಶಿ ವೆಂಕಟೇಶ್ ನಾಯಕ್‌. ಜಿಲ್ಲಾ ಕಾರ್ಯದರ್ಶಿ ದುರುಗಪ್ಪ.ಪ್ರಧಾನಕಾರ್ಯದರ್ಶಿ ಶಿವರಾಜ ಎಂ ಹೊಳಗುಂದಿ. ಭೋಜಯ್ ನಾಯಕ.ದವಲ್ ಸಾಬ್‌. ಗ್ರಾಮ ಘಟಕದ ಅಧ್ಯಕ್ಷರು ಶೇಖರ್ ನಾಯಕ. ಬಸವರಾಜ್ ಇದ್ದರು.