ತಾಳಿಕೋಟಿ 17: ಎಸ್‌.ಎಸ್‌.ವಿದ್ಯಾಸಂಸ್ಥೆಯ ಅಡಿಯಲ್ಲಿ ನಡೆಯುತ್ತಿರುವ ಸಂಗಮೇಶ್ವರ ಪ್ರೌಢಶಾಲೆಯಲ್ಲಿ 2025-2026ನೇ ಸಾಲಿನ ಶಾಲಾ ಸಂಸತ್ತಿನ ಚುಣಾವಣೆ ಬುಧವಾರ ನಡೆಸಲಾಯಿತು.  

ಚುನಾವಣೆಯ ಮತಗಟ್ಟೆ ಅಧಿಕಾರಿಗಳಾಗಿ ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯ ಅಶೋಕ ಕಟ್ಟಿ ಕಾರ್ಯ ನಿರ್ವಹಿಸಿದರು. ಉಪಮತಗಟ್ಟೆ ಅಧಿಕಾರಿಗಳಾಗಿ ಎಸ್‌.ವಿ.ಜಾಮಗೊಂಡಿ, ಸಹಾಯಕ ಮತಗಟ್ಟೆ ಅಧಿಕಾರಿಗಳಾಗಿ ಎಸ್‌.ಗುಡಗುಂಟಿ, ಬಿ.ಆಯ್‌.ಹಿರೇಹೊಳಿ, ಚುಣಾವಣೆ ಕಾರ್ಯ ನಿರ್ವಹಿಸಿದರು. ಸಿಬ್ಬಂದಿಗಳಾದ ಎಚ್‌.ಬಿ.ಪಾಟೀಲ, ಎಮ್‌.ಎಸ್‌. ರಾಯಗೊಂಡ, ಯು.ಎಚ್‌.ಗಟನೂರ, ಕಾಶೀನಾಥ   

ನಾಲತವಾಡ, ಚುನಾವಣೆ ಕಾರ್ಯಕ್ಕೆ ಸಹಾಯ ಮಾಡಿದರು. ಎಂಟನೇ ತರಗತಿಯ ವರ್ಗ ಪ್ರತಿನಿಧಿಯಾಗಿ ಅನುಶಾ ಚಲವಾದಿ, ನಿತಿನ ರಾಠೋಡ, ಒಂಬತ್ತನೇ ತರಗತಿಯಲ್ಲಿ ವರ್ಗ ಪ್ರತಿ ನಿಧಿಯಾಗಿ ವಿನೋದ ರಾಠೋಡ, ಚಂದ್ರಕಲಾ ದ್ಯಾಸರ,  

ಹತ್ತನೇ ತರಗತಿಯಲ್ಲಿ ವರ್ಗ ಪ್ರತಿನಿಧಿಯಾಗಿ ಯಮನಪ್ಪ ಹಡಗಿನಾಳ, ಕಾಂಚನಾ ಚಲವಾದಿ, ವಿದ್ಯಾರ್ಥಿಗಳ ಪ್ರತಿನಿಧಿಗಳಾಗಿ  

ಅರ್ಜುನ ಜಾಧವ, ಪೂಜಾ ಪೂಜಾರಿ ಆಯ್ಕೆಗೊಂಡ ಪ್ರಯುಕ್ತ ಸಂಸ್ಥೆಯ ಸಂಸ್ಥಾಪಕ ಅಧ್ಯಕ್ಷ ಎಚ್‌.ಎಸ್‌.ಪಾಟೀಲ (ಬಾವೂರ) ಯುವ ಕಾರ್ಯದರ್ಶಿ ಸಚಿನ ಎಚ್‌.ಪಾಟೀಲ ಆಡಳಿತಾಧಿಕಾರಿ ಕಿರಣ ಎಚ್‌.ಪಾಟೀಲ ಪ್ರೌಢಶಾಲೆಯ ಸಿಬ್ಬಂದಿಗಳು ಹಾಗೂ ವಿದ್ಯಾರ್ಥಿಗಳು ಅಭಿನಂದಿಸಿದರು.