ತಾಳಿಕೋಟೆ  08 : ಪಟ್ಟಣದ ಶರಣ ಸಾಹಿತ್ಯ ಪರಿಷತ್ತಿನ ಕದಳಿ ಮಹಿಳಾ ವೇದಿಕೆ ವತಿಯಿಂದ ಪಟ್ಟಣದ ಎಸ್‌.ಕೆ. ಬಾಲಕಿಯರ ಪ್ರೌಢಶಾಲೆ ಮತ್ತು ವಿವಿಎಸ್‌. ಮಹಿಳಾ ಪಿಯು ಕಾಲೇಜಿನಲ್ಲಿ ವಚನ ರಸಪ್ರಶ್ನೆ, ವಚನ ಗಾಯನ ಸ್ಪರ್ಧೆಯನ್ನು ಶನಿವಾರ ಆಯೋಜಿಸಿತ್ತು. 

ಅಧ್ಯಕ್ಷತೆಯನ್ನು ಮಹಿಳಾ ಪಿಯು ಕಾಲೇಜಿನಲ್ಲಿ ಪ್ರಾಚಾರ್ಯೆ ಜ್ಯೋತಿ ಹಿರೇಮಠ ವಹಿಸಿ ಮಾತನಾಡಿ, ವಚನಗಳು ಬದುಕಿನ ಬೆಳಕಿನ ದೀಪಗಳಾಗಿದ್ದು ಅವುಗಳನ್ನು ಅಳವಡಿಸಿಕೊಂಡರೆ ಸುಂದರ ಬದುಕು ಕಟ್ಟಿಕೊಳ್ಳಬಹುದು ಎಂದರು. ಮುಖ್ಯ ಅತಿಥಿಗಳಾಗಿದ್ದ ಎಸ್‌.ಕೆ.ಕಾಲೇಜಿನ ನಿವೃತ್ತ ಪ್ರಾಚಾರ್ಯ ಗುರುಪಾದ ಘಿವಾರಿ ಅವರು, ವಚನಗಳಲ್ಲಿ ಜೀವನದ ಮೌಲ್ಯಗಳಿದ್ದು ಅರಿತು ನಡೆದವರಿಗೆ ಸನ್ಮಾರ್ಗದಲ್ಲಿ ನಡೆಸುತ್ತವೆ ಎಂದರು.ಕದಳಿವೇದಿಕೆ ಮಹಿಳಾ ಘಟಕದ ಅಧ್ಯಕ್ಷೆ ಉಮಾ ಘಿವಾರಿ ಮಾತನಾಡಿ, ಬಸವಾದಿ ಪ್ರಮಥರ ವಚನಗಳ ಬಗ್ಗೆ ಅವುಗಳ ಮಹತ್ವವನ್ನು ಯುವಪಿಳಿಗೆಗೆ ತಿಳಿಸಿ ಅವರನ್ನು ಜಾಗೃತಗೊಳಿಸಲು ಈ ಸ್ಪರ್ಧೆಗಳನ್ನು ಆಯೋಜಿಸಲಾಗುತ್ತಿದೆ ಎಂದರು.ವೇದಿಕೆಯಲ್ಲಿ ಸಿ.ಲಿಂಗಪ್ಪ, ಅನಿಲಕುಮಾರ ಇರಾಜ ಕದಳಿ ವೇದಿಕೆಯ ಸದಸ್ಯರಾದ ಅಕ್ಕಮಹಾದೇವಿ ಪಾಟೀಲ, ಸುಜಾತಾ ಪಾಟೀಲ, ಸುರೇಖಾ ಸಾಲಂಕಿ, ಸಂಗೀತಾ ಬಳಗಾನೂರ ಇದ್ದರು.  ವಿಜೇತ ವಿದ್ಯಾರ್ಥಿನಿಯರಿಗೆ ಬಹುಮಾನ ವಿತರಣೆ ಮಾಡಲಾಯಿತು.