ಯಮಕನಮರಡಿ 09: ಸಮೀಪದ ಹತ್ತರಗಿ ಗ್ರಾಮದ ನೂತನ ಪಂಚಾಯತಿ ಕಾರ್ಯಾಲಯವು ಹತ್ತರಗಿ ಗ್ರಾಮ ಪಂಚಾಯತಿಯ 75 ಲಕ್ಷ ರೂಪಾಯಿ ಅನುದಾನದಲ್ಲಿ ನಿರ್ಮಾಣವಾಗುತ್ತಿರುವ ನೂತನ ಕಟ್ಟಡಕೆ ಸದರಿ ಗ್ರಾಮ ಪಂಚಾಯತಿಯ ಸದಸ್ಯರೋರ್ವರು ತಡೆಯಾಜ್ಞೆ ತಂದ ಘಟನೆ ವರದಿಯಾಗಿದೆ.  

ಈ ಕುರಿತು ದಿನಾಂಕ 08 ರಂದು ಪಂಚಾಯತಿ ಅಭಿವೃದ್ದಿ ಅಧಿಕಾರಿಗಳು ಸರ್ವ ಸದಸ್ಯರನ್ನು ಸಭೆ ಕರೆಯಲಾಗಿತ್ತು. ಆದರೆ ತಡೆಯಾಜ್ಞೇ ತಂದಿದ್ದ ಓರ್ವ ಸದಸ್ಯನನ್ನು ಹೊರತುಪಡಿಸಿ ಎಲ್ಲ ಸದಸ್ಯರು ಸರ್ವಾನುಮತದಿಂದ ಕಟ್ಟಡ ಕಟ್ಟಲು ತಮ್ಮ ಸಂಪೂರ್ಣ ಬೆಂಬಲವನ್ನು ವ್ಯಕ್ತಪಡಿಸಿದರು.  

ನಿರ್ಮಾಣ ಹಂತದಲ್ಲಿರುವ ಕಾಮಗಾರಿಯನ್ನು ಕೂಡಲೆ ಮುಗಿಸುವುದಾಗಿ ಸಭೆಯಲ್ಲಿ ಚರ್ಚಿಸಿ ಸದಸ್ಯರಿಂದ ಅನುಮತಿ ಪಡೆಯಲಾಯಿತು ಎಂದು ಪಂಚಾಯತಿ ಅಭಿವೃದ್ದಿ ಅಧಿಕಾರಿಗಳು ಪತ್ರಕರ್ತರಿಗೆ ತಿಳಿಸಿದ್ದಾರೆ.  

ಈ ಕುರಿತು ಹತ್ತರಗಿ ಪಂಚಾಯತಿ ವ್ಯಾಪ್ತಿಯಲ್ಲಿ ಬರುವ ಎಲ್ಲ ಗ್ರಾಮಸ್ಥರು ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.