ಕಾಗವಾಡ 20: ತಾಲೂಕಿನ ಶಿರಗುಪ್ಪಿ-ಕಾಗವಾಡ ರಾಷ್ಟ್ರೀಯ ಹೆದ್ದಾರಿ ಮಧ್ಯೆ ರಾಷ್ಟ್ರೀಯ ಪಕ್ಷಿ ನವಿಲು ಅಪಘಾತದಲ್ಲಿ ಮೃತ ಪಟ್ಟಿರುವ ಘಟನೆ ಗುರುವಾರ ದಿ. 19 ರಂದು ಸಂಜೆ 5 ರಿಂದ 6 ಘಂಟೆ ಸುಮಾರಿಗೆ ಸಂಭವಿಸಿದೆ. 

ರಸ್ತೆಯ ಪಕ್ಕದಿಂದ ಹಾರಿ ಹೋಗುತ್ತಿರುವ ನವಿಲಿಗೆ ಅಪರಿಚಿತ ವಾಹನ ಡಿಕ್ಕಿ ಹೊಡೆದು, ನವಿಲು ಸ್ಥಳದಲ್ಲಿಯೇ ಸಾವನ್ನಪ್ಪಿದೆ. ಈ ಕುರಿತು ಸಾರ್ವಜನಿಕರು ಅರಣ್ಯ ಅಧಿಕಾರಿಗಳಿಗೆ ಮಾಹಿತಿ ನೀಡಿರುವುದಾಗಿ ತಿಳಿದು ಬಂದಿದೆ.  

ಅಥಣಿ ಅರಣ್ಯ ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸದೇ ಇರುವುದರಿಂದ ಅಲ್ಲಿ ಸೇರಿದ್ದ ನ್ಯಾಯವಾದಿ ಬಿ.ಜೆ. ಮೋಳೆ ಮತ್ತು ಸ್ಥಳೀಯರು ಸೇರಿ ನವಿಲಿನ ಮೃತದೇಹವನ್ನು ಖಾಸಗಿ ವಾಹನದಲ್ಲಿ ಕಾಗವಾಡದ ಅರಣ್ಯ ಇಲಾಖೆಯ ಚೆಕ್ ಪೋಸ್ಟ್‌ಗೆ ಕಳುಹಿಸಿಕೊಟ್ಟಿದ್ದಾರೆಂದು ತಿಳಿದು ಬಂದಿದೆ.  

ರಾಷ್ಟ್ರೀಯ ಪಕ್ಷ ಮೃತ್ತಪಟ್ಟರೂ ಸ್ಥಳಕ್ಕಾಗಮಿಸದ ಅರಣ್ಯ ಇಲಾಖೆಯ ವಿರುದ್ಧ ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.