ಬೆಳಗಾವಿ 11: ಕರ್ನಾಟಕ ಸರ್ಕಾರದ ಅರಣ್ಯ ಇಲಾಖೆಯ ಸಹಯೋಗದೊಂದಿಗೆ ಕೆಎಲ್‌ಎಸ್ ಐಎಂಇಆರ್ ನ ಗ್ರೀನ್ ಕ್ಲಬ್ ವತಿಯಿಂದ, ಜುಲೈ 10, 2025 ರಂದು ಐಎಂಇಆರ್ ಕ್ಯಾಂಪಸ್‌ನಲ್ಲಿ ಮರ ನೆಡುವ ಅಭಿಯಾನವನ್ನು ಏರಿ​‍್ಡಸಲಾಗಿತ್ತು.  

ಈ ಕಾರ‌್ಯಕ್ರಮವು ಪರಿಸರ ಸ್ನೇಹಿ ಉಪಕ್ರಮಗಳಿಗೆ ಸಂಸ್ಥೆಯ ಬದ್ಧತೆಯನ್ನು ಪ್ರತಿಬಿಂಬಿಸುವುದಲ್ಲದೆ, ವಿದ್ಯಾರ್ಥಿಗಳು ಮತ್ತು ಸಿಬ್ಬಂದಿಗಳಿಂದ ಉತ್ಸಾಹಭರಿತ ಭಾಗವಹಿಸುವಿಕೆಗೆ ಸಾಕ್ಷಿಯಾಯಿತು. ಕೆಎಲ್‌ಎಸ್ ಐಎಂಇಆರ್ ನಿರ್ದೇಶಕ ಡಾ. ಆರಿಫ್ ಶೇಖ್ ಅವರು ಸಭೆಯನ್ನು ಸ್ವಾಗತಿಸಿ, ಹಸೀರೀಕರಣದ ಮಹತ್ವವನ್ನು ಒತ್ತಿ ಹೇಳಿದರು.  

ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಭೀಮಗಡ ವನ್ಯಜೀವಿ ಅಭಯಾರಣ್ಯದ ವಲಯ ಅರಣ್ಯ ಅಧಿಕಾರಿ ಸೈಯಾದ್ಸಾಬ್ ನದಾಫ್ ಅವರು ಸಭಿಕರನ್ನುದ್ದೇಶಿಸಿ ಮಾತನಾಡಿ ಹಸಿರು ಕ್ರಾಂತಿಯ ಮಹತ್ವವನ್ನು ಎತ್ತಿ ತೋರಿಸಿದರು. ಇಂಗಾಲದ ಡೈಆಕ್ಸೈಡ್ ಅನ್ನು ಕಡಿಮೆ ಮಾಡುವಲ್ಲಿ ಮರಗಳ ಪಾತ್ರದ ಬಗ್ಗೆ ಅವರು ಮಾತನಾಡಿದರು ಮತ್ತು ಹವಾಮಾನ ಬದಲಾವಣೆಯನ್ನು ಎದುರಿಸಲು ವಿವಿಧ ಮರ ಪ್ರಭೇದಗಳನ್ನು ನೆಡುವ ಮಹತ್ವವನ್ನು ವಿವರಿಸಿದರು.  

ಕೆಎಲ್‌ಎಸ್ ಜಿಐಟಿಯ ವಿದ್ಯಾರ್ಥಿ ಪ್ರಥಮೇಶ್ ಕುಲಕರ್ಣಿ ಕೂಡ ಈ ಅಭಿಯಾನದಲ್ಲಿ ಭಾಗವಹಿಸಿ, ಸಸ್ಯ ಪ್ರಸರಣ ತಂತ್ರಗಳು ಮತ್ತು ಉತ್ತಮ ಉಳಿವಿಗಾಗಿ ಸಸಿಗಳನ್ನು ಪೋಷಿಸುವ ವಿಧಾನಗಳ ಬಗ್ಗೆ ತಮ್ಮ ಅಮೂಲ್ಯವಾದ ಜ್ಞಾನವನ್ನು ಹಂಚಿಕೊಂಡರು.  

ಕೆಎಲ್‌ಎಸ್ ಐಎಂಇಆರ್ ಆಡಳಿತ ಮಂಡಳಿಯ ಅಧ್ಯಕ್ಷರಾದ ಆರ್‌.ಎಸ್‌. ಮುತಾಲಿಕ್ ಅವರು ಸಮಾರಂಭದ ಅಧ್ಯಕ್ಷತೆ ವಹಿಸಿ, ಸುಸ್ಥಿರ ಜೀವನ ಮತ್ತು ಸಮುದಾಯದ ಜವಾಬ್ದಾರಿಯ ಕುರಿತು ಮಾತನಾಡಿದರು.  

ಈ ಕಾರ್ಯಕ್ರಮವನ್ನು ಡಾ. ಜಾರ್ಜ್‌ ರೊಡ್ರಿಗಸ್ ಅವರು ವಿದ್ಯಾರ್ಥಿ ಸಂಯೋಜಕರಾದ ಮಿಸ್ ಸುಪ್ರಿಯಾ ಮತ್ತು ಮಿಸ್ ಹಿಫ್ಜಾ ಅವರ ಬೆಂಬಲದೊಂದಿಗೆ ಪರಿಣಾಮಕಾರಿಯಾಗಿ ಸಂಯೋಜಿಸಿದರು.