ತಾಳಿಕೋಟಿ  21: ತಾಲೂಕಿನ ಹಿರೂರ ಗ್ರಾಮದ ರೈತ ಚಿದಪ್ಪ ಕೆಂಚಪ್ಪ ಪೂಜಾರಿ ಇವರು 10:00 ಘಂಟೆಗಳಲ್ಲಿ 24 ಎಕರೆ ಹತ್ತಿ ಹೊಲವನ್ನು ಹರಗಿ ಸಾಧನೆಯನ್ನು ಮಾಡಿ ಗ್ರಾಮಸ್ಥರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಹಿರೂರ ಗ್ರಾಮದ ರೈತರಾದ ಚಿದಪ್ಪ ಪೂಜಾರಿ ಅವರು ತಮ್ಮ ಹತ್ತಿ ಹೊಲದಲ್ಲಿ ಗುರುವಾರ ಬೆಳಗಿನ ಜಾವ 4:00 ಗಂಟೆಯಿಂದ ಹರಗುವುದನ್ನು ಆರಂಭಿಸಿ ಮಧ್ಯಾಹ್ನ 2 ಗಂಟೆಯವರೆಗೆ ನಿರಂತರವಾಗಿ ಗಳೇ ಹೊಡೆದಿದ್ದಾರೆ. 24 ಎಕರೆ ಹೊಲವನ್ನು ಕೇವಲ 10 ಗಂಟೆಗಳಲ್ಲಿ ಹರಗಿ ಶ್ರೇಷ್ಠ ಸಾಧನೆಯನ್ನು ಮಾಡಿದ್ದಾರೆ. ಅವರ ಈ ಸಾಧನೆಯನ್ನು ಮೆಚ್ಚಿದ ಗ್ರಾಮಸ್ಥರು ಅವರ ಬೃಹತ್ ಮೆರವಣಿಗೆಯನ್ನು ನಡೆಸಿ, ಪಟಾಕಿ ಸಿಡಿಸಿ ಗುಲಾಲು ಎರಚಿ ಸಂಭ್ರಮಿಸಿದ್ದಾರೆ. ಈ ಸಂಭ್ರಮಾಚರಣೆಯಲ್ಲಿ ಪ್ರಗತಿಪರ ರೈತರಾದ ಪರಮಾನಂದ ಪೂಜಾರಿ, ಬೀರ​‍್ಪ ಪೂಜಾರಿ ಸೇರಿದಂತೆ ನೂರಾರು ಗ್ರಾಮಸ್ಥರು ಪಾಲ್ಗೊಂಡಿದ್ದರು.