ಬೆಳಗಾವಿ 21: ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯಡಿ ರುಕ್ಮೀಣಿ ನಗರ ವೃತ್ತ 1ರ ಗಾಂಧಿ ನಗರದ ಋಷಿ ಗಲ್ಲಿಯಲ್ಲಿ ಪೋಷಕರ ಸಭೆ ಜರುಗಿತು. 

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ನಗರ ಸೇವಕರಾದ ಶಕೀಲಾ ಮುಲ್ಲಾ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಮುಖ್ಯಾಧ್ಯಾಪಕಿ ಕೆ.ಎಫ್‌. ಹುಡದಾರ ಆಗಮಿಸಿದ್ದರು. 

ಅಂಗನವಾಡಿ ಮೇಲ್ವಿಚಾರಕಿ ಶಾಂತಾ ಗುಡಿ ಅವರು ಕಾರ್ಯಕ್ರಮದಲ್ಲಿ ಮಾತನಾಡಿ ಇಲಾಖೆಯ ಸೌಲಭ್ಯ ಹಾಗೂ ಮಹಿಳೆಯರು ಮಕ್ಕಳ ಆರೋಗ್ಯದ ಕುರಿತು ವಿವರಿಸಿದರು. 

ಆರಂಭದಲ್ಲಿ ಅನಿತಾ ಕಾಮನ್ನಾಚೆ ಸ್ವಾಗತಿಸಿದರು, ಮಾಧುರಿ ಖಟಾವಕರ ನಿರೂಪಿಸಿದರು. ಕೊನೆಗೆ ರೇಖಾ ಖುರಾಡೆ ವಂದಿಸಿದರು. ಕಾರ‌್ಯಕ್ರಮದಲ್ಲಿ ಅಂಗನವಾಡಿ ಕಾರ‌್ಯಕರ್ತೆಯರು,ಸಹಾಯಕಿಯರು ಸೇರಿದಂತೆ ಪಾಲಕರು ಭಾಗವಹಿಸಿದ್ದರು.