ಕೊಲ್ಹಾರ 13: ತಾಲೂಕಿನ ಚಿಕ್ಕ ಆಸಂಗಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ವಿಧ್ಯಾರ್ಥಿನಿಯರು ಈಚೆಗೆ ಜರುಗಿದ ಎನ್‌ಎಮ್‌ಎಮ್‌ಎಸ್ ಪರೀಕ್ಷೆಯಲ್ಲಿ ಅಮೋಘ ಸಾಧನೆ ಮಾಡಿ ಶಾಲೆಗೆ ಹಾಗೂ ಗ್ರಾಮಕ್ಕೆ ಕೀರ್ತಿಯನ್ನು ತಂದಿದ್ದಾರೆ ಎಂದು ಶಾಲೆಯ ಮುಖ್ಯ ಶಿಕ್ಷಕ ಅಶೋಕ ಗಿಡ್ಡಪ್ಪಗೋಳ ತಿಳಿಸಿದ್ದಾರೆ.ಬಸವನ ಬಾಗೇವಾಡಿ ತಾಲ್ಲೂಕಿಗೆ ವಿದ್ಯಾರ್ಥಿನಿಯರಾದ ಸೃಷ್ಠಿ ಮಲ್ಲಿಕಾರ್ಜುನ ಮಾಚಕನೂರ 101 ಅಂಕ ಪಡೆದು ದ್ವಿತೀಯ ಸ್ಥಾನ ಹಾಗೂ ಸುಮನ್ ರಮೇಶ ಪತ್ತಾರ 95 ಅಂಕ ಪಡೆದು ತೃತೀಯ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಇನ್ನೂಳಿದ ಅದೇ ಶಾಲೆಯ ವಿದ್ಯಾರ್ಥಿಗಳಾದ ಅಂಕಿತಾ ಮಾಚಕನೂರ 76 ಅಂಕ, ರೇಣುಕಾ ಆಸಂಗಿ 75 ಅಂಕ,ಸುಮಯಾ ಮುಲ್ಲಾ 74 ಅಂಕ ಪಡೆದುಕೊಂಡು ಶಾಲೆಗೆ ಕೀರ್ತೀಯನ್ನು ತಂದಿದ್ದಾರೆ.  

ವಿದ್ಯಾರ್ಥಿನಿಯರ ಸಾಧನೆಯನ್ನು ಕಂಡು ಕ್ಷೇತ್ರ ಶಿಕ್ಷಣಾಧಿಕಾರಿ ವಸಂತ ರಾಠೋಡ, ಸಮನ್ವಯಾಧಿಕಾರಿ ಸುನೀಲ ನಾಯಕ, ಎನ್ ಎಮ್ ಎಮ್ ಎಸ್ ತಾಲ್ಲೂಕು ನೋಡಲ್ ಅಧಿಕಾರಿ ಅನುಜಾ ಗುಬ್ಬಾ, ಶಾಲಾ ಎಸ್ ಡಿ ಎಮ್ ಸಿ ಅಧ್ಯಕ್ಷ ಅಂಬರೀಷ ಹುಣಶಿಕಟ್ಟಿ,ಮುಖ್ಯ ಶಿಕ್ಷಕ ಅಶೋಕ ಗಿಡ್ಡಪ್ಪಗೋಳ, ಶಿಕ್ಷಕರಾದ ಎಂ ಎಸ್ ಬಿರಾದಾರ, ಎಂ ಎಸ್ ಕಮತಗಿ, ರಾಜಕುಮಾರ ಕಾಖಂಡಕಿ ಶಿಕ್ಷಕಿಯರಾದ ಪ್ರಿಯಾಂಕಾ ಬಿರಾದಾರ, ವಿದ್ಯಾಶ್ರೀ ಡಾನಿ, ಭಾರತ ಕೋಳೂರ ಸೇರದಂತೆ ಗ್ರಾಮಸ್ಥರು ಅಭಿನಂದಿಸಿದ್ದಾರೆ.