ರಾಣೇಬೆನ್ನೂರು 6 : ಹಾವೇರಿ ಜಿಲ್ಲೆಯ ರಾಣಿಬೆನ್ನೂರು ತಾಲೂಕಿನ ಆರೇ ಮಲ್ಲಾಪುರ ಗ್ರಾಮದ, ಯುವ ಕ್ರೀಡಾ  ಪ್ರತಿಭೆ, ಕಿರಣ್ ಹಾಲೇಶ್ ಗುಂಗೇರ  ಅವರು ಮಾಡಿದ ಪವರ್ ಲಿಫ್ಟಿಂಗ್ ಸಾಧನೆಗಾಗಿ  ಮಂಗಳೂರು ಜಿಲ್ಲಾಡಳಿತವು, ಅಭಿನಂದಿಸಿ ಸನ್ಮಾನಿಸಿ ಗೌರವಿಸಿದೆ. ಮಂಗಳೂರು ನೇತ್ರಾವತಿ ಭವನದಲ್ಲಿ ಡಿ ದೇವರಾಜ ಅರಸು ಅವರ 110ನೇ ಜನ್ಮದಿನೋತ್ಸವ ಸಮಾರಂಭದಲ್ಲಿ ಕರ್ನಾಟಕ ಗೇರು ಅಭಿವೃದ್ಧಿ ನಿಗಮದ ಅಧ್ಯಕ್ಷ ಶ್ರೀಮತಿ ಮಮತಾ  ಡಿ.ಎಸ್‌. ಗಟ್ಟಿ ಅವರು ಸಾರ್ವಜನಿಕವಾಗಿ  ಗೌರವಿಸಿ ಪ್ರಶಸ್ತಿ ಪದಕವನ್ನಿತ್ತು ಸನ್ಮಾನಿಸಿದರು.  

ಕಿರಣ್ ಗುಂಗೇರ ಅವರು, ಅತ್ಯುತ್ತಮ ಪವರ್ ಲಿಫ್ಟಿಂಗ್ ಕ್ರೀಡಾಪಟುವಾಗಿದ್ದು, ಇತ್ತೀಚೆಗೆ ಪಂಜಾಬ್ ರಾಯತ್ ಬಹಾರ ಯುನಿವರ್ಸಿಟಿಯಲ್ಲಿ ನಡೆದ 31ನೇ ಆಲ್ ಇಂಡಿಯಾ ನ್ಯಾಷನಲ್ ಪವರ್ ಲಿಫ್ಟಿಂಗ್ ಸ್ಪರ್ಧೆ 74 ಕೆಜಿ  ವಿಭಾಗದ ಬೆಂಚ್ ಪ್ರೆಸ್ ನಲ್ಲಿ ದ್ವಿತೀಯ ಸ್ಥಾನವನ್ನು ಗಳಿಸಿದ್ದರು.  

ಈ ಸಂದರ್ಭದಲ್ಲಿ ಶಾಸಕ ವೇದವ್ಯಾಸ ಕಾಮತ್,   , ವಸತಿ ನಿಲಯದ ಅಧಿಕಾರಿಗಳಾದ ಹೇಮಂತಕುಮಾರ, ಬಿಂದಿಯಾ ಎನ್, ನಾಯಕ, ಸೇರಿದಂತೆ ಜಿಲ್ಲಾ ಮತ್ತು ತಾಲೂಕ ಹಾಗೂ ಜಿಲ್ಲಾಡಳಿತ, ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಅಧಿಕಾರಿಗಳು ಸಿಬ್ಬಂದಿ  ಇದ್ದರು.